Сипаттама
Дәрілік затты медициналық қолдану
жөніндегі нұсқаулық
ЛАКТОН-Д
Саудалық атауы
Лактон-Д
Халықаралық патенттелмеген атауы
Жоқ
Дәрілік түрі
Капсулалар
Құрамы
Бір капсуланың құрамында
белсенді заттар: 180 х 106 кем емес лактобактериялар споралары(Bacillus coagulans Unique IS-2),
қосымша заттар: крахмал, кальций екі негізді фосфаты, лактоза, тальк, магний стеараты, поливинилпирролидон (PVP K30),
капсуланың құрамы: желатин, титанның қостотығы (Е171).
Сипаттамасы
Ақ немесе ақ дерлік түсті қатты желатинді капсулалар. Капсуланың ішіндегісі – ақ немесе ақ дерлік түсті ұнтақ.
Фармакотерапиялық тобы
Диареяға қарсы препараттар. Диареяға қарсы микроорганизмдер. Сүт қышқылын өндіретін микроорганизмдер.
АТХ коды: A07FA01
Фармакологиялық қасиеттері
Фармакокинетикасы
Лактобактериялар дегеніміз сапрофиттер-пробиотиктер. Пробиотиктер әртүрлі тағамдық компоненттерде болатын пайдалы бактериялар болып табылады және олардың көбі адам мен жануарлар ішегінде шоғырландырады. Ішекте пробиотиктер шырышты қабықтың қалыпты гомеостазын демеуде әрекет көрсету жолымен макроорганизмге көмектеседі. Пробиотиктер ішек шырышты қабығының қалыпты функциясын сақтауға ғана көмектесіп қоймайды, сондай-ақ шырышты қабықты токсиндер, аллергендер және патогенді микроорганизмдер сияқты зиянды факторлардан қорғайды.
Пробиотиктердің оңды әсеріне жасушалар цитопротекциясын, пролиферациясын, жасушалар көшуін, ақуыздар синтезі мен экспрессиясын қамтитын бірнеше гендер механизмдерінің көмегімен қол жеткізіледі. Ішек шырышты қабығында пробиотиктердің маңызды цитопротекторлық әсерлерінің бірі эпителиальді тұрақты қосылыстарды нығайту және ішек шырышты қабығы бөгетінің функциясын күшейту болып табылады. Пробиотиктер ақуыздардың төзімді қосылыстары синтезі жолымен бөгеттік функциясын арттырып қана қоймайды, сонымен қатар осы ақуыздар қосылыстарының бұзылуын болдырмайды.
Фармакодинамикасы
Ішке қабылдаған кезде лактобактериялардың споралары асқазан қышқылының мәндері төмен болғанда белсенділенеді, содан кейін он екі елі ішекке түседі, онда өседі және вегетативтік жасушаларға айналады.
Қабылдауды тоқтатқаннан кейін лактобактериялар организмнен баяу (10-12 күннен кейін) экскрецияланады.
Ас қорыту жолында бұл микроорганизмнің уақытша болу сипатына қарамастан, бұл ретте өндірілетін сүт қышқылы қалыпты ішекфлорасы кешені жағына ішектік ортада оңды ілгерілеуді туындатады. Әсер ету механизмі, болжамдалғандай, қалаулы облигатты микроорганизмдер мөлшерін толтыру және ауру тудыратын және шартты патогенді микробтарға қарсы әрекет ету жолымен асқазан-ішек экологиясын жақсартудың нәтижесі болып табылады. Сүт қышқылының екі изомері бактерия-продуценттермен:сүт қышқылының оңға айналдырушы (D (-) изомері және сүт қышқылының солға айналдырушы (L (+) изомері өндіріледі. Организмде сүт қышқылының L (+) толық, ал сүт қышқылының D (-) толық емес метаболизденеді, оның нәтижесі метаболизмдік ацидоздың белгілі бір дәрежесі болып табылады.L. sporogenes тек қана сүт қышқылының L (+) изомерін өндіреді. L.sporogenes бактерициндер мен қысқа тізбекті май қышқылдарын синтездейді деп болжамдалады. Микроорганизмдер өсуінде холестериннің жасуша құрылымына утилизациясы және кірігуі жүреді.
Қолданылуы
- антибиотиктермен, сульфаниламидтермен емдеу кезінде және одан кейін ішектің физиологиялық флорасы бұзылуында
- ішек дисбактериозында
- ас қорытудың жеткіліксіздігі синдромында, ферментопатияларда, диспепсияда
- диареяда, метеоризмде, іш қатуларда
- гастроэнтеритте, этиологиясы әртүрлі жедел және созылмалы колитте
- климаттың өзгеруімен байланысты бактериялар мен вирустар туындатқан немесе саяхат кезіндегі (саяхатшылардағы диарея) диареяны болдырмауда.
Қолдану тәсілі және дозалары
Ішке қабылдау үшін. Ересектерге тамақтануға дейін 1 сағат бұрын күніне 2 немесе 3 рет 2 капсуладан тағайындайды.
Емшекпен қоректендіру жағдайында ішек шаншуы және жеңіл диареясы бар 1 жасқа дейінгі балаларға дозасы күніне бір немесе екі рет 1/3 бастап ½ капсулаға дейінді құрайды, емшекпен қоректендіруге дейін қабылданады. Балалар үшін капсуланы ашып, капсуланың ішіндегісін бөлме температурасындағы жартылай сұйық немесе сұйық тағамның аздаған мөлшерімен араластыруға болады. Препаратты ыстық суда ерітуге болмайды. Пайдаланылмаған қоспаны келесі пайдалануға дейін сақтамау керек.
1-18 жастағы балалар мен жасөспірімдерге дозасы күніне бір немесе 2 рет 1-2 капсуланы құрайды.
Препаратты қабылдау ұзақтығы ауруға байланысты және оны дәрігер белгілейді. Қолдану ұзақтығы: ұзақ және созылмалы ағымдағы дизентерия, дизентериядан кейінгі колит кезінде, жедел ішек инфекциясынан кейінгі реконвалесценция кезеңінде, сондай-ақ этиологиясы анықталмаған ұзаққа созылған ішек дисфункциясы кезінде - 4 апта бойы; спецификалық емес ойық жаралы колитте, сондай-ақ созылмалы колиттерде және энтероколиттерде емдеу - 1,5 - 2 айға дейін; этиологиясы әртүрлі дисбактериоздар кезінде - 4апта. Микрофлора толық қалпына келмегенде емдеу курсы аяқталғаннан кейін 10-14 күннен соң алынған клиникалық әсерін бекіту үшін препараттың демеуші дозаларын (ересектерге 1 капсуладан күніне 2 рет) 1-1,5 ай бойы тағайындайды.
Қайталанумен жүретін аурулар кезінде қайталап емдеу курсын жүргізген дұрыс. Мұндай жағдайларда препаратты тағайындар алдында қайтадан микрофлораны зерттеу қажет.
Спора түзетін лактобактериялардың антибиотикке жоғары төзімділігін ескере отырып, Лактон-Д антибиотиктермен емге кедергі келтірмейді.
Жағымсыз әсерлері
- аллергиялықреакциялар
- тері бөртпесі
Қолдануға болмайтын жағдайлар
- препарат компоненттеріне жоғары сезімталдық
- қатерлі аурулар
- 1 айлыққа дейінгі балалар
Дәрілермен өзара әрекеттесуі
Антиоксиданттарды және ісікке қарсы препараттарды бір мезгілде қабылдау емдік әсерін төмендетеді, өйткені Лактон-Д қан плазмасында осы препараттар мөлшерінің деңгейін төмендетуі мүмкін.
Айрықша нұсқаулар
Препарат иммуносупрессиялық ем қабылдайтын пациенттерге тағайындалмауы тиіс, өйткені Lactobacillus sporogenes иммунитетті көтереді.
Жүктілік және лактация
Препаратты жүктілік және лактация (емшекпен қоректендіру) кезеңінде қолдану қауіпсіз деп саналады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралын немесе қауіптілігі зор механизмдерді басқару қабілетіне әсер етпейді.
Артық дозалануы
Айқындалмаған
Шығарылу түрі және қаптамасы
10 капсуладан поливинилхлоридті үлбірден және алюминий фольгаданжасалған пішінді ұяшықты қаптамаға салынған. 2 қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
Түпнұсқалық қаптамасында, құрғақ жерде, 25°С-ден аспайтын температурада.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Protech Biopharma Pvt. Ltd., Registered Office:
Dilkash Guest House, Alsafa Market, SariaBala, Srinagar 190001 (J and K), Үндістан
Тіркеу куәлігінің иесі
Protech Biopharma Pvt. Ltd., Үндістан
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
Қазақстан Республикасы, Алматы қ., Өтеген батыр к-сі, 13
Тел.: (727) 243 7415,е-mail: denovokz@rambler.ru
