Метромикон №10, ваг. свечи

Сипаттама

Дәрілік затты медициналық қолдану

жөніндегі нұсқаулық

МЕТРОМИКОН

Саудалық атауы

Метромикон

Халықаралық патенттелмеген атауы

Жоқ

Дәрілік түрі

Қынаптық суппозиторийлер

Құрамы

Бір суппозиторийдің құрамында

белсенді заттар: 100 мг метронидазол, 100 мг миконазол нитраты;

қосымша зат: қатты май.

Сипаттамасы

Ақ немесе сарғыш реңді ақ цилиндр-конус пішінді суппозиторийлер. Қимасында ауалы және кеуекті өзегі мен құйғы тәрізді ойығының болуына жол беріледі.

Фармакотерапиялық тобы

Гинекологиялық ауруларды емдеуге арналған антисептиктер және микробқа қарсы препараттар. Имидазол туындыларының біріктірілімі. Имидазол туындылары. Имидазол туыдыларының біріктірілімі.

АТХ коды G01AF20

Фармакологиялық қасиеттері

Фармакокинетикасы

Қынап ішіне енгізу кезінде метронидазолдың биожетімділігі шамамен 20% құрайды. Гематоэнцефалдық және плацентарлық бөгет арқылы өтеді, емшек сүтіне өтеді. Метронидазол бауырда метоболизденеді. Гидроксильді метаболиттері белсенді. Метронидазолдың жартылай шығарылу кезеңі 6-11 сағатты құрайды. Дозаның 20%-ға жуығы өзгермеген түрінде несеппен шығарылады. Қынап ішіне енгізгенде миконазол нитраты аз ғана сіңеді және плазмада айқындалмайды.

Фармакодинамикасы

Метромикон – зеңге қарсы, протозойға қарсы және бактерияға қарсы әсер ететін біріктірілгенпрепарат. Құрамында метронидазол мен миконазол нитраты бар.

Метронидазол Gardnerella vaginalis; қарапайымдылар: Trichomonas vaginalis, Giardia intestinalis, Entamoeba histolytica; анаэробты грамтеріс бактерияларға: Bacteroides spp. (Bacteroides fragilis, Bacteroides distasоnis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Prevotella spp. (Prevotella bivia, Prevotella buccae, Prevotella disiens); анаэробты грамоң бактерияларға: Clostridium spp., Eubacterium spp.; анаэробты грамоң кокктарға: Peptococcus spp., Peptostreptococcus spp. қатысты алғанда белсенді. Метронидазолға аэробты микроорганизмдер мен факультативті анаэробтар төзімді. Әсер ету механизмі анаэробты микроорганизмдер мен қарапайымдылардың жасуша ішілік тасымалдаушы протеиндерімен метронидазолдың 5-нитротобын биохимиялық қалпына келтіруге негізделген. Қалпына келтірілген метронидазолдың 5-нитротобы микроорганизмдердің жасуша ДНҚ-сымен олардың бактериялардың қырылуына әкелетін нуклеинді қышқылдары синтезін тежей отырып, өзара әрекеттеседі.

Дерматомицеттер мен ашытқылар миконазолға барынша сезімтал болып табылады. Әр түсті Malassezia furfur теміреткі қоздырғышына, кейбір дерматомикоздар қоздырғыштарына (Candida albicans, Trichophyton, Epidermophyton floccosum, Microsporum) қатысты алғанда белсенді. Dimorphons fungi, Cryptococcus neoformans, Aspergillus spp., Pityrosporum, Torulopsis glabrata, Pseudallescheria boydii; сонымен қатар стафилококктар мен стрептококктарды қоса, кейбір грамоң микроорганизмдерге қатысты алғанда белсенділік көрсетеді. Миконазол нитратының фунгицидті және фунгистатикалық әсері зеңдік жасуша жарғақшасы эргостеролының биосинтезін тежеуге, зең жасушаларының қырылуын туғыза отырып, липидті құрамның өзгеруі мен жасушалық қабырға өткізгіштігіне себепші болады.

Қолданылуы

- трихомонадты вагинит және уретритте

- қынаптық және вульвовагинальды кандидозда

Қолдану тәсілі және дозалары

Қынап ішіне

10 күн бойы тәулігіне 1 рет тура ұйықтар алдында бір суппозиторийден. Емдеуді аурудың барлық симптомдары жойылғаннан кейін бірнеше күн жалғастырады. Емдеу курстарының ұзақтығы мен оларды жүргізудің жиілігін дәрігер жекелей белгілейді.

Жағымсыз әсерлері

Жергілікті

- қышыну, күйдіріп-ашыту, қынаптың шырышты қабығының тітіркенуі, әсіресе емнің басында

Жалпы

- түйілу сипатындағы іштің ауыруы

- жүрек айнуы, диарея

- бас ауыруы, бас айналуы

- аллергиялық реакциялар (тері бөртпесі, есекжем)

Қолдануға болмайтын жағдайлар

- препараттың компоненттеріне немесе басқа да нитроимидазол туындыларына аса жоғары сезімталдық

- жүктіліктің I триместрі, лактация кезеңі

Дәрілермен өзара әрекеттесуі

Бір мезгілде қолданған кезде метронидазол тікелей емес антикоагулянттардың әсерін күшейтеді.

Метронидазолды бір мезгілде қолданған кезде:

- дисульфираммен ОЖЖ тарапынан бұзылудың байқалуы мүмкін (психикалық реакциялар);

- фенитоинмен қандағы фенитоин деңгейі жоғарылайды, ал қандағы метронидазол деңгейі төмендейді;

- литий препараттарымен олардың уыттылығының жоғарылауы байқалуы мүмкін;

- фенобарбиталмен метронидазолдың қандағы деңгейі төмендейді;

- циметидинмен метронидазолдың қандағы деңгейі жоғарылауы мүмкін.

Метронидазол және миконазол нитраты астемизол мен терфенадиннің метаболизмін тежейді, соның нәтижесінде қан плазмасында астемизол мен терфенадиннің концентрациясы артады.

Метромиконмен бір мезгілде қолданғанда қан плазмасындағы теофиллин мен прокаинамидтің концентрациясы өзгеруі мүмкін.

Айрықша нұсқаулар

Қан түзілуінің бұзылуы, шеткері және орталық жүйке жүйесінің аурулары, бүйрек және бауыр жеткіліксіздігі бар пациенттерге сақтықпен тағайындайды.

Анамнезде шеткері қан құрамындағы өзгерістерді көрсеткен кезде, сондай-ақ препаратты жоғары дозаларда және/немесе ұзақ қолданған кезде шеткері қан көрінісін бақылау керек (лейкопения қауіптілігі).

Науқастың неврологиялық статусының кез-келген нашарлауы емдеуді тоқтатуды қажет етеді.

Емдеу кезінде қандағы бауыр ферменттері мен глюкозаны анықтаған кезде нәтиженің өзгеруі мүмкін.

Метронидазол трепонемдерді иммобилизациялауы мүмкін, бұл жалған-оң ТРІ тестіне әкелуі мүмкін (Нельсонның трепонемдік тесті).

Препаратты қолданған кезде жыныстық қатынастарды тоқтата тұрған жөн. Қайта инфекция жұқтыруды болдырмау үшін жыныстық серіктесті бір уақытта емдеу, трихомонадты вагинит жағдайында метронидазол препаратын ішке бірге қабылдау керек.

Қынаптық суппозиторийлерді пайдалану суппозиторий негізінің латекспен немесе каучукпен өзара әрекеттесуі есебінен механикалық контрацепцияның (мүшеқаптар, қынаптық диафрагмалар) сенімділігін төмендетуі мүмкін.

Емдеу кезінде және емдеу курсы аяқталғаннан кейін 24-48 сағат ішінде алкогольді сусындарды тұтынуға және құрамында этанол бар препараттарды қолдануға тыйым салынған (дисульфирам тәрізді реакциялар туындауының мүмкіндігінен).

Педиатрияда қолданылуы

Балалар мен 18 жасқа дейінгі жасөспірімдерге (пәк қыздарға) осы жас санатында қолданылуы туралы деректердің жеткіліксіздігіне байланысты ұсынылмайды

Жүктілік және емшек емізу

Метромиконды жүктіліктің II және III триместрінде ана үшін болжамды пайдасы шаранаға төнетін ықтимал қауіптен артық болатын жағдайда тек қатаң көрсетілім бойынша қолдануға болады.

Лактация кезеңінде препаратты тағайындау қажеттілігі болғанда емшек емізуді тоқтату керек, себебі метронидазол емшек сүтімен бөлінеді. Емдеу аяқталғаннан кейін 24-48 сағат ішінде емшек емізуді жаңғыртуға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлік жүргізу және қауіптілігі зор механизмдерді басқару қабілетіне әсер етпейді.

Артық дозалануы

Препарат сіңірілуінің төмендігіне байланысты ұсынылатын дозалар сақталғанда артық дозалану жағдайлары болмаған.

Шығарылу түрі және қаптамасы

Поливинилхлоридтіламинацияланған полиэтилен үлбірден жасалған пішінді ұяшықты қаптамаға 5 суппозиторийден.

2 пішінді қаптамадан мемлекеттік және орыс тілдерінде жазылған медициналық қолдану жөніндегі нұсқаулықпен бірге картон қорапшаға салады.

Сақтау шарттары

Құрғақ, жарықтан қорғалған жерде, 25^o C-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«ФАРМАПРИМ» ЖШҚ

Кринилор к-сі, 5, Порумбень ауылы, Криулень ауданы, Молдова Республикасы, MD-4829

Тіркеу куәлігінің иесі

«ФАРМАПРИМ» ЖШҚ, Молдова Республикасы

Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын дәрілік заттың тіркеуден кейінгі қауіпсіздігін қадағалауға жауапты ұйымның мекенжайы.

«ФАРМАПРИМ СРЛ» фирмасының Қазақстан Республикасындағы өкілдігі, Алматы қ., Гоголь к-сі, 86, 528-кеңсе, тел. 8-727-2796518,

tatiana.abdulkhairova@farmaprim.md

Қалалар