Сипаттама
Шығарылу түрі:
суспензия дайындауға арналған ұнтақ 150 мл
Құрамы:
5 мл дайын суспензия құрамында:
Белсенді заттар:
L-триптофан - 50 мг
Магний цитраты - 206,9 мг (магний - 30 мг)
Дəрілік Түймедақ гүлдерінің сығындысы - 80 мг
Дəрілік Мелисса жапырақтарының сығындысы - 50 мг
Жөке гүлдерінің сығындысы - 20 мг
Көмекші заттар: гуммиарабик, табиғи хош иістендіргіш, сахароза, сүт
қышқылы, кальций лактаты, L-аскорбин қышқылы, кремний диоксиді.
Физиологиялық əсері
Өсімдік сығындылары, L-триптофан амин қышқылы жəне магнийден
құралатын, жұмсақ тыныштандыратын, спазмолитикалық жəне аздап
ұйықтататын əсері бар, арнайы балалар үшін суспензия түрінде
əзірленген кешеннен тұратын тағамға арналған белсенді биологиялық
қоспа. Дегенмен, үлкен мөлшерде ересектер үшін де стресс, қатты
шалдығу, үрейлілік жəне ашушаңдық жағдайларында пайдалы болуы
мүмкін. Ширығу мен тынымсыздықтан арылуға, өз бетімен ұйықтап
кетуге көмектеседі жəне толыққанды түнгі демалысты қамтамасыз
етеді.
L-триптофан амин қышқылы адам ағзасында қалыптаспайды,
яғни сырттан келуі тиіс. L-триптофан мінез-құлықты, көңіл-күйді,
когнитивтік функциялар мен ұйқыны реттеуде маңызды рөл атқаратын
серотонин, мелатонин, никотин қышқылы (РР дəрумені), кинуренин,
хинолин қышқылының мида қалыптасу көзі болып табылады.
Сонымен қатар, триптофанды қабылдау мидағы дофамин,
норадреналин, бета-эндорфин құрамын арттырып, серотонин
алмасуы арқылы эндокриндік функцияларды модуляциялайды. Жүйке
жүйесінің үрей, тынымсыздық, агрессиялылық, албырт əуестік, сияқты
реакцияларын реттеу, физиологиялық ұйқы циклдарын бақылау жəне
т.б. үшін қолданылады. Ол психоэмоциялық күй мен өзін жақсы
сезінудің реттеушісі болып саналады. Жүйке жүйесінің жады, зейін
жəне ойлау сияқты негізгі көрсеткіштерін жақсартады.
Магний ионы зат алмасу реакцияларының басым бөлігіне қатысады,
жүйке импульстарының таратылуы мен бұлшықеттің жиырылуын
реттейді, жүйке жасушаларының қозуын азайтады. Қазіргі балалардың
ас үлесіндегі магнийдің тапшылығының созылмалы неврологиялық
жəне соматикалық патологияның қалыптасуында атқаратын рөлі
күннен күнге артып келе жатыр. Магнийді қабылдау бала ағзасының
бейімделу резервтерін айтарлықтай арттыратын, стресті (яғни
ағзаның стресс-реакциясын) басқарудың тиімді патогенетикалық
əдістерінің бірі болып табылады. Сонымен қатар, табиғи эндогенді
субстрат бола тұра, магний жанама əсерлерді, с.і. дағдылану жəне
тəуелділікті тудырмайды. Стресс жəне ауыр жүктемелер жағдайында
магнийге қажеттілік арта түседі. Магний жетіспеушілігі күйгелектік,
ашушаңдық, ұйқы бұзылыстарымен қатар жүреді; бұлшықет
құрысуына бейімділік, асқазан-ішек түйілуі немесе жүрек соғу
ырғағының жиілеуі орын алуы мүмкін. Ағзада магний құрамының
жеткілікті болуы баланың өсіп келе жатқан ағзасының жүрек-тамыр
жəне жүйке жүйелерінде өтетін метаболиттік процестер үшін ерекше
мəнге ие.
Дəрілік Түймедақ ежелден ғылыми жəне халық медицинасында
қолданылып келеді, осы күнге дейін ең көп сұранысқа ие дəрілік
өсімдіктердің бірі болып табылады. АІЖ (асқазан-ішек жолдары)
бұлшықеттерінің түйілуін қойдырады, ауырсынуды басатын жəне
тыныштандыратын қасиеттерге ие. Сондай-ақ құрамындағы апигениннің арқасында балалардың жүйке жүйесіне жағымды əсер етеді. Аш
ішекте божу процестерін тоқтатып, ас қорыту барысына жағымды əсер
етеді, өт айдағыш қасиетке ие, ішек бұлшықеттерін босаңсытып,
түйілуді жояды. Əртүрлі тері ауруларына жағымды əсер тигізіп,
ауырсынуды басатын, бактерицидтік жəне қабынуға қарсы əсер
береді.
Дəрілік мелисса сығындысының эфирлік майы тыныштануға
жəне ұйқы алдында босаңсуға көмектеседі. Мелисса седативтік,
спазмолитикалық, тіпті құрысуға қарсы əсерлерге ие. Жүйке жүйесінің
функцияларына эфирлік маймен қатар B1 (тиамин), B2 (рибофлавин),
C (аскорбин қышқылы) дəрумендері мен микроэлементтер кешені,
соның ішінде калий жағымды əсер береді. Биологиялық белсенді
заттардың тұтас кешенінің болуына байланысты, мелисса негізіндегі
препараттар өсімдіктің нейропротекторлық қасиеттерін анықтайтын
айқын антигипоксиялық əсерді қамтамасыз етеді. Сонымен қатар, жел
айдағыш əсерге ие. Түйілу құбылыстарын азайтып, ішектің тегіс
бұлшықеттерінің ширығуын басады.
Əдетте мелиссаны жүйке жүйесінің қозуы, вегетативтік тамыр
дистониясы, ұйқысыздық, аритмия, ас қорыту бұзылыстары,
вегетативтік невроздар барысында қолданады.
Жөке қабынуға қарсы, терлеткіш жəне тыныштандырғыш құрал болып
табылады. Жөке гүлдері биологиялық белсенді қосылыстар кешенінен
құралады: эфирлік майлар, флавоноидтар, полисахаридтер,
сапониндер, иік заттар, каротиноидтер жəне т.б.
Жөке гүлдерінің құрамында салицил қышқылының табиғи туындылары бар. Олар С дəрумені мен табиғи минералдандан құралады (темір,
калий, кальций, магний). Қабыну барысын жеңілдетіп, ісіну мен
қышуды басады. Орташа бактерицидтік, секретолиттік жəне құрысуға
қарсы əсер береді, аздап өт айдағыш жəне спазмолитикалық
қасиеттері бар. Токсиндер мен метаболиттердің шығарылуына септігін
тигізеді. Невроз, ұйқысыздық кезінде тыныштандырушы əсер береді.
Ішек аймағында шаншулар болған кезде де қолданылады. Жөке гүл
шоғырлары қанның тұтқырлығын біршама азайтады, сондай-ақ
қанның оттегімен жабдықталуын жақсартады, сондықтан жөке
гипоксия кезінде, яғни ағза жасушаларындағы оттегі тапшылығында
қолдануға көрсетілген.
Қолдану аймағы:
Балалар мен ересектерде орталық жүйке жүйесіне тыныштандыратын
əсер беретін тағамға биологиялық белсенді қоспа.
Қолдану тəсілі жəне мөлшері:
Қолдану алдында жақсылып шайқаңыз!
Ұнтақты алғашқы қолдану алдында шыны сауытта 150 мл құтыдағы
заттаңбаға дейін салқындатылған қайнаған сумен сұйылтыңыз.
Күніне: балаларға 3 айдан бастап – бастапқы мөлшері 2,5 мл-ден 1-2
рет; ересектерге - 5 - 10 мл - ден 1- 3 рет қабылдаңыз, қажет көлемді
сауыттың қалпақшасындағы өлшеуіш қақпақшасымен өлшеңіз. Дайын
өнімді тоназытқышта 30 күн сақтауға болады.
Ерекше нұсқаулар:
Жүктілік пен бала емізу кезеңінде пайдалану алдында дəрігермен
кеңесу ұсынылады. Табиғи компоненттердің өзгеруіне байланысты
түсі пен дəмінің, жəне кейде тұнба түзілуінің жеке айырмашылықтары
пайда болуы мүмкін, бірақ олар дайын өнім сапасының өзгеруінің
белгісі емес.
Қарсы көрсетімдер: Құрауыштарына жеке төзімсіздік.
Сақтау шарттары: Құрғақ, жарықтан қорғалған жерде, 25 °С - ден
аспайтын температурада сақтау керек. Балалардың қолы жетпейтін
жерде сақтау қажет! Жарамдылық мерзімі өткеннен кейін пайдалануға
болмайды!
Жарамдық мерзімі: 30 ай. Жарамдық мерзімі ашылмаған, дұрыс
сақталған өнімге қолданылады. Дайын өнімнің сақталу мерзімі:
тоңазытқышта 30 күнге дейін.
Өндіруші:
Labomar S.p.a., Италия
Perrery Farmaceutici S.r.l. үшін
Corso San Lorenzo, 1, 37026 Pescantina, Verona, Италия.
ҚР аумағында өнім сапасына қатысты шағымдарды
қабылдайтын ұйым: "EL company (ЕЛ компани)" ЖШС
Алматы қ., Масанчи к-сі 98А, 41-кеңсе
Тел: 8(727) 292-26-30, 292-26-65
факс: 8(727) 292-26-37
www.elcompany.kz
