Сипаттама
Дәрілік затты медициналық қолдану
жөніндегі нұсқаулық
Кальций хлориді
Саудалық атауы
Кальций хлориді
Халықаралық патенттелмеген атауы
Жоқ
Дәрілік түрі
Инъекцияға арналған ерітінді 10%, 5мл
Құрамы
5 мл препараттың құрамында
белсенді зат – 500.0 мг кальций хлориді гексагидраты
қосымша зат – инъекцияға арналған су
Сипаттамасы
Мөлдір түссіз сұйықтық
Фармакотерапиялық тобы
Қан және қан түзу ағзалары. Плазма алмастыратын және перфузиялық ерітінділер. В/і енгізуге арналған ерітінділерге қоспалар. Электролиттік ерітінділер. Кальций хлориді.
АТХ коды B05ХА07
Фармакологиялық қасиеттері
Фармакокинетикасы
Қанда кальций қосылыстарда және иондалған күйде (белсенді және иондалған кальций) болады. Вена ішіне енгізгенде, кальций хлориді сүйек тінінде жинақталады, ол жерде организмдегі барлық кальцийдің 99 %-ы болады. Организмнен негізінен ішекпен, ішінара – бүйрекпен шығарылады.
Фармакодинамикасы
Препарат жүйке импульстерінің берілісі, қаңқа бұлшықеттері мен жүрек бұлшықеттерінің жиырылуы, сүйек тінінің қалыптасуы, қанның ұюы және басқа ағзалар мен жүйелердің қалыпты қызмет атқаруы үшін қажетті кальций иондары тапшылығының орнын толтырады. Кальций жасуша жарғақшалары мен тамыр қабырғаларының өткізгіштігін төмендетеді, қабыну реакциялары дамуының алдын алады, организмнің инфекцияларға төзімділігін арттырады және фагоцитозды едәуір күшейтуі мүмкін. Вена ішіне енгізгенде вегетативтік жүйке жүйесінің симпатикалық бөлігін стимуляциялайды, эпинефриннің бүйрекүсті бездерінен бөлініп шығуын күшейтеді, орташа диурездік әсер береді.
Қолданылуы
- қан плазмасындағы кальций иондарының концентрациясын жылдам арттыруды қажет ететін (қалқанша маңы бездерінің функционалдық жеткіліксіздігі кезіндегі тетания, D дәрумені жеткіліксіздігі кезіндегі тетания) гипокальциемия жағдайларында
- магнийдің артық дозалануы кезінде туындайтын магниймен уыттану жағдайларында
- электрокардиограмманы бақылай отырып, ауыр гиперкалиемия кезінде кешенді ем құрамында
Қолдану тәсілі және дозалары
Вена ішіне сорғалатып немесе тамшылатып 0,75-1,5 мл/минуттан аспайтын жылдамдықпен енгізеді. Енгізу аяқталғаннан кейін пациент біраз уақыт "жатқан" қалыпта қалу керек.
Жедел гипокальциемияда – 1-3 күн бойы 500 мг-ден 1 гр дейін, қажет болса енгізуді әр 1-3 күн сайын қайталайды.
Магниймен уыттану кезінде – 500 мг (5 мл) инъекция түрінде енгізіледі. Қосымша дозаларды енгізбес бұрын емдік әсерге қол жеткізілгенін және кейінгі дозаны қабылдаудың мақсатқа сайлығын бағалау қажет.
Гиперкалиемиялық бұзылулар кезінде дозаны енгізу барысында ЭКГ өзгерістерін тұрақты мониторинг жүргізу арқылы титрлеу керек.
1 жастан асқан балаларға
Гипокальциемия: баяу, 0,5 мл/минуттан аз жылдамдықпен, дене салмағына 0,2 мл/кг дозада, тәулігіне ең көбі 10 мл енгізеді, қажет болса әр 4-6 сағат сайын қайталайды.
Тетания: 5-10 минут ішінде 10 мг/кг (дене салмағына 0,1 мл/кг), қажет болса әр 6 сағат сайын қайталайды немесе инфузия түрінде жалғастырады. Тәуліктік ең жоғарғы доза балалар үшін (жасқа байланысты емес) – 10 мл (1000 мг).
Емдеу курсының ұзақтығы емнің көрсетілімдері мен тиімділігіне байланысты.
Вена ішіне тамшылатып енгізу үшін ерітіндіні алдын ала 5% декстроза ерітіндісімен немесе 0,9% натрий хлориді ерітіндісімен сұйылтады.
Жағымсыз әсерлері
- депрессия
- ысыну сезімі, алдымен ауыз қуысының, содан кейін тұла бойдың шаншуы, бет терісінің гиперемиясы, ауыздың бор татуы, шеткері вазодилатация, артериялық қысымның төмендеуі, аритмия (соның ішінде брадикардия), вена тромбозы, жылдам енгізгенде естен тану және қарыншалардың фибрилляциясы туындауы мүмкін
- гиперкальциемия сирек (бүйрек функциясы бұзылғанда)
- жергілікті реакциялар: вена бойының тітіркенуі; тері гиперемиясы, ауыру, бөртпе, кальцификация айналасындағы тіндердің некрозына және қабыршақ түзілуіне алып келуі мүмкін экстравазацияны көрсетуі мүмкін
- аллергиялық реакциялар, есекжем.
Қолдануға болмайтын жағдайлар
- препарат компоненттеріне аса жоғары сезімталдық
- гиперкальциемия, гиперкальциурия
- бүйректің созылмалы ауыр жеткіліксіздігі (БСЖ)
- қарыншалардың дірілдеуі, асистолия және электромеханикалық диссоциациялар
- артериялық окклюзия көріністерімен жүретін атеросклероз, тромбоз дамуына бейімділік
- несептас ауруы
- саркоидоз
- жүрек гликозидтерін бір мезгілде қабылдау
- цефтриаксонмен бір мезгілде қабылдау
- жүктілік және лактация кезеңі
- 1 жасқа дейінгі балаларға
- тері астына немесе бұлшықет ішіне енгізу.
Дәрілермен өзара әрекеттесуі
Аллергиялық ауруларды емдеу үшін кальций хлориді мен гистаминге қарсы препараттарды бірге қолдану ұсынылады. Тетрациклиндердің, дигоксиннің, пероральді темір препараттарының сіңірілуін баяулатады (оларды қабылдаулар аралығы 2 сағаттан кем болмауы тиіс).
Кальций хлориді бір мезгілде қолданылғанда кальций өзекшелері блокаторларының әсерін әлсіретеді.
Хинидинмен бір мезгілде қолданғанда қарыншаішілік өткізгіштігі баяулауы және хинидиннің уыттылығы артуы мүмкін.Кальций тұздары бисфосфонаттар, фтор, фторхинолондар, тетрациклиндер сияқты дәрілік заттардың сіңірілуін төмендетеді. Бұл препараттарды қабылдау кальций тұздарын қолданғаннан кейін 3 сағаттан ерте жүргізілмеуі тиіс.
Кальций хлоридінің инфузиясы добутаминнің кардиотонустық әсерін төмендетеді. Кардиоуытты әсерінің күшеюіне және өліммен аяқталуы мүмкін жүрек аритмияларының даму мүмкіндігіне байланысты, жүрек гликозидтерімен емдеу кезінде кальций хлоридін парентеральді қолдану ұсынылмайды.
Тиазидтік диуретиктер кальцийдің шығарылуын төмендетеді, сондықтан кальция хлоридімен немесе құрамында кальций бар басқа препараттармен қолданғанда сақ болу қажет.
Цефтриаксон-кальций преципитациясы реакциясы дамуының және өліммен аяқталатын асқынуларының қаупіне байланысты, құрамында кальций бар ерітінділерді өмірінің 1 жылындағы балаларда цефтриаксонмен бірге қолдануға болмайды.
Құрамында кальций немесе магний бар басқа препараттармен бір мезгілде қабылдау, әсіресе БСЖ бар пациенттерде сәйкесінше гиперкалиемия немесе гипермагниемия қаупін арттырады.
Деполяризацияланбайтын миорелаксанттардың тиімділігін төмендетеді. Тубокурарин хлоридінің әсер ету ұзақтығын арттыруы мүмкін.
Фармацевтикалық тұрғыдан тетрациклиндермен, магний сульфатымен, құрамында фосфаттар, карбонаттар немесе тартраттар бар дәрілік заттармен үйлесімсіз.
5% декстроза ерітіндісімен және 0,9% натрий хлоридінің ерітіндісімен үйлесімді.
Айрықша нұсқаулар
Тітіркендіргіш және некроздаушы әсеріне байланысты, кальций хлоридін тері астына немесе бұлшықетке енгізуге болмайды.
Тиімді әсер етуі үшін дәрі-дәрмектік инфильтраттың аумағына бірізді түрде бастапқыда 5-10 мл 0,9% натрий хлориді ерітіндісі, содан соң 10 мл 0,25% новокаин ерітіндісі (тері астына 10% кальций хлориді инъекциясы анықталғаннан кейінгі алғашқы 10-15 минут) инъекциясын енгізу, одан кейін осы аумаққа жартылай спиртті компресс қою ұсынылады.
Препараттың ерітіндісі тері астына немесе бұлшықетке түсіп кеткен жағдайда, мүмкіндігінше, кальций хлоридін шприцтің көмегімен сорып алу, ал инъекция орнына 1 % новокаин ерітіндісін егу керек.
Емдеуді қандағы кальций концентрациясын бақылай отырып жүргізеді.
Препараттың тамыр жақтауына зақымдағыш әсер ету мүмкіндігін азайту үшін, инъекция үлкен венаға жіңішке ине арқылы жүргізілуі тиіс.
Препаратты балаларға, ауырлығы жеңіл және орташа дәрежедегі бүйректің созылмалы жеткіліксіздігі бар пациенттерге, дегидратацияда, электролиттік теңгерім бұзылуларында (гиперкальциемия қаупі), жүрек ауруларында (аритмия қаупі), бүйрек ауруларында, "өкпелік" жүректе, респираторлық ацидозда, тыныс алу жеткіліксіздігінде (кальций хлоридінің тотығуы салдарынан уытты реакциялар қаупі) сақтықпен қолданады.
Кальцийдің асқазанның қышқыл түзу функциясына стимуляциялаушы әсеріне байланысты, кальций хлоридін қабылдау асқазан-ішек жолының тітіркену симптомдарын туғызуы мүмкін, әсіресе пероральді қабылдағанда.
Дәрілік заттың көлік құралдарын немесе аса қауіптілігі зор механизмдерді басқару қабілетіне әсер ету ерекшеліктері
Препаратпен емдеу кезінде автокөлік жүргізуге және қауіпті механизмдермен жұмыс жасауға болмайды.
Артық дозалануы
Гиперкальциемия симптомдары: әлсіздік, анорексия, іштің ауыруы, құсу, жүрек айнуы, іштің қатуы, полидипсия, полиурия, қатты қажу, ашушаңдық, өзін нашар сезіну, депрессия, дегидратация, жүрек ырғағы бұзылуы мүмкін, миалгия, артралгия, артериялық гипертензия.
Емі: елеусіз артық дозалануында (қан сарысуындағы кальций концентрациясы – 2,6-2,9 ммоль/л) енгізуді тоқтатады және құрамында кальций бар басқа дәрілік заттарды да тоқтатады. Ауыр артық дозалануында (қан сарысуындағы кальций концентрациясы 2,9 ммоль/л асады) кальцитонинді дене салмағына тәулігіне 5-10 ХБ/кг дозада парентеральді енгізу (оны 500 мл 0,9% натрий хлориді ерітіндісінде сұйылта отырып), вена ішіне 6 сағат бойы тамшылатып енгізу керек. Вена ішіне сорғалатып баяу тәулігіне 2-4 рет енгізуге болады. Тиазидтік емес диуретиктер қолданылады; сарысудағы калий және магний концентрациясына бақылау жүргізеді, қажет болса – калий және магний препараттарын енгізеді, жүрек-қантамыр жүйесі функциясына бақылау жүргізу, аритмиялардың профилактикасы үшін бета-адреноблокаторларды енгізу керек. Қажет болса гемодиализ жүргізіледі.
Шығарылу түрі және қаптамасы
5 мл ерітіндіден нүктесі немесе сындыру сақинасы бар шыныдан жасалған шприцпен толтырылатын ампулаларға құяды.
Әр ампулаға заттаңба жапсырылады.
5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға салады.
Пішінді ұяшықты қаптамаларды медициналық қолдану жөніндегі мемлекеттік және орыс тілдеріндегі бекітілген нұсқаулықтармен бірге картоннан жасалған қорапқа салады. Медициналық қолдану жөніндегі нұсқаулықтар саны қаптамалар санына сәйкес салынады.
Сақтау шарттары
Жарықтан қорғалған жерде, 30°С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші/қаптаушы
«Химфарм» АҚ, Қазақстан Республикасы, Шымкент қ., Рашидов к-сі, 81
Тіркеу куәлігін ұстаушы
«Химфарм» АҚ, Қазақстан Республикасы, Шымкент қ., Рашидов к-сі, 81
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланысу деректері (телефон, факс, электронды пошта)
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі+7 7252 (610151)
Автожауапбергіш нөмірі+7 7252 (561342)
Электронды поштаcomplaints@santo.kz
Қазақстан Республикасы аумағында дәрілік заттың тіркеуден кейінгі қауіпсіздігін бақылауға жауапты ұйымның атауы, мекенжайы және байланысу деректері (телефон, факс, электронды пошта)
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі+7 7252 (610150)
Электронды поштаphv@santo.kz; infomed@santo.kz
