Калия оротат 500 мг, №10, табл.

Сипаттама

Дәрілік затты медициналық қолдану

жөніндегі нұсқаулық

Калий оротаты

Саудалық атауы

Калий оротаты

Халықаралық патенттелмеген атауы

Оротат қышқылы

Дәрілік түрі

Таблеткалар 0.5 г

Құрамы

Бір таблетканың құрамында

белсенді зат – 0.5 г калий оротаты,

қосымша заттар: лактоза моногидраты; картоп крахмалы; желатин; стеарин қышқылы

Сипаттамасы

Жалпақ цилиндр пішінді, беті тегіс, сызығы және ойығы бар ақ түсті таблеткалар.

Фармакотерапиялық тобы

Ас қорыту жолы және зат алмасу. Минералды қоспалар. Калий препараттары

АТX коды А12ВА

Фармакологиялық қасиеттері

Фармакокинетикасы

Ас қорыту жолында толық сіңбейді, қабылданған дозаның сіңуі 10%-дан аспайды. Бауырда оротидин-5-фосфатқа айналады және несеппен бірге әртүрлі метаболиттер түрінде шығарылады.

Фармакодинамикасы

Стероидты емес анаболикалық дәрі. Алмасу үдерістеріне жалпы стимуляциялайтын әсер береді. Ақуыз синтезіне қатысатын нуклеин қышқылдарының синтезінің стимуляторы болып табылады, тіндерде репаративті және регенеративті үдерістерді күшейтеді. Оротат қышқылы бауырда, әсіресе кейбір аурулардағы ұзақ гипоксия жағдайында, мысалы, жүрек қызметінің жеткіліксіздігінде, альбуминдердің түзілуін күшейтеді. Препарат жүрек гликозидтерінің жағымдылығын жақсартады, диурездің артуына мүмкіндік береді.

Қолданылуы

Кешенді ем құрамында:

- жедел және созылмалы уыттанулардан болған бауыр ауруларында

- үдемелі бұлшықет дистрофиясында

- миокард инфарктісінде

- балалардағы алиментарлы және алиментарлы-инфекциялық дистрофияда

- анемияларда және анаболикалық үдерістерді, соның ішінде елеулі дене жүктемелерінде стимуляциялауды қажет ететін басқа да жағдайларда

Қолдану тәсілі және дозалары

Препаратты тамақтанудан 1 сағат бұрын немесе тамақтанудан кейін 4 сағаттан соң қабылдайды. Ересектер үшін доза тәулігіне 0,5-тен 1,5 г дейін (тәулігіне 2–3 рет 0,25 г - 0,5 г-нан). Емдеу курсы орта есеппен 20-30 күнге созылады. Ересектер үшін ең жоғарғы доза – 3 г.

Балаларға алиментарлы және алиментарлы- инфекциялық гипотрофияда, анемияларда, реконвалесценция кезінде препаратты тәулігіне дене салмағының 1 кг шаққанда 10-20 мг тағайындайды (2 - 3 қабылдауға). Емдеу курсы – 3-5 апта.

Қажет болған кезде бір ай үзілістен кейін емдеу курсын қайталайды.

Дәрігердің тағайындауы бойынша қолдану керек.

Жағымсыз әсерлері

- аллергиялық тері реакциялары

- диспепсия

- гиперкалиемия

Қолдануға болмайтын жағдайлар

- препарат компоненттеріне жоғары сезімталдық

- асциті бар бауыр циррозы

- гиперкалиемия

- лактоза жақпаушылығы, туа біткен Lapp-лактаза жеткіліксіздігі немесе глюкоза/галактоза сіңуінің бұзылуымен байланысты сирек тұқым қуалайтын аурулары бар пациенттер.

Сақтықпен

- бүйрек жеткіліксіздігі

- жүктілік және лактация кезеңі

Дәрілермен өзара әрекеттесуі

Калий жинақтаушы диуретиктермен және ангиотензин-өзгертуші фермент тежегіштерімен (каптоприл, лизиноприл және басқалар) өзара әрекеттескенде гиперкалиемия пайда болуы мүмкін.

Калий оротатының тиімділігі фолий қышқылымен, цианкобаламинмен және магний препараттарымен бір мезгілде қолданғанда жоғарылайды.

Калий оротаты жүрек гликозидтерінің уыттылығын біршама төмендетеді. Тұтқыр және бүркеуіш дәрілер асқазан-ішек жолында калий оротатының сіңуін төмендетуі мүмкін.

Айрықша нұсқаулар

Препаратты қандағы калий деңгейін бақылай отырып тағайындайды.

Калий оротатты калийдің орнын алмастыратын препарат ретінде қолдануға болмайды.

Лактоза

Препарат құрамында лактоза бар. Калий оротаты препаратын лактоза жақпаушылығы, туа біткен Lapp-лактаза жеткіліксіздігі немесе глюкоза/галактоза сіңуінің бұзылуымен байланысты сирек тұқым қуалайтын аурулары барпациенттерге қолдануға болмайды.

Жүктілік және лактация

Қажетті клиникалық деректердің жоқ болуына байланысты препаратты жүктілік және лактация (емшек емізу) кезеңінде қолдануға болмайды. Препарат пайда/қауіп арақатынасын емдеуші дәрігер мұқият бағалағаннан кейін ғана қолданылуы мүмкін.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Препарат көлікті және қауіптілігі зор механизмдерді басқару қабілетіне әсер етпейді.

Артық дозалануы

Анықталмаған.

Шығарылу түрі және қаптамасы

10 таблеткадан ТШ У 2033900654.001-2003 бойынша полиэтиленмен ламинацияланған қағаздан жасалған пішінді ұяшықсыз қаптамаға салынған.

Пішінді ұяшықсыз қаптамалар медициналық қолдану жөніндегі мемлекеттік және орыс тіліндегі нұсқаулықпен бірге топтық қаптамаға салынған.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші/Қаптаушы

«Лубныфарм» ЖАҚ.

Украина, 37500, Полтава обл., Лубны қ., Барвинков к-сі, 16.

Тіркеу куәлігінің иесі

«Лубныфарм» ЖАҚ, Украина.

Украина, 37500, Полтава обл., Лубны қ., Барвинков к-сі, 16.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта)

Фарм-Евро ЖШС

050039, Алматы қ., Майлин к-сі, 72 үй, 34 пәтер

Факс: +7(272) 71-84-97

Е-mail: farmevro@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

Фарм-Евро ЖШС

050039, Алматы қ., Майлин к-сі, 72 үй, 34 пәтер

Факс: +7(272) 71-84-97

Е-mail: farmevro@mail.ru

Қалалар