Мукосол 125 мг/5мл 120 мл сироп педиатрический

Сипаттама

Дәрілік затты медициналық қолдану

жөніндегі нұсқаулық

Мукосол

Саудалық атауы

Мукосол

Халықаралық патенттелмеген атауы

Карбоцистеин

Дәрілік түрі

Балаларға арналған шәрбат

Құрамы

100 мл шәрбаттың құрамында

белсенді зат - карбоцистеин 2,5 г

қосымша заттар: метилпарагидроксибензоат,

пропилпарагидроксибензоат, сахароза, глицерин, 70% сорбитол ерітіндісі, карамель, құлпынай хош иістендіргіші, натрий гидроксиді, тазартылған су

Сипаттамасы

Өзіне тән тәтті хош иісі бар, сарғыш-қоңыр түсті мөлдір шәрбат

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда. Mуколитиктер. Карбоцистеин.

АТХ коды R05CB03

Фармакологиялық әсері

Фармакокинетикасы

Ішке қабылдағаннан кейін карбоцистеин асқазан-ішек жолынан жылдам және жақсы сіңіріледі. Қан плазмасында шектік концентрациясы ішу арқылы қабылдағаннан кейін 90-120 минут өткен соң байқалады. Карбоцистеин өкпе тініне және тыныс алу жолы шырышты қабығына өтеді. Сарысудағы ең жоғары концентрациясына қабылданғаннан кейін 1 - 1.7 сағаттан кейін жетеді және 1.5 г дозадан кейін 13.38 мг/л құрайды. Плазмадан жартылай шығарылу кезеңі 1.33 сағатты құрайды. Таралу көлемі шамамен 60 л.

Карбоцистеин жергілікті әсер ете отырып, өкпе тіндеріне және тыныс алу ағзаларының шырышты қабығына өтеді.

Фармакодинамикасы

Мукосол, оның белсенді ингредиенті карбоцистеиннің мукустың басты субстанциясында дисульфидті байланыстарды ыдырату қабілетінің салдарынан муколитикалық препарат болып табылады, бұл оның деполимеризациясына әкеледі. Мукосол сондай-ақ шырыштың артық сөлінісін азайтады, сондай-ақ оның тұтқырлығын төмендететін әсерімен қосылып, кең ауқымды респираторлық бұзылуларды емдеу кезінде препаратқа едәуір емдік тиімділік береді.

Тұтқырлықты да, қалыпты емес-тұтқыр бронх-пульмонарлық секреттің мөлшерін де төмендетіп, препарат шырышты тығындар түзілуінің алдын алады және оның қақырықпен түсуін жеңілдетеді. Респираторлық жолды тұтқыр шырышты бөлінділерден босату өкпе функциясын жақсартады, тыныс алуды жеңілдетеді, цилиарлық функцияны қалыпқа түсіреді және өкпе инфекцияларына бейімділікті азайтады.

Қолданылуы

Кешенді ем құрамында:

- тыныс алу жолдары созылмалы ауруларында (бронхит, эмфизема, демікпелі бронхит, бронхоэктаз, туберкулез, пневмокониоз, силикоз және т.б.)

- жедел респираторлық ауруларда (бронхит, пневмония, жедел демікпелі ұстамалар)

- науқасты бронхоскопия немесе бронхографияға дайындауда қақырықтың түсуін жеңілдету үшін

Қолдану тәсілі және дозалары

Мукосолды жылы судың мол мөлшерімен тамақтану кезінде немесе одан кейін қабылдау керек.

2-5 жастағы балалар үшін дозасы 1 шай қасық (5 мл) шәрбат күніне 2 рет.

5-12 жастағы балалар үшін дозасы 1 шай қасық (5 мл) шәрбат күніне 3 рет.

Емдеу курсы 7 күн.

Жағымсыз әсерлері

- аллергиялық реакциялар

- асқазан-ішек жолының бұзылулары

Қолдануға болмайтын жағдайлар

- препарат компоненттеріне жоғары сезімталдық

- асқазан және 12 елі ішектің ойық жара ауруы

- 2 жасқа дейінгі балалар

- жүктілік, лактация кезеңі

- фруктоза жақпаушылығы, глюкоза-галактоза мальабсорбциясы сияқты сирек тұқым қуалайтын аурулары бар пациенттер

Дәрілермен өзара әрекеттесуі

Карбоцистеин жоғарғы және төменгі тыныс жолдары қабыну ауруларын глюкокортикостероидтармен және бактерияға қарсы препараттармен емдеудің тиімділігін арттырады.

Карбоцистеин теофиллиннің бронхолитикалық әсерін күшейтеді.

Жөтелге қарсы және М-холиноблокаторлық дәрілік заттар карбоцистеиннің белсенділігін әлсіретеді.

Айрықша нұсқаулар

Препарат сыртартқысында пептикалық ойық жара диагнозы қойылған пациенттерде сақтықпен пайдаланылуы тиіс.

Препарат құрамында баяу типті аллергиялық реакциялар туындатуы мүмкін метилпарагидроксибензоат, пропилпарагидроксибензоат бар.

Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері

Әсер етпейді

Артық дозалануы

Анықталмаған

Шығарылу түрі және қаптамасы

120 мл-ден құтыға бекітілген өлшеуіш ыдысы бар янтарь-сары түсті пластик құтыда.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 30ºС-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Өндіруші

«Медикал Юнион Фармасьютикалс», 36 Dr.Mohamed Hassan El Gamal St, 6th District, Nasr City, Cairo, 11768 Египет

Тіркеу куәлігінің ұстаушысы

«Медикал Юнион Фармасьютикалс»,Египет

Қаптаушы ұйымның атауы және елі

«Медикал Юнион Фармасьютикалс»,Египет

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны, факсы, электронды поштасы)

«Медикал Юнион Фармасьютикалс» компаниясыныңҚазақстан Республикасындағы өкілдігі

Алматы қ., Марков к-сі 61/1, 3 блок, 2 қабат

Тел.: 8 (727) 224 27 14, 8 (727) 224 27 19,

e-mail: mupkz.al@gmail.com

Қалалар