Анальгин 0,5 г № 10 табл

Сипаттама

Дәрілік препаратты медициналық қолдану

жөніндегі нұсқаулық (Қосымша-парақ)

Саудалық атауы

Анальгин

Халықаралық патенттелмеген атауы

Натрий метамизолы

Дәрілік түрі, дозасы

Таблеткалар 500 мг

Фармакотерапиялық тобы

Жүйке жүйесі. Анальгетиктер. Басқа анальгетиктер және антипиретиктер. Пиразолондар. Натрий метамизолы

АТХ кодыN02BB02

Қолданылуы

• Жарақаттан немесе хирургиялық араласудан кейінгі өте қатты ауыруда.
• Шаншуларда.
• Ісік аурулары кезіндегі ауырсынуларда.
• Өзге емдік шаралар көрсетілмеген кезде басқа да жедел немесе созылмалы қатты ауыруда.
• Жоғары температура, басқа тәсілмен басылмағанда.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• Препараттың әсер етуші затына немесе қосымша заттардың кез келгеніне аса жоғары сезімталдық.
• Басқа пиразолондарға (мысалы, феназон, пропифеназонға) немесе пиразолидиндерге (мысалы, фенилбутазон, оксифенбутазонға) жоғары сезімталдық, мысалы, анамнезінде осы препараттардың біреуін қолданғаннан кейін туындаған агранулоцитозды қоса алғанда.
• Сүйек кемігі функциясының бұзылуы (мысалы, цитостатиктермен емдеуден кейін) немесе қан түзу жүйесінің аурулары.

• Салицилаттар, парацетамол, диклофенак, ибупрофен, индометацин, напроксен сияқты ауырсынуды басатын препараттарға бронх түйілуі немесе басқа анафилактоидты реакциялары бар пациенттер (мысалы, есекжем, ринит, ангионевроздық ісіну).
• Жедел ұстамалы порфирия (порфирия ұстамасының туындау қаупі).
• Туа біткен глюкоза-6-фосфатдегидрогеназа тапшылығы (гемолиз қаупі).
• Гипотония немесе тұрақсыз гемодинамикамен пациенттер.
• Жүктіліктің III триместрі.

Басқа дәрілік препараттармен өзара әрекеттесуі

• Метамизол циклоспориннің қан сарысуындағы концентрациясын төмендетуі мүмкін, сондықтан оларды бір уақытта қолданған жағдайда циклоспорин концентрацияын бақылау керек.
• Метамизолды, әсіресе егде жастағы пациенттерде метотрексатпен бір мезгілде енгізу метотрексаттың гематологиялық уыттылығын күшейтуі мүмкін. Сондықтан осы дәрілерді бір мезгілде қолданудан аулақ болу керек.
• Метамизол ацетилсалицил қышқылымен (аспиринмен) бір уақытта қолданғанда ацетилсалицил қышқылының тромбоциттер агрегациясына әсерін азайтуы мүмкін.Сондықтан мұндай біріктірілімді ацетилсалицил қышқылының төменгі дозаларын антиагрегантты дәрі ретінде қабылдайтын пациенттерде сақтықпен қолдану керек.
• Метамизол бупропион концентрациясын төмендетіп, қандағы оның белсенді метаболиттерінің құрамын арттыруы мүмкін. Осыған байланысты метамизол мен бупропионды бір мезгілде қолданғанда сақ болу ұсынылады.

Зертханалық талдаулардың нәтижелеріне әсері:

• Метамизол Триндер/Триндер реакциясына ұқсас реакцияны қолдана отырып жүргізілетін зертханалық зерттеулерге әсер етуі мүмкін (мысалы, қан сарысуында креатинин, триглицеридтер, ТЖЛП холестерині және несеп қышқылы деңгейілерін өлшеуге арналған тесттер.
• ауыз қуысының, жұтқыншақтың, жыныс мүшелерінің немесе аноректальді аймақтың шырышты қабығында ойық жаралар сияқты шырышты қабықтың қабынбалы зақымданулары;

Арнаулы ескертулер

Агранулоцитоз

Метамизолмен индукцияланған агранулоцитоз, кем дегенде бір аптаға созылатын иммуноаллергиялық ауру болып табылады. Бұл реакциялар өте сирек кездеседі, бірақ күрделірек болуы немесе тіпті өлімге әкеп соқтыруы мүмкін. Олар дозаға байланысты емес және емдеудің кез келген уақытында дамуы мүмкін.

Нейтропениядан туындауы мүмкін мынадай белгілер немесе симптомдар: қызба, салқын тию, тамақтың ауыруы, ауыз қуысындағы ойық жаралар пайда болған жағдайда пациент емдеуді тоқтатуы және дәрігерге дереу жүгіну туралы хабардар ету қажет.

Нейтропения жағдайында (нейтрофилдер/мм³ <1500) емдеуді дереу тоқтату және оның көрсеткіштері қалпына келгенге дейін қанның жалпы талдау нәтижелерін қадағалау қажет.

Панцитопения

Панцитопения туындағанда ем дереу тоқтатылуы тиіс және оның көрсеткіштері қалпына келгенге дейін қанның жалпы талдау нәтижелерін қадағалау қажет.

Барлық пациенттерді, егер емделу уақытында қан жүйесі тарапынан келесі патологиялық өзгерістержалпы дімкәстік, инфекциялар, тұрақты қызба, гематомалардың пайда болуы, қан кету, метамизол қабылдау аясында бозару сияқты симптомдардың пайда болуымен қатар жүруі мүмкін екенін және дереу дәрігерге қаралу тиіс екенін ескерту керек.

Анафилаксиялық шок

Анафилаксиялық шок көбінесе бейім пациенттерде туындауы мүмкін. Сондықтан демікпесі немесе атопиясы бар пациенттерге метамизол тағайындағанда аса сақтық қажет («Қолдануға болмайтын жағдайлар» бөлімін қараңыз).

Метамизолды қолдануға жауап ретінде анафилактоидты реакциялар туындаған пациенттерде, сондай-ақ басқа есірткілік емес ауыруды басатын дәрілерді қолдануға жауап ретінде олардың даму қаупі болуы мүмкін екендігі расталған.

Метамизолды қолдануға жауап ретінде анафилаксиялық немесе аллергиялық реакциялар (мысалы, агранулоцитоз) пайда болған пациенттер де басқа пиразолондар мен пиразолидиндерді қолданғанда осындай реакциялардың даму қаупіне ұшырайды.

Анафилаксиялық/анафилактоидты реакциялар

Метамизол қолданғаннан кейін күрделі анафилактоидты реакциялар дамуының айрықша қаупіне ұшырауына бейім болуы мүмкіндігімен мына пациенттер ерекше сақ болу керек («Қолдануға болмайтын жағдайлар» бөлімін қараңыз):

• Ауыруды басатын дәрілерді (мысалы, салицилаттар, парацетамол, диклофенак, ибупрофен, индометацин, напроксен) қолданғаннан кейін пайда болатын бронх түйілуі немесе анафилактоидты реакциялардың басқа да түрлері (мысалы, есекжем, ринит, ангионевроздық ісіну) бар пациенттер.
• Анальгетикалық бронх демікпесі, әсіресе бір уақытта болатын полипозды риносинуситі бар пациенттер.
• Созылмалы есекжемі бар пациенттер.
• Алкоголь жақпаушылығы бар пациенттер, яғни кейбір алкогольдік сусындардың аз мөлшерін қабылдаған кезде алкогольге жоғары сезімталдығы бар болуы. Алкоголь жақпаушылығының симптомдары - бұл беттің қатты қызаруы, түшкіру және көзден жас ағу. Алкоголь жақпаушылығы бұрын анықталмаған аспириндік демікпе синдромын білдіруі мүмкін.
• Бояғыштарға (мысалы, тартрацин) және консерванттарға (мысалы, бензоаттар) қатысты жақпаушылығы бар пациенттер.

Натрий метамизолын қолданар алдында пациентке мұқият сұрау жүргізу қажет. Анафилаксиялық реакциялардың даму қаупі анықталған кезде метамизолды қолданудың пайдасы мен қауіп арақатынасын мұқият бағалағаннан кейін ғана қабылдауға болады. Мұндай пациенттерде метамизол қолданылған жағдайда олардың жай-күйін қатаң медициналық бақылауға алу қажет, анафилаксиялық/анафилактоидты реакциялар дамыған жағдайда оларға шұғыл көмек көрсету үшін керекті дәрі-дәрмек болуы қажет.

Оқшауланған гипотензиялық реакциялар

Метамизол қолдану оқшауланған гипотензиялық реакциялар туындатуы мүмкін («ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар» бөлімін қараңыз). Бұл реакциялар дозаға тәуелді сипатқа иеленуі мүмкін.

Осындай сипаттағы күрделі гипотензиялық реакцияларды болдырмау үшін:

• қан көлемінің тапшылығымен алдыңғы гипотониясы, сусыздануы немесе дегидратациясы, артериялық қысымның тұрақсыздығы немесе басталған қан айналымының жеткіліксіздігі бар пациенттерде гемодинамиканы қалпына келтіру қажет.
• температурасы жоғары пациенттерге ерекше көңіл бөлу керек.

Мұндай пациенттерде метамизолды қолданғанда мұқият бақылау талап етіледі, оны қолдану қатаң медициналық қадағалаумен жүзеге асырылуы тиіс.

Гипотензиялық реакциялар қаупін азайту үшін қан айналымын тұрақтандыру сияқты алдын алу шаралары қажет болуы мүмкін. Гипотониясы немесе қан айналымы жеткіліксіздігі бар пациенттерге арналған нұсқаулар («Қолдануға болмайтын жағдайлар» бөлімін қараңыз).

Ауыр тері реакциялары

Метамизол қабылдау аясында өмірге қауіп төндіретін Стивенс-Джонсон синдромы (СДС) және уытты эпидермальді некролиз (УЭН) сияқты тері реакцияларыхабарланды. СДС және УЭН симптомдары, оның ішінде көбінесе күлдіреуікпен немесе шырыш зақымдануымен жүретін үдемелі тері бөртпесі пайда болғанда, натрий метамизолымен емдеуді дереу тоқтату керек және пациенттердің осы санатында ешқашан қайта қоданылмауы тиіс.

Пациенттер осы аурулардың симптомдары туралы хабардар болуы тиіс. Оларда, әсіресе емдеудің алғашқы апталары ішінде тері реакцияларын мұқият бақылау керек.

Натрий метамизолы кез келген жағдайларда артериялық қысымның төмендеуінен аулақ болу қажет пациенттерде, мысалы, ауыр ишемиялық жүрек ауруында немесе ми артерияларының стеноздарында гемодинамикалық параметрлерді мұқият бақылаумен ғана қолданылуынарқұсат етілуі мүмкін.

Бүйрек немесе бауыр функциясы бұзылған пациенттерде оның шығарылу жылдамдығының төмендеуіне байланысты метамизолды жоғары дозаларда қабылдаудан аулақ болу ұсынылады.

Егер Анальгин сияқты пиразол туындыларын қолданғаннан кейін қызба пайда болса немесе жойылмаса, сондай-ақ емдеу кезінде теріде немесе ауыздың немесе тамақтың шырышты қабаттарында ауырсынатын ойық жаралар пайда болса, онда Анальгин дәрілік затын қабылдауды дереу тоқтату және ешқандай басқа ауырсынуды басатын немесе ыстықты түсіретін дәрілерді қабылдамау қажет. Әдетте бұл 2-ден 3 аптаға дейін созылады, оның барысында кең ауқымды антибиотиктер мен антимикотиктерді қолдану ұсынылады.

Несеп қызыл түске боялуы мүмкін. Ол қауіпті емес және зиянды емес метаболит — рубазон қышқылының бөлінуінен туындайды.

Жүктілік және лактация кезінде

Жүктілік

Метамизолды жүктілік кезінде қолдану туралы жеткілікті деректер жоқ.

Жүктіліктің бірінші триместрінде метамизол қабылдаған жүкті әйелдер туралы жарияланған мәліметтерге сәйкес тератогендік немесе эмбриоуытты әсерлері анықталған жоқ.

Кейбір жағдайларда бірінші және екінші триместрде метамизолдың бір реттік дозаларын қабылдау емдеудің басқа нұсқалары болмаған кезде қолайлы болуы мүмкін. Алайда метамизолды бірінші және екінші триместрде қолдану әдетте ұсынылмайды. Үшінші триместрде қолдану фетоуыттылықпен (бүйрек жеткіліксіздігі және артериялық түтіктің тарылуы) байланысты болғандықтан, жүктіліктің үшінші триместрінде метамизолды қолдануға болмайды. Үшінші триместр барысында метамизолды байқаусызда қолданған жағдайда ультрадыбыстық зерттеу және эхокардиография көмегімен амниондық сұйықтықты және артериялық түтікті тексеру керек.

Метамизол плацентарлық бөгет арқылы өтеді.

Лактация кезеңі

Метамизолдың ыдырау өнімдері көп мөлшерде емшек сүтімен шығарылады, сондықтан емшек сүтімен қоректенетін бала үшін қауіпті жоққа шығаруға болмайды. Атап айтқанда, бала емізу кезінде метамизолды бірнеше рет қолданудан аулақ болу керек. Метамизолды бір рет қолданған жағдайда аналарға емшек сүтін жинап және оны қолданғаннан кейін 48 сағат ішінде утилизациялау ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларды қолданғаннан кейін жинақталу және жауап беру қабілетіне жағымсыз әсері туралы хабарланған жоқ. Керісінше, жоғары дозаларда препарат жинақталуы және жауап беру қабілетіне жағымсыз әсер етуі мүмкін екенін және бұл қабілеттер маңызды болған жағдайларда, мысалы, көлік құралдарын басқару немесе механизмдермен жұмыс істеу кезінде қауіп төндіретінін ескеру қажет. Алкогольді тұтыну бұл қауіпті одан әрі арттыруы мүмкін.

Қолдану бойынша ұсынымдар

Дозалау режимі

Дозалануы ауыру қарқындылығына немесе қызбаға және пациенттің натрий метамизолын қабылдауға жекелей сезімталдығына байланысты. Ауыру және/немесе қызбаны талапқа сай бақылайтын ең төменгі тиімді дозалар таңдалуы тиіс.

Ересектер мен 15 жастағы және одан үлкен жастағы жасөспірімдер (>53 кг) 1000 мг-ға дейін метамизолды бір реттік доза түрінде тәулігіне 4 рет 6-дан 8 сағатқа дейінгі аралықпен қабылдай алады, бұл 4000 мг ең жоғары тәуліктік дозаға сәйкес келеді.

Пероральді қабылдағанда әсер етуі басталғанға дейін, әдетте,30-дан 60 минутқа дейін өтеді.

Келесі кестеде дене салмағына және жасына байланысты ұсынылатын бір реттік дозалар мен ең жоғары тәуліктік дозалар келтірілген:

Балалар

Бір таблеткадағы 500 мг метамизолдың бекітілген мөлшеріне байланысты Анальгинді қабылдау 15 жасқа дейінгі балаларға қарсы көрсетілімде. Басқа дәрілік түрі/концентрацияларықол жетімді, оларды кіші жастағы балаларға тек дұрыс қолдану қажет.

Егде жастағы пациенттер, креатинин клиренсі төмендеген науқастар мен пациенттер

Егде жастағы пациенттерде, креатинин клиренсі төмендеген науқастар мен пациенттерде доза азайтылуы тиіс, өйткені метамизол метаболизмі өнімдерінің шығарылу көп уақыт алуы мүмкін.

Бауыр және бүйрек функциясының жеткіліксіздігі

Бірнеше жоғары дозаларды қабылдаудан аулақ болу керек, өйткені бүйрек немесе бауыр функциясының жеткіліксіздігінде метаболизм өнімдерінің шығарылу жылдамдығы баяулауы мүмкін. Препаратты қысқа мерзімде пайдаланған кезде дозаны азайтудың қажеті жоқ. Бүгінгі күні ауыр бауыр және бүйрек функциясының жеткіліксіздігі бар пациенттерде метамизолды ұзақ уақыт қолдану тәжірибесі жоқ.

Артық дозалану жағдайында қабылдау қажет шаралар

Симптомдары:

Жедел артық дозалану жай-күйінде келесі мынадай реакциялар туралы хабарланды: жүрек айнуы, құсу, іштің ауыруы, бүйрек функциясының шектелуі, жедел бүйрек жеткіліксіздігі (мысалы, интерстициальді нефрит аясында) және, сирек – орталық жүйке жүйесі тарапынан болатын симптомдар (бас айналуы, ұйқышылдық, кома, құрысулар), артериялық қысымның күрт төмендеуі (тіпті шокқа дейін өрбитін),жүрек ырғағының бұзылыстары (тахикардия).

Өте жоғарғы дозаларды қабылдаудан кейін зиянды емес метаболит (рубазон қышқылы) шығарылуы несептің қызыл түске боялуына әкелуі мүмкін.

Емі:

Метамизол үшін белгілі спецификалық антидот жоқ.

Ішке қабылдаған сәттен бастап бастапқы детоксикация шараларын (мысалы, асқазанды шаю) немесе сіңіруді азайту бойынша шараларды (мысалы, белсендірілген көмір қабылдау) қабылдау арқылы оның белсенді компоненттердің жүйелік адсорбциясын шектеуге тырысуға болады. Негізгі метаболит (4-N-метиламиноантипирин) гемодиализ, гемофильтрация, қан перфузиясы немесе қан плазмасының фильтрациясы кезінде жойылуы мүмкін.

Дәрілік препаратты қолдану тәсілін түсіндіру үшін медициналық қызметкерге консультация алу үшін жүгіну бойынша ұсынымдар

Препаратты дәрігердің тағайындауы бойынша қолданады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар

Жиілік санаты: Клиникалық зерттеулер деректерінің негізінде тіркелген жиілікке сәйкес жағымсыз реакцияның әрбір түрі үшін анықталады: Өте жиі (≥1/10), Жиі (≥1/100 <1/10 дейін), Жиі емес (≥1/1000 <1/100 дейін), Сирек (≥1/10000 <1/1000 дейін), Өте сирек (<1/10000), Жиілігі белгісіз (қолда бар деректер негізінде жағымсыз реакциялар кездесуінің жиілігін бағалау мүмкін емес).

Жүрек тарапынан бұзылулар

Жиілігібелгісіз: Коуниссиндромы.

Иммундық жүйе тарапынан бұзылулар

Сирек: анафилаксиялық/ анафилактоидты реакциялар.

Өте сирек: анальгетиктік бронх демікпесі.

Жиілігі белгісіз: анафилаксиялық шок.

Метамизол күрделі және өмірге қауіпті немесе тіпті өлімге әкеп соқтыруы мүмкін анафилаксиялық шок пен анафилаксиялық/анафилактоидты реакцияларды тудыруы мүмкін.

Бұл реакциялар бұрын қандай да бір асқынуларсыз натрий метамизолын бірнеше рет қабылдаған пациенттерде пайда болуы мүмкін.

Бұл реакциялар метамизол қабылдағаннан кейін немесе бірнеше сағаттан кейін бірден басталуы мүмкін. Әдетте, олар қабылдағаннан кейінгі алғашқы сағаттарында туындайды.

Әдетте, жеңіл анафилаксиялық және анафилактоидты реакциялар теріде және шырышты қабықтарда пайда болады және олар қышыну, есекжем, бөртпе, ісіну, күйік, ентігу және жиі асқазан-ішек жолдарының бұзылуы түрінде көрінеді. Бұл жеңіл реакциялар жайылған есекжем, ауыр ангионевроздық ісіну (соның ішінде көмейде), ауыр бронх түйілуі, жүрек аритмиясы, қан қысымының күрт төмендеуі (кейде оның алдында қан қысымның жоғарылауы), сондай-ақ жүрек-қантамырлық шок сияқты күрделі түрге дейін өршуі мүмкін.

Ауыруды басатын дәрілерден туындаған демікпе синдромы бар пациенттерде жақпаушылық реакциялары әдетте демікпе ұстамалары түрінде болады.

Тері және тері асты тіндері тарапынан бұзылыстар

Жоғарыда көрсетілген анафилаксиялық және анафилактоидты реакциялармен байланысты тері мен шырышты қабықтардың зақымдануынан басқа, келесі бұзылулар туындауы мүмкін:

Жиі емес: тұрақтанған дәрілік дерматит.

Сирек: терідегі бөртпе.

Жиілігі белгісіз: Стивенс-Джонсон синдромы немесе Лайелл синдромы.

Қан және лимфа жүйесі тарапынан бұзылулар

Сирек: лейкопения.

Өте сирек: агранулоцитоз, оның ішінде өлімге әкеп соқтыратын жағдайларды қоса, тромбоцитопения.

Жиілігі белгісіз: апластикалық анемия, панцитопения, оның ішінде өлімге әкеп соқтыратын жағдайларды қоса.

Бұл реакциялар иммунологиялық деп есептеледі және бұрын қандай да бір асқынусыз натрий метамизолын бірнеше рет қабылдаған пациенттерде де туындауы мүмкін.

Агранулоцитоздың клиникалық симптомдары төмендегідей:

• алдын-ала болжанбайтын тұрақты және қайталанатын, сепсис туындататын қызба;
• қалтырау;
• баспа;
• жеңіл немесе анықталмаған лимфаденопатияда седиментация жылдамдығының күрт артуы;
• спленомегалия анықталмауы;
• гемоглобин, эритроциттер және тромбоциттер көрсеткіштерінің қалыпта болуы.

Емдеуді тоқтатқаннан кейін лейкоциттер әдетте 2-3 апта ішінде өздігінен қалпына келеді.

Осы кезеңде кең ауқымды антибиотиктер мен антимикотиктерді қабылдау қажет.

Назар аударыңыз: антибиотиктерді қабылдайтын пациенттерде агранулоцитоздың әдеттегі симптомдары мардымсыз болуы мүмкін.

Тромбоцитопенияның клиникалық симптомдары төмендегідей:

қан кетуге бейімділіктің жоғарылауы және теріде және шырышты қабықтарда петехияның пайда болуы.

Қантамыр жүйесі тарапынан бұзылыстар

Жиі емес: оқшауланған гипотензиялық реакциялар.

Кейде препаратты қабылдағаннан кейін анафилаксиялық/анафилактоидты реакцияның басқа белгілерімен қатар жүрмейтін өтпелі және оқшауланған гипотензиялық реакциялар туындауы мүмкін; өте сирек жағдайларда бұл реакция қан қысымының күрт шекті төмендеуі түрінде көрінеді.

Бүйрек және несеп шығару жолдары тарапынан

Өте сирек: бүйрек функциясының бұзылуы.

Жиілігі белгісіз: интерстициальді нефрит.

Өте сирек жағдайларда, әсіресе анамнезінде бүйрек аурулары бар пациенттерде бүйрек функциясының жедел нашарлауы (жедел бүйрек жеткіліксіздігі), кейбір жағдайларда олигурия, анурия немесе протеинурия байқалуы мүмкін.

Жалпы бұзылыстар

Жиі емес: несептің қызыл түске боялуы ықтимал, төмен концентрацияларда болатын метаболит – рубазон қышқылымен байланысты болуы мүмкін.

Асқазан-ішек жолы тарапынан бұзылулар

Жиілігі белгісіз: асқазан-ішектен қан кету.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді зат – натрий метамизолы 500.0 мг,

қосымша заттар: сахароза, тальк, картоп крахмалы, кальций стеараты.

Сыртқы түрінің, иісінің, дәмінің сипаттамасы

Ойығы және сызығы бар, жалпақ цилиндр пішінді, ақ немесе сәл сарғыш реңді ақ түсті таблеткалар.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалғанпішінді ұяшықты қаптамада.

10 таблеткадан полиэтиленді жабынды қағаздан жасалған пішінді ұяшықсыз қаптамада.

Пішінді қаптамалар медициналық қолдану жөніндегі қазақ және орыс тілдеріндегі нұсқаулықтардың тең санымен топтық картон қорапшаға салынады.

Сақтау мерзімі

5 жыл

Жарамдылық мерзімі өткеннен кейін пайдалануға болмайды!

Сақтау шарттары

Құрғақ, жарықтан қорғалған жерде, 25 °С -ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

«Ирбит химия-фармацевтикалық зауыты» ААҚ, Ресей

623856, Свердловск обл., Ирбит қ., Киров к-сі,172 үй

Тел./факс: (34355) 3-60-90

e-mail: info@ihfz.ru

Тіркеу куәлігінің ұстаушысы

«Ирбит химия-фармацевтикалық зауыты» ААҚ, Ресей

623856, Свердловск обл., Ирбит қ., Киров к-сі,172 үй

Тел./факс: (34355) 3-60-90

e-mail: info@ihfz.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта)

Утегенова Б.А. ЖК

050022, Қазақстан, Алматы қ., Мәуленов к-сі, 123 «А», 7 пәтер

Тел.: +77017076181, электронды пошта: b.utegenova_ip@mail.ru

Дәріханалар

Қалалар