Сипаттама
Дәрілік препаратты медициналық қолдану жөніндегі нұсқаулық
Саудалық атауы
Бестоксол
Халықаралық патенттелмеген атауы
Таурин
Дәрілік түрі, дозасы
Көзге тамызатын дәрі, 4%
Фармакотерапиялық тобы
Сезім мүшелері. Офтальмологиялық препараттар. Басқа офтальмологиялық препараттар.
АТХ коды S01XA
Қолданылуы
- көздің торлы қабығының дистрофиялық зақымдануында;
- көздің тұқым қуалайтын тапеторетинальді дегенерациясында;
- мөлдір қабықтың дистрофиясы мен жарақаттануында;
- катарактада (қарттық, диабеттік, жарақаттық және сәулелік);
- глаукомада (ашық бұрышты)
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- тауринге немесе препарат компоненттеріне жоғарғы сезімталдық
- 18 жасқа дейінгі балалар
Қолдану кезінде қажетті сақтық шаралары
Препарат құрамында бар бензалконий хлориді консерванты жанаспалы линзаны тағып жүрген кезде көзге тітіркендіретін әсер беруі мүмкін, сондықтан кез келген жанаспалы линзаны тамызудың алдында шешу және 15 минуттан ертерек тақпау керек.
Тамшылатқыш-құтының ұшы басқа заттармен және беткейлермен жанаспауын қадағалау керек. Тамызғаннан кейін тамшылатқыш-құтының қалпақшасын тығыз жабу керек.
Басқа дәрілік препараттармен өзара әрекеттесуі
Глаукомасы (ашық бұрышты) бар науқастарда Бестоксолды тимололмен біріктіріп қолданған жағдайда гипотензиялық әсердің айтарлықтай күшеюі анықталған. Әсердің күшеюіне жеңіл ағын коэффициентінің жоғарылауы және сулы ылғал өндірілуінің төмендеуі есебінен жетеді.
Ашық бұрышты глаукоманы емдеу үшін β-блокаторлармен біріктіріп қолданған кезде препараттың тиімділігі жөнінде деректер бар.
Әсердің күшеюіне жеңіл ағын коэффициентінің жоғарылауы және сулы ылғал өндірілуінің төмендеуі есебінен жетеді. Басқа да офтальмологиялық дәрілік затты бір мезгілде пайдалану қажеттілігі кезінде таурин мен басқа препараттың қолданылу аралығы 10-15 минуттан кем болмау керек.
Арнайы ескертулер
Жүктілік немесе лактация кезеңі
Жүктілік, емшек емізу кезінде препаратты қолдану жөнінде жеткілікті тәжірибе жоқ. Бестоксол емдеуші дәрігердің тағайындауы бойынша, егер күтілген емдік әсері шаранаға және балаға ықтимал жағымсыз әсерлердің даму қаупінен артса ғана қолданылуы мүмкін.
Педиатрияда қолдану
18 жасқа дейінгі балаларда дәрілік заттың тиімділігі мен қауіпсіздігі жөнінде деректер жоқ.
Дәрілік заттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері
Бестоксол инстилляциясынан кейін автокөлікті жүргізуге, күрделі техникамен, станоктармен немесе нақты көруді талап ететін басқадай құрал-жабдықтармен жұмыс істеу қабілетіне әсер ететін, көрудің қысқа мерзімдік бұзылуы пайда болған науқастарға емдеу кезеңінде көлік жүргізуге немесе күрделі механизмдермен жұмыс істеуге болмайды.
Қолдану жөніндегі нұсқаулар
Дозалау режимі
Бестоксол препаратын зақымданған көзге конъюнктивальді қапқа 2 тамшыдан тәулігіне 3-4 рет тамызады.
Енгізу әдісі және жолы
Тек жергілікті қолдануға арналған.
Қабылдау уақыты көрсетілген қолдану жиілігі
Катаракта кезінде – инстилляция түрінде күнделікті 3 ай бойы 2 тамшыдан 4 рет қолдану керек. Курсты бір айлық аралықпен қайталауға болады.
Жарақаттар кезінде бір ай бойы сол дозада қолданылады.
Глаукома кезінде (ашық бұрышты) тимололды тамызғанға дейін 20-30 минут бұрын күніне 2 рет инстилляция түрінде қолданылады.
Артық дозаланған жағдайда қолданылуы қажет шаралар
Бестоксол көзге тамызатын дәрісін қолданған кезде кездейсоқ артық дозалануыанықталмаған.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар
- аллергиялық реакциялар
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау Ұлттық Орталығы» РМК ШЖҚ
http://www.ndda.kz
Қосымша мәліметтер
Дәрілік препараттың құрамы
1 мл препараттың құрамында
белсенді зат - таурин 40 мг,
қосымша заттар: метилпарагидроксибензоат 1,0 мг, натрийгидроксиді рН 4,5-6,5 дейін, тазартылған су 1,0 мл дейін.
Сыртқы түрінің, иісінің, дәмінің сипаттамасы
Мөлдір түссіз сұйықтық
Шығарылу түрі және қаптамасы
Тамшылатқыш-тығыны және бұрандалы қорғаныш қалпақшасы бар, сақтандырғыш сақинасымен қамтылған пластик құтыда препарат 10 мл-ден.
1 құты медициналық қолдану жөніндегі қазақ және орыс тілдерінде жазылған нұсқаулықпен бірге картоннан жасалған қорапқа салынған.
Сақтау мерзімі
3 жыл
Құты ашылғаннан соң препаратты 4 апта бойы қолдануға болады.
Жарамдылық мерзімі өткеннен кейін қолдануға болмайды.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Уорлд Медицин Илач Сан. ве Тидж. А.Ш.», Түркия
15 Теммуз Мах., Джами Йолу Джад. № 50 Гюнешли Багджылар, Стамбул
Телефон: +90 (212) 474 70 50
Факс: +90 (212) 474 09 01
Эл. поштасы: info@worldmedicine.com.tr
Тіркеу куәлігінің ұстаушысы
«УОРЛД МЕДИЦИН ЛТД», Грузия
Бербути к-сі,10/ Алмасиани к-сі, 19-21, 26 кеңсе (корп.II), Тбилиси қ., Грузия
Телефон: +995 322 31 31 86,
Факс: +995 322 31 31 87
Эл. поштасы: info@worldmedicine.ge
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)
«TROKA-S PHARMA» ЖШС,
Алматы қ., Сүйінбай даңғ., 222б
Ұялы тел. +7 701 786 33 98 (24-сағат қолжетімді).
Эл. пошта: pvpharma@worldmedicine.kz
