Пантогам 100 мг/мл 100 мл сироп

Сипаттама

Дәрілік затты медициналық қолдану жөніндегі нұсқаулық

ПАНТОГАМ

Саудалық атауы

Пантогам

Халықаралық патенттелмеген атауы

Гопантен қышқылы

Дәрілік түрі

Шәрбат 100 мг/мл

Құрамы

100 мл препараттың құрамында:

белсенді зат - кальций гопантенаты (Пантогам^®) 10,0 г,

қосымша заттар: глицерин (100 % шаққанда), сорбит, лимон қышқылы моногидраты, натрий бензоаты, аспартам, тағамдық хош иістендіргіш «Шие 667», тазартылған су

Сипаттамасы

Шиенің иісі бар, түссіз немесе сәл сарғыштау түсті сұйықтық

Фармакотерапиялық тобы

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD – Attention deficit hyperactivity disorder) және ноотропты дәрілер. Басқа психостимуляциялаушы және ноотропты дәрілер.

АТХ коды N06BX

Фармакологиялық қасиеттері

Фармакокинетикасы

Пантогам асқазан-ішек жолынан жылдам сіңеді, гематоэнцефалдық бөгет арқылы өтеді, ең жоғары концентрациялары бауырда, бүйректе, асқазанның қабырғаларында және теріде болады. Препарат метаболизденбейді және өзгермеген күйінде 48 сағаттың ішінде: қабылданған дозаның 67,5% бүйрек арқылы, 28,5% нәжіспен шығарылады.

Фармакодинамикасы

Пантогамның әсер ету ауқымы оның құрылымында гамма-амин май қышқылының бар болуымен байланысты. Әсер ету механизмі Пантогамның ГАМҚ_Б-рецептор-өзекшелік кешенге тікелей әсер етуімен жүзеге асады. Препарат ноотропты және құрысуға қарсы әсерге ие. Пантогам мидың гипоксияға және уытты заттардың әсерлеріне төзімділігін жоғарылатады, нейрондардағы анаболиялық үдерістерді көтермелейді, орташа седативті әсерді стимуляциялаушы жағымды әсерімен біріктіреді, моторлық қозуды азайтады, ақыл-ой және дене жұмыс қабілетін арттырады. Алкогольмен созылмалыулану кезінде және этанолды тоқтатқаннан кейін ГАМҚ метаболизмін жақсартады. Новокаин мен сульфаниламидтердің белсенділігін жою механизміне қатысатынацетилдену реакциясын тежеуге қабілетті, соның арқасында соңғыларының әсерін ұзартуға қол жеткізіледі. Патологиялық тұрғыданжоғарылаған қуық рефлексін және детрузор тонусын тежейді.

Қолданылуы

• өмірінің алғашқы күнінен перинатальді энцефалопатиясы бар балаларда
• балалар церебральді салдануының әр түрлі формаларында
• түрлі дәрежеде білінетін, оның ішінде мінез-құлық бұзылулары болатын ақыл кемістігінде
• психикалық дамудың жалпы кідіруі, сөйлеудің спецификалық бұзылулары, қозғалыс функциялары және олардың үйлесуі, мектеп дағдыларын қалыптастыру (оқу, жазу, санау және т.б.) түрінде балаларда психологиялық статустың бұзылуларында
• гиперкинетикалық бұзылыстарда, оның ішінде зейін қою тапшылығы бар асқын белсенділік синдромында
• неврозға ұқсас жағдайларда (көбіне клонустық түрде болатын кекештену; жыбырлап тартылу, органикалық емес энкопрез және энурез кезінде)
• ми тамырлары атеросклероздық өзгерістерінің салдарынан сенилдік деменцияның бастапқы формалары кезінде, мидың шығу тегі жарақатты, уытты, нейроинфекциялық органикалық зақымдануларында мнестикалық-интеллектуалдық өнімділіктің төмендеуінде
• церебральді органикалық жеткіліксіздігі бар шизофренияда (психомоторлық препараттармен бір кешенде)
• мидың органикалық аурулары кезіндегі экстрапирамидтік бұзылуларда (миоклонус-эпилепсия, Гентингтон хореясы, гепатолентикулярлы дегенерация, Паркинсон ауруы және т.б.), сондай-ақ нейролептиктерді қабылдаудан болған экстрапирамидтік синдромды емдеу мен алдын алуда;
• психикалық үдерістері баяулаған және когнитивті өнімділігі төмендеген эпилепсияда антиконвульсанттармен бірге
• психоэмоциональді жүктемелерде, ақыл-ой және дене жұмыс қабілетітөмендегенде, зейінді жұмылдыруды және есте сақтауды жақсарту үшін
• несеп шығарудың нейрогендік бұзылуларында (поллакиурия, императивті несеп шығарғысы келу, императивті несепті ұстап тұра алмау)
• препаратқа жоғары сезімталдық
• бүйректің ауыр жедел ағымды аурулары
• жүктілік (1 триместр) және лактация кезеңі
• фенилкетонурия (шәрбат құрамында аспартам бар)

Қолдану тәсілі және дозалары

Пантогам 100 мг/мл шәрбатын ішке тамақтанудан кейін 15-30 мин соң қабылдайды. Ересектер үшін бір реттік доза әдетте 2,5-10 мл (0,25-1 г), балаларға − 2,5-5 мл (0,25-0,5 г); ересектер үшін тәуліктік доза – 15-30 мл (1,5-3 г), балалар үшін – 7,5-30 мл (0,75-3 г) құрайды. Емдеу курсы – 1-4 ай, кейде 6 айға дейін. 3-6 айдан кейін емдеу курсын қайталап жүргізуге болады.

Балаларға жасы мен жүйке жүйесінің патологиясына байланысты төмендегі дозалар мөлшері ұсынылады: бір жастағы балаларға – тәулігіне 5-10 мл (0,5-1 г), 3 жасқа дейін – тәулігіне 5-12,5 мл (0,5-1,25 г), 3-тен 7 жасқа дейінгі балаларға – 7,5-15 мл (0,75-1,5 г), 7 жастан асқандарға – 10-20 мл (1-2 г). Емдеу тактикасында 7-12 күн бойы дозаны арттырып отыру, 15-40 және одан көп күн бойы ең жоғарғы дозада тоқтатқанға дейін 7-8 күн бойы дозаны біртіндеп азайта отырып, қабылдау қарастырылады. Емдеу курсы – 30-90 күн (жекелеген ауруларда 6 айға дейін және одан көп).

Шизофрения кезінде психотропты препараттармен біріктірілімде – тәулігіне 5-тен 30 мл (0,5-3 г) дейін. Емдеу курсы – 1-ден 3 айға дейін. Эпилепсия кезінде антиконвульсанттармен біріктірілімде – тәулігіне 7,5-тен 10 мл дозаға (0,75-1 г) дейін. Емдеу курсы − 1 жылға дейін және одан да ұзақ. Экстрапирамидтік бұзылулармен қатар жүретін нейролептикалық синдром кезінде тәуліктік доза – 30 мл дейін (3 г дейін), емдеу бірнеше ай бойы. Жүйке жүйесінің органикалық аурулары бар науқастардағы экстрапирамидтік гиперкинездерде – тәулігіне 5-тен 30 мл (05,-3 г) дейін.Емдеу курсы – 4 айға дейін және одан да ұзақ.

Нейроинфекция мен бассүйек-ми жарақаттарының салдары кезінде – тәулігіне 5-тен 30 мл (0,5-3 г) дейін.

Жоғары жүктеме және астениялық жай-күйлер кезінде жұмыс қабілетін қалпына келтіру үшін Пантогамды 2,5-5 мл-ден (0,25-0,5 г) тәулігіне 3 рет тағайындайды.

Несеп шығару бұзылыстарында балаларға − 2,5-5 мл-ден (0,25-0,5 г), тәуліктік доза 25-50 мг/кг құрайды, емдеу курсы 1-3 ай; ересектерге –

5-10 мл-ден (0,5-1 г) тәулігіне 2-3 рет.

Ұзақ емдеу жағдайларында препаратты басқа ноотропты және стимуляциялаушы дәрілермен бір мезгілде тағайындауға болмайды. Препараттың ноотропты әсерін ескере отырып, оны таңертеңгі және күндізгі уақыттарда қабылдаған дұрыс.

Жағымсыз әсерлері

Ағзалар мен жүйелердегі пайда болу жиілігін көрсететін жағымсыз реакциялардың жіктелуі: өте жиі (≥1/10), жиі (≥1/100, бірақ <1/10), жиі емес (≥1 / 1000, бірақ <1/100), сирек (≥1/10000, бірақ <1/1000), өте сирек (<1/10000), жиілігі белгісіз (қолда бар деректер негізінде бағалау мүмкін емес).

Сирек

• аллергиялық реакциялар (ринит, конъюнктивит, тері аллергиялық реакциялары) болуы мүмкін
• аса жоғары қозғыштық, ұйқының бұзылуы немесе ұйқышылдық, енжарлық, мәңгіру, бас ауыруы, бас айналу, бастағы шуыл

Өте сирек

Жиілігі белгісіз

- жедел бауыр энцефалопатиясы (пантотен қышқылының тапшылығы салдарынан)

Жағымсыз реакциялар дамыған жағдайда дозаны азайтады немесе препаратты тоқтатады.

Қолдануға болмайтын жағдайлар:

Дәрілермен өзара әрекеттесуі

Барбитураттардың әсерін ұзартады, құрысуға қарсы дәрілердің әсерін күшейтеді, фенобарбиталдың, карбамазепиннің, нейролептиктердің жағымсыз құбылыстарының алдын алады. Глицинмен, этидрон қышқылымен біріктіргенде Пантогамның әсері күшейеді. Жергілікті анестетиктердің (прокаин) әсерін үдетеді.

Айрықша нұсқаулар

Жүктілік және лактация кезеңінде қолданылуы

Препаратты жүктілік және бала емізу кезеңінде осы санатындағы пациенттерге қолданудың клиникалық тәжірибесі болмағандықтан қолдану ұсынылмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Ұйқышылдықты туындату ықтималдығын ескере отырып, көлік құралдарын және механизмдерді басқару кезінде абайлап қолданған жөн.

Артық дозалануы

Симптомдары: жағымсыз құбылыс симптомдарының күшеюі (ұйқының бұзылуы немесе ұйқышылдық, бастағы шуыл).

Емі: белсендірілген көмір, асқазанды шаю, симптоматикалық ем.

Шығарылу түрі мен қаптамасы

100 мл-ден алғашқы ашылуы бақыланатын сақинасы бар қақпақпен тығындалған күңгірт шыны құтыда. Әр құты номиналды көлемі 5 мл және «½» (2,5 мл сәйкес келеді) таңбалауымен сызығы бар өлшеуіш қасығы немесе «¼» және «½» (1,25 мл және 2,5 мл сәйкес келеді) таңбалау сызығы бар номиналды көлемі 5 мл өлшеуіш қасықпен, медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Қаптаманы ашқаннан кейін тоңазытқышта сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Ашқаннан кейінгі қолдану кезеңі – 1 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы.

Өндіруші

«ПИК-ФАРМА ПРО» ЖШҚ, Ресей, Ленинград облысы.

Тіркеу куәлігінің ұстаушысы

«ПИК-ФАРМА ПРО» ЖШҚ, Ресей, Мәскеу қ.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын; дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Алматы облысы, Қарасай ауданы, Қаскелең қ., Сәукеле көш. 1/5

Телефон: 8 (707) 462-85-81

Электронды пошта: fn@pikfarma.ru

Интернеттегі сайт мекенжайы: www.pantogam.ru