Интетрикс №20, капс.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Интетрикс №20, капс.

Қолжетімділігі
Тауар қолда жоқ
Үлгі
3582180535345
Елі
Франция
Өндіруші
Бофур ИПСЕН Индастри, Фра
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Интетрикс®

Халықаралық патенттелмеген атауы

Жоқ

Дәрілік түрі, дозасы

Капсулалар

Фармакотерапиялықтобы

Протозойға қарсы препараттар. Амебиаз және басқа протозой инфекцияларын емдеуге арналған препараттар. Гидроксихинолин туындылары. Тилброхинол

АТХ коды: P01AА05

Қолданылуы

Ересектердегі ішек амебиазында:

- тіндік амебицидтермен бірге кешенді емдеу құрамында,

- диагностикаланған амебиаздың симптомсыз жағдайларындағы монотерапияда

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа (заттарға) немесе қосымша заттардың қандай да біріне аса жоғары сезімталдық

- 18 жасқа дейінгі балаларға және жасөспірімдерге

- тұқым қуалайтын галактозаны көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар тұлғалар қолдануға болмайды

Қолдану кезінде қажетті сақтық шаралары

Соңғы зерттеулер дені сау еріктілерде Интетрикс препаратының орташа, симптомсыз және қайтымды саналатын трансаминаза деңгейінің жоғарылауына жиі себепті болатынын растады. Демек, трансаминаза деңгейі жоғарылаған жағдайда, әсіресе сарғаю жағдайында, препаратпен емдеу тоқтатылуы тиіс.

Шеткері нейропатияның туындау қаупіне байланысты, Интетриксті ұзақ уақыт қолдану дұрыс емес.

Басқа дәрілік препараттармен өзара әрекеттесуі

Интетриксті құрамында гидроксихинолиндер бар препараттармен бір мезгілде тағайындауға болмайды.

Арнайы ескертулер

Интетрикс® құрамында азорубин (Е122) бояғышы бар, ол аллергиялық реакцияларға түрткі болуы мүмкін.

Интетрикс® құрамында лактоза бар. Галактоза жақпаушылығы, лактаза жеткіліксіздігі немесе галактоза немесе глюкоза мальабсорбциясы синдромы (сирек тұқым қуалайтын ауру) бар пациенттерге препаратты қолдануға болмайды.

Педиатрияда қолдану

Бұл дәрілік препаратты 18 жасқа дейінгі балаларға және жасөспірімдерге қолдануға болмайды.

Жүктілік және лактация кезеңі

Жүктілік

Қазіргі уақытта туа біткен ақаулардың дамуы мен фетоуыттылықты бағалау үшін жеткілікті мәліметтер жоқ. Осыған орай, Интетриксті жүктілік кезінде және лактация кезеңінде қолдану ұсынылмайды.

Емшек емізу

Қазіргі уақытта туа біткен ақаулардың дамуы мен фетоуыттылықты бағалау үшін жеткілікті мәліметтер жоқ. Осыған орай, Интетриксті жүктілік кезінде және лактация кезеңінде қолдану ұсынылмайды.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Қатысы жоқ.

Қолдану жөніндегі нұсқаулар

Дозалау режимі

2 капсуладан таңертең және кешке (яғни, күніне 4 капсуладан).

Енгізу әдісі және жолы

Пероральді.

Капсулаларды тұтастай, тамақтанудың басында, жеткілікті су мөлшерімен ішіп қабылдайды.

Емдеу ұзақтығы

Емдеу курсы – 10 күн.

Артық дозаланған жағдайда қолдану қажет шаралар

Артық дозалануы сарысу трансаминазалары белсенділігінің артуымен, сондай-ақ қанның ұю көрсеткіштерінің өзгеруімен қатар жүреді (протромбин деңгейі). Бұл көрсеткіштерді бақылап отыру қажет.

Дәрілік препаратты қолдану тәсілін анықтау үшін медициналық қызметкерге кеңес алуға жүгіну керек

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Жағымсыз құбылыстар келесі жіктеме бойынша жүйелік-ағзалық кластары мен жиілігі бойынша төменде келтірілген: өте жиі (≥ 1/10), жиі (≥ 1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000), жиілігі белгісіз (жиілігі белгісіз жағымсыз реакциялар қолда бар деректердің негізінде бағалануы мүмкін емес).

Жиі (³ 1/100 < 1/10 дейін)

- қан сарысуындағы трансаминазалар деңгейінің артуы(олардың көбісі симптомсыз жәнепрепаратты тоқтатқаннан кейін төмендейді).

Сирек (³ 1/10000 < 1/1000 дейін):

- аллергиялық реакциялар: есекжем, Квинке ісінуі;

- буллёзді типтегі тері реакциялары: перманенттік пигменттеуші эритема.

Өте сирек

- көру жүйкесінің шеткері нейропатиясы (ұзақ уақыт бойы қабылдаған кезде )

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында:

белсенді заттар: тилброхинол - 200 мг, тилихинол - 50 мг, тилихинол N- додецилсульфат* - 50 мг

* N-додецилсульфат = лаурилсульфат

қосымша заттар: лактоза моногидраты, жүгері крахмалы

Желатинді капсуланың құрамы:

корпусы: титанның қостотығы (E171), желатин

капсуланың қақпағы: азорубин (E122), индиготин (Е132), титанның қостотығы (E171), желатин

Сыртқы түрінің, иісінің, дәмінің сипаттамасы

Ақ мөлдір емес корпусы және мөлдір емес күңгірт-қызыл қақпақшасы бар, қатты желатинді капсулалар № 1. Капсулалардың ішіндегісі - сұрғылт-сары түсті тығыздалған микрокристалды ұнтақ.

Шығарылу түрі және қаптамасы

10 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан қазақ және орыс тіліндегі медициналық қолдану жөніндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Бофур Ипсен Индастри

28100 Dreux, France (Франция)

Тел.: +33237654600; факс: +33237468598

www.ipsen.com

Тіркеу куәлігінің ұстаушысы

IPSEN Consumer HealthCare

65 quai Georges Gorse F-92100 Boulogne-Billancourt, France (Франция)

Тел.: +33158335000; факс: +33158335003

www.ipsen.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон,факс,электрондыпошта)

"ИПСЕН ФАРМА КАЗАХСТАН" (IPSEN PHARMA KAZAKHSTAN) ЖШС

050040, Алматы қ., Байзақов к-сі, 280, т.е.б 15к. Тел./факс: 8 (727) 2646448

Электронды пошта: pharmacovigilance.kazakhstan@ipsen.com