Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
НИТРЕСАН
Саудалық атауы
Нитресан
Халықаралық атауы
Нитрендипин
Дәрілік түрі
10 мг, 20 мг таблеткалар
Құрамы
Бір таблетканың құрамында:
белсенді зат – 10 мг, 20мг нитрендипин,
қосымша заттар: лактоза моногидраты, жүгері крахмалы, микрокристалды целлюлоза, повидон 25, натрий докузаты, магний стеараты.
Сипаттамасы
Нитресан 10 мг: сары түсті, беті тегіс, таблетканың бір жақ бетінде бөлетін сызығы және басқа жақ бетінде «10» санымен дозасы көрсетілген, диаметрі 7 мм дөңгелек таблеткалар.
Нитресан 20 мг: сары түсті, беті тегіс, таблетканың бір жақ бетінде бөлетін сызығы және басқа жақ бетінде «20» санымен дозасы көрсетілген, диаметрі 7 мм дөңгелек таблеткалар.
Бөлетін сызығы таблетканың тең екі жартыға сындыруға арналмаған.
Фармакотерапиялық тобы
Жүрек-қантамыр жүйесінің ауруларын емдеуге арналған препараттар. «Баяу» кальций өзекшелерінің блокаторлары. «Баяу» кальций өзекшелерінің селективті блокаторлары. Дигидропиридин туындылары. Нитрендипин.
АТX коды С08СА08.
Фармакологиялық қасиеттері
Фармакокинетикасы
Сіңуі және биожетімділігі
Асқазан-ішек жолынан 88%-ы тез сіңеді. Биологиялық жартылай сіңу кезеңі 30–60 минутты құрайды. Препаратты қабылдағаннан кейін 1-3 сағат ішінде қан плазмасында ең жоғары концентрациясына жетеді, орташа ең жоғары концентрациясы 6,1 -19 мкг/л-ге жуықты құрайды.
Бауыр арқылы “алғаш өтуінің” айқын әсерін (first-pass эффект) ескерсек,нитрендипиннің жүйелік биожетімділігі 20–30% құрайды.
Таралуы
Нитрендипиннің 96-98%-ы қан плазмасы ақуыздарымен (альбуминмен) байланысады. Гемодиализ тиімсіз. Тепе-тең жағдайда таралу көлемі5-9 л/кг құрайды, сондықтан гемодиализ және плазмаферез тиімсіз.
Биотрансформацисы/Шығарылуы
Нитрендипинді пероральді түрде енгізгеннен кейін бауыр арқылы алғаш өту (first-pass эффект) кезеңінің өзінде елеулі метаболизмдік өзгерістерді өткереді. Негізінен тотығу арқылы бауырда метаболизденеді. Метаболиттерфармакологиялық тұрғыдан белсенді емес. Қабылданған дозаның 0,1%-дан азы өзгермеген күйінде шығарылады. Нитрендипин көбіне бүйрек арқылы шығарылады: қабылданған дозаның 77%-ға жуығы, нитрендипиннің қалған бөлігі ішек арқылы шығарылады.
Нитрендипиннің жартылай шығарылу кезеңі (Т1/2) 8-12 сағатқа жуықты құрайды. Нитрендипин және оның метаболиттері организмде жиналмайды.
Нитрендипин көбіне бауырда метаболизм арқылы шығарылатын болғандықтан, бауырдың созылмалы ауруы бар пациенттерде оның бөлініп шығуы өте ұзақ болады және нитрендипиннің Т1/2 2-3 есе ұзағырақ болады. Бүйрек функциясы бұзылған пациенттерде дозаны арнайы түзету қажет болмайды.
Фармакодинамикасы
Нитресан антигипертензивті дәрі ретінде әсер ететін 1,4-дигидропиридин типті кальций өзекшелерінің блокаторы болып табылады.
Нитресан қантамырлардың тегіс бұлшықеттерінің жасушаларына кальций иондарының жарғақша арқылы өтуін тежейді. Бұл кальцийдің жасушаға шамадан тыс өтуінен қорғауға, қантамырлардың тегіс бұлшықеттерінің кальцийге тәуелді миогендік жиырылуларының тежелуіне, қантамырлардың шеткері кедергісінің төмендеуіне, қанның патологиялық жоғары артериялық қысымының төмендеуіне, аздаған натрийурездік әсерге әкеледі, әсіресе емнің бас кезінде.
Қолданылуы
- Эссенциальді (алғашқы) гипертензияны емдеу үшін
Қолдану тәсілі және дозалары:
Ересектер:
Ем аурудың ауырлығына қарай жекелей тағайындалады.
Нитресан 10 мг: тәулігіне екі рет (таңертең және кешке) 1 таблетка, ол тәулігіне20 мг нитрендипинді құрайды.
Артериялық қысымды төмендету жеткіліксіз болған жағдайда дәрігер тәуліктік дозаны тәулігіне екі рет 2 таблеткаға дейін арттыруы мүмкін, бұл тәулігіне 40 мг нитрендипинді қабылдауға баламалы.
Нитресан 20 мг: тәулігіне бір рет (таңертең) 1 таблетка, ол күн сайын 20 мг нитрендипинді құрайды.
Артериялық қысымды азайту жеткіліксіз болған жағдайда тәуліктік доза екі есе арттырылуы, яғни тәулігіне екі рет 1 таблетка тағайындалуы мүмкін, ол тәулігіне 40 мг нитрендипинді қабылдауға баламалы.
Ең жоғары тәуліктік доза күн сайын 40 мг құрайды.
CYP3A4 жүйесін басатын немесе стимуляциялайтын басқа дәрілік препараттарды қолдану Нитресан препаратының дозасын түзету немесе, шарасыз болғанда, Нитресан препаратын қабылдауды тоқтату қажеттілігін туындатуы мүмкін.
Пациенттердің ерекше топтары
Егде жастағы пациенттер және бауыр функциясы бұзылған пациенттер
Бауыр дисфункциясы бар пациенттерді емдеуді өте төмен дозадан (10 мг нитрендипин = күніне 10 мг 1 таблетка Нитресан препараты) бастаған жөн; пациент емделу кезінде мұқият медициналық бақылауда болуы тиіс (5.2 бөлімін қараңыз).
Бүйрек функциясы бұзылған пациенттер.
Осы пациенттерде дозаны түзету қажет емес.
Балалар мен жасөспірімдер
Нитресанды 18 жасқа дейінгі балалар мен жасөспірімдер қабылдамағандары жөн. Нитрендипиннің қауіпсіздігі және тиімділігі 18 жасқа толмаған балалар мен жасөспірімдерде айғақталған жоқ.
Қолдану тәсілі
Ішке қабылдауға арналған. Таблетканы таңертеңгі тамақтан кейін, оларды сұйықтықтың жеткілікті мөлшерімен (мысалы, стакан сумен) ішіп, тұтастай жұтып қабылдау ұсынылады. Грейпфрут шырынымен ішіп қабылдауға рұқсат етілмейді.
Белсенді заты нитрендипин жарыққа сезімтал, сондықтан таблеткалар блистерден тура пайдаланар алдында ғана шығарылуы тиіс.
Препаратты қабылдау ұзақтығы
Препаратты қабылдау ұзақтығы жөніндегі шешімді дәрігер қабылдайды.
Жағымсыз әсерлері
Қауіпсіздігі бейініне түйіндеме
Өте жиі кездесетін жағымсыз әсерлер (жиі: >1/100, <1/10) – бас ауыру, жүректің қағуы, вазодилатация, ісінулер, іштің кебуі, әлсіздік сезімі және үрейлену.Бұл жағымсыз әсерлер, әдеттегідей, ауыр деп саналмайды. Әлсіздік және үрейлену сезімін қоспағанда, жағымсыз әсерлерді нитрендипиннің әсер ету механизмімен түсіндіруге болады.
Өте ауыр жиі емес жағымсыз әсерлерге (>1/1 000, <1/100) артериялық гипотензия, стенокардия (төс артының ауыруы) және ангиоісінулерді қоса, аллергиялық реакциялар, жатады. Бұл жағымсыз әсерлер күрделілігіне байланысты шұғыл түрде емдік интервенцияны қажет етуі мүмкін.
Жағымсыз реакциялардың пайда болуының төменде берілген жиілігі келесі жіктеуге сай белгіленген: өте жиі (≥1/10), жиі (≥1/100, бірақ <1/10), жиі емес (≥1/1 000, бірақ <1/100), сирек (≥1/10 000 <1/1 000 дейін), өте сирек (<1/10 000), белгісіз (қолда бар деректермен анықтауға келмейді).
Әрбір топ шегінде жағымсыз әсерлердің жиілігі көрініс беру ауырлығының кему ретімен берілген.
Қан айналу және лимфалық жүйе тарапынан бұзылулар:
Өте сирек: лейкопения, агранулоцитоз.
Жүйке жүйесі тарапынан бұзылулар:
Өте жиі: бас ауыру
Жиі: үрейлену
Жиі емес: парестезия, бас айналу, естен танулар, күйгелектік, бас сақинасы, ұйқышылдық, ұйқының бұзылуы.
Көру мүшелерінің бұзылулары:
Жиі емес: көрудің бұзылуы, көрудің бұлыңғырлануы.
Есту ағзалары және лабиринт тарапынан бұзылулар:
Жиі емес: құлақтың шуылдауы.
Жүрек-қантамыр жүйесі тарапынан бұзылулар:
Өте жиі: бет терісіне қан «тебулер», шеткері ісінулер
Жиі емес: артериялық гипотония.
Жиі: әсіресе емдеудің басында стенокардия ұстамалары пайда болуы мүмкін немесе стенокардия диагностикаланған пациенттерде ұстамалар жиілігі, ұзақтығы және ауырлығы артуы мүмкін; аритмия, тахикардия, вазодилатация,
Сирек: лейкоцитокластикалық васкулит.
Өте сирек: миокард инфарктісі.
Тыныс алу жүйесі, кеуде қуысының ағзалары және көкірек ортасы тарапынан бұзылулар:
Жиі емес: ентігу, диспноэ, мұрыннан қан кету.
Ас қорыту жүйесі тарапына бұзылулар:
Жиі емес: жүректің айнуы, құсу, іштің ауыруы, диарея, іш қату.
Өте сирек: қызылиектің гиперплазиясы, метеоризм.
Бауыр және өт шығару жолдары тарапынан бұзылулар:
Сирек: «бауыр» трансаминазалары белсенділігінің жоғарылауы.
Тері және теріасты шелі тарапынан бұзылулар:
Жиі емес: қышыну, есекжем, бөртпе сияқты аса жоғары сезімтал тері реакциялары, жарыққа сезімталдық, аллергиялық реакциялар, ангионевроздық ісіну.
Өте сирек: эксфолиативті дерматит, ангиоісінулер.
Сүйек-бұлшықет жүйесі және дәнекер тіндері тарапынан бұзылулар:
Жиі емес: миалгия, артралгия.
Бүйрек және несеп шығару жолдары тарапынан бұзылулар:
Жиі емес: несеп шығарудың жиі қысуы, полиурия.
Ұрпақ өрбіту жүйесі және сүт бездері тарапынан бұзылу:
Өте сирек: эректильді дисфункция, гинекомастия, меноррагия.
Жалпы бұзылыстар және аппликация жасалған жердегі реакциялар:
Жиі емес: салмақтың артуы, тершеңдік.
Өте сирек:қызба.
Жағымсыз реакцияларға күдіктену жөніндегі мәлімдемелер
Жағымсыз реакцияларға күдіктенулерді келесі мекенжайға хабарлау керек:
«ПРОМ.МЕДИК.КАЗ» ЖШС
Алматы қ., Достық д-лы 132, 9 кеңсе,
тел. 8(727)260-89-36, е‑mail: sekretar@prommedic.kz
Қолдануға болмайтын жағдайлар
Дәрілермен өзара әрекеттесуі
CYP 3A4 жүйесін тежейтін төмендегі дәрілік препараттар нитрендипиннің плазмалықконцентрациясының ұлғаюына әкелуі мүмкін, мысалы:
Бұл агенттермен бір мезгілде қолданғанда артериялық қысымды бақылау, және қажет болғанда Нитресан дозасын азайту туралы мәселені қарау керек.
Бір мезгілде қолданғанда нитресан қан плазмасында хинидиннің, теофиллиннің және дигоскиннің концентрацияларын (екі есе дерлік) арттырады.
Нитрендипин бауырда және ішектің шырышты қабығында болатын Р450 3А4 цитохромының ферментативтік жүйесінің жәрдемімен метаболизденеді.
Бұл ферментативтік жүйені бәсеңсітетін немесе стимуляциялайтын дәрілер бауыр арқылы (first-pass effect) алғаш өту әсерін немесе нитрендипиннің клиренсін модификациялауы мүмкін.
Нитрендипинді төменде берілген дәрілермен бір мезгілде қабылдаған жағдайда өзара әрекеттесу көлеміне де, сонымен қатар ұзақтығына да назар аударған жөн.
Рифампицин
Рифампицин Р450 3А4 цитохромының ферменттативтік жүйесін күшті индукциялайды. Рифампицинді және нитрендипинді бір мезгілде қолдану нитрендипиннің (сондай-ақ басқа да кальций өзекшелерінің дигидропиридинді блокаторларының) едәуір азаюына, және оның гипертензияға қарсы әсерінің бәсеңдеуіне әкеледі. Бұл нитрендипин әсерінің бәсеңдеуіне әкелуі мүмкін болғандықтан, нитрендипинді рифампицинмен бір мезгілде қолдануға болмайды.
Макролидтік антибиотиктер (эритромицин, тролеандомицин, кларитромицин, рокситромицин) P450 3A4 цитохромы жүйесін басады, сондықтан нитрендипинді макролидтік антибиотиктермен бір мезгілде қолданғанда нитрендипин концентрациясының жоғарылайтынын жоққа шығаруға болмайды.
АИТВ протеаза тежегіштері (ампренавир, атазанавир, ритонавир, индинавир, нелфинавир, сахинавир)
Осы типтің препараттары P450 3A4 цитохромының ферментативтік жүйесінің мықты тежегіштері ретінде сипатталған. Сондықтан осы протеаза тежегіштерімен бірге қолданғанда плазмадағы нитрендипин концентрациясының ықтимал артуын жоққа шығаруға болмайды.
Азолдар тобының зеңге қарсы препараттары (кетоконазол, итраконазол, флуконазол)
Алайда Р450 3А4 цитохромының жүйесін олардың тежейтіні белгілі. Осы дәрілердің кальций өзекшелерінің басқа дигидропиридинді блокаторларымен өзара әрекеттесуі сипатталған. Осы дәрілерді пероральді қолданылатын нитрендипинмен бірге қолданғанда first-pass әсері нәтижесінде оның метаболизмінің төмендеуі нәтижесінде нитрендипин биожетімділігінің едәуір артуын жоққа шығаруға болмайды. Осы препараттарды нитрендипинмен біріктіргенде пациент дәрігердің мұқият назарында болып, артериялық қысымы ұдайы бақылануы тиіс; қажет болған жағдайда, дәрігер нитрендипин дозасын төмендету жөнінде шешім қабылдауы мүмкін.
Нефазодон
Осы антидепрессант Р450 CYP3А4 цитохромының мықты тежегіші болып табылады. Сондықтан оның нефазодонмен бір мезгілде қабылдануымен байланысты, плазмадағы нитрендипин концентрациясы артуының потенциалды ықтималдылығын жоққа шығаруға болмайды.
Флуоксетин
Құрылымы ұқсас кальцийдің дигидропиридинді антагонисін – нимодипинді – қолдану тәжірибесі нимодипинді және флуоксетиннің антидепрессантын бір мезгілде қабылдау плазмадағы нимодипин концентрациясының шамамен 50%-ға артатындығын көрсетті.
Бір мезгілде плазмадағы флуоксетин деңгейін едәуір төмендеді, сонымен бірге бұл белсенді метаболит, норфлуоксетинге қатысты болған жоқ. Сондықтан флуоксетинді бір мезгілде қолданғанда нитрендипин концентрациясының клиникалық тұрғыдан маңызды жоғарылайтынын жоққа шығаруға болмайды.
Вальпрой қышқылы
Вальпрой қышқылын қолдану ферментативті тежелу нәтижесінде плазмада нимодипиннің кальций өзекшелерінің құрылымы жағынан ұқсас блокаторлары концентрациясының артуына әкеледі, оны вальпрой қышқылымен бір мезгілде қолданғанда оның тиімділігінің артуына әкелетін нитрендипиннің плазмалық концентрациясының артуын жоққа шығаруға болмайды.
Квинупристин/дальфопристин
Квинупристин/дальфопристинді бір мезгілде қолдану нифедипиннің плазмалық концентрациясының артуына әкелуі мүмкін. Осы фактіні ескере отырып, осы препараттарды нитрендипинмен бір мезгілде қолданғанда пациенттің артериялық қысымын бақылау және, қажет болғанда, нитрендипиннің дозасын дер кезінде азайту ұсынылады.
Циметидин, ранитидин
Циметидинді – сондай-ақ ранитидинді аз дәрежеде қабылдау – плазмадағы нитрендипин деңгейінің жоғарылауына, демек, нитрендипин әсерінің күшеюіне әкелуі мүмкін.
Теориялық тұрғыдан ықтимал өзара әрекеттесулер
P450 цитохромының CYP3A4 жүйесін индукциялайтын, мысалы, фенитоин, фенобарбитал және карбамазепин сияқты құрысуға қарсы препараттар
Нитрендипин мен құрысуға қарсы препараттар арасында потенциалды өзара әрекеттесулерді білуге бағытталған нақты зерттеулер жүргізілген жоқ. Алайда, фенитоин, фенобарбитал және карбамазепин P450 цитохромының CYP3A4 ферментативтік жүйесінің потенциалды индукторлары болып табылады, сондықтан нитрендипин биожетімділігінің клиникалық тұрғыдан маңызды азаюын туындатуы мүмкін. Бұл нитрендипин әсерінің азаюына әкелуі мүмкін. Егер фенитоинды, фенобарбиталды немесе карбамазепинді бір мезгілде қолдануға байланысты нитрендипиннің жоғары дозалары қабылданатын болса, құрысуға қарсы препарат қолдануды тоқтатқаннан кейін нитрендипиннің дозасын төмендеткен жөн.
Қанның артериялық қысымын төмедететін дәрілік заттар
Бета-адреноблокаторлар және/немесе гипертензияға қарсы басқа да заттар
Нитрендипиннің гипертензияға қарсы әсері бета-адреноблокаторлармен және/немесе бір мезгілде қабылданатын, мысалы, мына гипотензиялық дәрілермен күшеюі мүмкін:
Миорелаксанттар
Панкуроний немесе векуроний сияқты миорелаксанттардың әсер ету ұзақтығы және қарқындылығы нитрендипин қабылдап жүрген пациенттерде жоғарылауы мүмкін.
Дигоксин
Дигоксинді бір мезгілде қабылдау дигоксиннің плазмалық концентрациясының артуын туындатуы мүмкін. Сондықтан дигоксиннің артық дозалану симптомдарының пайда болуын бақылаған жөн. Қажет болған жағдайда, қан плазмасындағы дигоксин деңгейін ескеріп, гликозидтің дозасын азайту керек.
Тағамдық өнімдермен және сусындармен өзара әрекеттесуі
Грейпфрут шырыны
Грейпфрут шырыны P450 3A4 цитохромы жүйесін басады. Сондықтан препаратты және грейпфрут шырынын бір мезгілде қолдану нитрендипиннің плазмалық деңгейінің жоғарылауына әкелуі мүмкін, бұл оның гипертензияға қарсы әсерін күшейтуі мүмкін.
Құрылымы жағынан ұқсас кальций антагонисін нисолдипинмен қолдану тәжірибесі бұл әсердің грейпфрут шырынын соңғы қабылдаған сәттен бастап ең кемінде 3 күнге созылуы мүмкін екендігін көрсетті.
Сондықтан нитрендипинді қабылдаған кезде грейпфрутты/грейпфрут шырынын пайдалануға жол бермеген жөн.
Айрықша нұсқаулар
Мыналарда сақтықпен қолданған жөн:
Бауыр функциясының бұзылулары
Бәрінен бұрын, егде жастағы (65 жастан асқан) пациенттерде әсер етуші заттың шығарылуы баяулауы мүмкін, соның нәтижесінде жағымсыз гипотензия пайда болуы мүмкін. Бауыр дисфункциясы бар пациенттер артериялық қысымды өте жиірек бақылай отырып, қабылдауды күніне 10 мг Нитресанның 1 таблетка дозасынан бастауы керек. Қанның артериялық қысымы күрт төмендеген жағдайда препарат қабылдауды тоқтату қажет. Жүрек қызметі декомпенсацияланған жағдайда, сондай-ақ синустық түйін әлсіздігі синдромында кардиостимуляция қамтамасыз етілмеген жағдайда пациенттің жағдайына ерекше назар аудару және Нитресан препаратын қабылдағанда жүрек қызметіне мұқият мониторинг жасау қажет болады.
Егде жастағы пациенттерде пайдаланылуы
Егде жастағы пациенттер дозаны арттырған кезде аса сақ болуы тиіс.
Бұл препараттың құрамында лактоза моногидраты бар. Сирек тұқым қуалайтын галактоза жақпаушылығы, туа біткен лактаза жеткіліксіздігі немесе глюкоза мен галактоза мальабсорбциясы бар пациенттерге Нитресан қолданылмайды.
Педиатрияда қолданылуы
Педиатриялық іс-тәжірибеде препараттың қауіпсіздігі және тиімділігі жөнінде деректердің жеткіліксіздігін ескеріп, оны 18 жасқа дейінгі балаларға тағайындауды тоқтата тұру ұсынылады.
Жүктілік және емшек емізу кезеңі
Жүктілік және емшек емізу кезеңінде Нитресан препаратын қолдануға болмайды.
Көлік құралдарын және потеницалды қауіпті механизмдерді басқару қабілетіне дәрілік заттың ықпал ету ерекшеліктері
Артериялық гипертензияны емдеу кезеңінде автокөлік жүргізгенде сақтық таныту немесе әртүрлі механизмдермен және станоктармен жұмыс жасағанда сақтық таныту қажет. Бұл емнің бас кезінде, дозаларыды арттырғанда, басқа емге ауыстырғанда және препаратты алкогольмен бір мезгілде қабылдағанда аса өзекті.
Артық дозалануы
Симптомдары:қан кернеулер, бас ауыру, гипотензия (қан айналымының коллапсы) және жүректің жиырылу жиілігінің өзгеруі (тахикардия немесе брадикардия).
Емі: уланған кездегі шаралар: асқазанды шаю, әрі қарай белсендірілген көмір қабылдау. Өмір үшін маңызды функциялардың жағдайын мұқият бақылау. АҚ айқын төмендегенде допаминді немесе норадреналинді в/і енгізу. Катехоламиндердің ықтимал жағымсыз әсерлеріне (әсіресе жүрек ырғағы бұзылғанда) назар аудару ұсынылады. Брадикардияда атропинді немесе орципреналинді пайдаланған жөн. Жағдайдың тезірек жақсаруы 10 мл 10% кальций глюконатын немесе 10% кальций хлоридін вена ішіне қайталап енгізгеннен кейін жүреді, әрі қарай кальциймен ұзақ инфузияға ұласады (гиперкальциемияның ықтимал дамуына жол бермей). Сондай-ақ катехоламиндер де, бірақ едәуір жоғары дозаларда тиімді. Кейінгі емдеу өте айқынырақ симптомдардың нивелирленуіне бағытталуы тиіс. Гемодиализ тиімді емес, гемоперфузия және плазмофорез тиімді болмауы мүмкін.
Шығарылу түрі және қаптамасы
Поливинилхлоридті қызыл сары үлбірден және алюминий фольгадан жасалған пішінді ұяшықты қаптамаға 10 таблеткадан салынған.
Пішінді 2, 3 немесе 6 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
Құрғақ, жарықтан қорғалған жерде, 25 °С-ден аспайтын температурада сақтау керек!
Балалардың қолы жетпейтін жерде сақтау керек!
Сақтау мерзімі
4 жыл.
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецепт арқылы
Өндіруші/тіркеу куәлігінің иесі
«ПРО.МЕД.ЦС Прага а.о.»
Телчска 377/1, Михле
140 00 Прага 4
Чех Республикасы
Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын, тіркеуден кейін дәрілік заттың қауіпсіздігін бақылауға жауапты ұйымның мекенжайы
«ПРОМ.МЕДИК.КАЗ» ЖШС
Алматы қаласы, Наурызбай ауданы, Рахат ықшам ауданы, Асанбай Асқаров көшесі, үй 21/1, т.е. 1а; телефон 2608936; еmail: sekretar@prommedic.kz