Перрегина вагинальные суппозитории 2 гр № 10 шт

Сипаттама

Медициналық мақсаттағы бұйымды

медицинада қолдану жөніндегі нұсқаулық

Медициналық мақсаттағы бұйымның атауы

Перрегин қынаптық суппозиторийлер 2г №10

Бұйымның құрамы мен сипаттамасы

1 суппозиторийдің құрамында:

Перрегин бактериялық вагинозды, зеңдік вагинитті, несеп шығару жолдарының кезеңді қайталанатын инфекцияларын, қабынбалы және дистрофиялық сипаттағы қынаптың шырышты қабығының инфекциясын емдеу және профилактикалау үшін пайдаланылатын біріктірілген зат болып табылады.

Майда еритін түймедақ экстрактісі құрамында эфир майы (хамазулен), флаваноидтар, фитостериндер, гликозидтер, кумариндер, органикалық қышқылдар, В₁ және В₂ дәрумендері_, β-каротин бар. Түймедақ экстрактісі қабынуға қарсы, бактерицидті, антифунгальді, антисептикалық, тыныштандыратын әсерге ие, қынаптың шырышты қабығының регенеративті үдерісін катализдей отырып, жылдам жазылуына ықпалын тигізеді.

Майда еритін алое экстрактісі құрамында эфир майы (аллантоин), 20 аминқышқылға жуық, β-каротин, В, С және Е тобының дәрумендері, антиоксиданттар, клетчатка, ферменттер, макро- және микроэлементтер бар. Алое экстрактісі қабынуға қарсы, микробқа қарсы (стафилококктық және стрептококктық инфекцияға қатысты тиімді), биостимуляциялайтын, регенеративті және вирусқа қарсы әсер етеді, қынаптың шырышты қабығындағы ауыруды, ісінуді, қышынуды және шымылдатуды басады.

Майда еритін қырмызыгүл экстрактісі құрамында стериндер (β-ситостерин), тритерпеноидтар, флаваноидтар, каротиноидтар (антиоксидант лютеин, β-каротин), эфир майы, кумариндер, макроэлементтер (К, Са, Мg, Fe) және микроэлементтер (Mn, Zn), органикалық қышқылдар (алма және салицил), ащы заттар (календен).

Қырмызыгүл экстрактісі қабынуға қарсы, антисептикалық, жара жазғыш, бактерицидті (стрептококктар мен стафилококктарға қатысты) әсерлерге ие,эпителизация мен жергілікті қорғаныш механизмдерінің жақсаруына ықпалын тигізеді.

Шай ағашы майыныңқұрамында 100-ден аса өндірістік терпендер болады, олардың ішіндесінің едәуір белсендісі терпинен-4-ол, линалоол, α-терпинеол болып табылады. Липофильді терпинеолдар, жасушалық жарғақшалар арқылы өте отырып бактериялар олардың жарғақшалық құрылымы мен функциясын жоятындай әсер етеді. Шай ағашының майыГрам (+) және Грам (-) бактерияларға, ашытқылық және зеңдік инфекцияларғақатысты бактерияға қарсы әсерге ие.

А дәруменінің пальмитаты тотығу-тотықсыздану үдерістерін белсендіреді, пуриндік және пиримидиндік негіздегі синтезді көтермелейді, АТФ синтезі үшін жағымды жағдайлар жасай отырып, метаболизмді энергиямен қамтамасыз етуге қатысады. Сондай-ақ эпителизацияны көтермелейді және эпителийдіңшамадан тыс қабыршықтануының алдын алады. Бөгеттік рөлді орындайтын эпителийдің қалыпты функциясын реттейді, инфекцияға төзімділікті арттырады. Биожарғақшалардың липидті фазасында тізбекті реакция жылдамдығын бақылайды және әртүрлі тіндердің қышқылдануға қарсы әлеуетін тұрақты деңгейде ұстап тұрады.

Е дәруменінің ацетаты – майда еритін дәрумен. Ол митохондриальді жарғақшаны және жасушалардың оттегін тұтынуды тұрақтандыратын, антигипоксантпен жәнетіндердің жасушалық жарғақшаларын қышқылданатын үдерістерден қорғайтын табиғи антиоксидант болып табылады.

18β-глициррет қышқылы – мия тамырынан экстракция жолымен алынған тритерпенді қосылыс. Иммункөтермелегіш (Т-лимфоциттердің, IgM концентрациясының саны мен белсенділігін арттырады, IgG концентрациясын азайтады), вирусқа қарсы (in vitro мен in vivo вирустарының ДНҚ мен РНҚ әртүрлі типтеріне әсер етеді, ерте сатыда вирустар репликациясын тоқтатады), қабынуға қарсы (гуморальді және иммунитеттің жасушалық факторларын көтермелейді, кининдер шығарындысын және қабыну аймағында байланыстырушы дәнекер тіндердің жасушаларымен простагландиндер синтезін тежейді), регенерациялайтын әсерлерді қоса кешенді әсерге ие.

Сүт қышқылы қынапты әртүрлі инфекциялардан табиғи жолменқорғауға ықпалын тигізеді, қынаптың микрофлоралары мен рН қалыпты көрсеткіштерін демейді және қалпына келтіреді, шартты-патогенді флораның өсуін басады.

Натрий гиалуронаты гликозаминогликандардың бір түрі болып табылады. Жасушалардың көшуі, бөлінуі, жетілуі үшін физиологиялық ортаны және қалыпты жасушалық және тіндік гомеостаз үшін оңтайлы шарттарды түзеді; тіндер детоксикациясы мен дренажға ықпал ете отырып, қорек заттарының шығарылуы мен тасымалдануын қамтамасыз етеді; иммунмодульдеуші әсер етеді, бос-радикалды әсерге тіндердің төзімділігін жоғарылатады, фагоцитозды күшейтеді; коллагенмен эластин синтезіне қатысады, эндогенді гиалурон қышқылының өндірілуін көтермелейді; дерма мен эпидермис үшін депо ылғал түзе және тығыздықты қамтамасыз ете отырып, тіндер тургорын демейді; вирусқа қарсы және бактерияға қарсы белсенділікке ие; тыртықты тіндердің түзілуін болдырмайды, жаңа түзілген тіндердегі ақауларды бірқалыпты қайта қалпына келуіне ықпалын тигізеді.

Коллоидты кремнийдің қостотығы энтеросорбент болып табылады, организмнен эндогенді, сондай-ақ экзогенді қатерлі заттарды байланыстыруға және жоюға қабілетті (патогендік бактериялар, бактериялық токсиндер, аллергендер және т.б.). Жұмсақ тіндердің іріңді-қабынбалы зақымдануларында пайдаланылады.

Қосымша заттар:

Жартылай синтетикалық глицеридтер DUB PPD1 моно-, ди- және триглицеридтер қоспасымен ұсынылған.

Өндіруші ұйымның атауы және (немесе) тауарлық белгісі

PharmaluceS.r.l., Сан-Марино Республикасы.

Қолданылу саласы

- Жыныс жолымен берілетін инфекциялардың профилактикасында.

- Қабынбалы, дистрофиялық және инфекциялық аурулар кезінде қынаптың циклдік сипаттағы шырышты қабатының ауруларының профилактикасында.

- қынаптың шырышты қабаттарының қалыпты гидратациясын қалпына келтіруде.

- әртүрлі инфекциялық және вирустық аурулар туындатқан қышынуды, шымылдатуды және қызаруды басу.

- жергілікті иммунитеттің төмендеуімен қатар жүретін жағдайда емдеу және профилактикалау. Сонымен қатар спецификалық емес вульвовагинит, кандидоздық вульвовагинит, бактериялық вагиноз кешенді ем құрамында.

- Адам папиллома вирусы (АПВ), цитомегаловирус туындатқан жатыр мойнының патологиясын емдеу және профилактикалау.

- кешенді ем құрамындағы І және ІІ типті қарапайым ұшық вирустары туындатқан вирустық инфекцияларды емдеу және профилактикалау.

- Қынап дисбиозы

- Қынаптың құрғақтығынан туындаған тітіркенулер мен сызаттарында.

Қолдану тәсілі (қажет болса қолдану жөніндегі айрықша нұсқаулар)

Пайдалану жөніндегі ұсынымдар

1. Пайдаланар алдында қолды мұқият жуу керек.

2. Суппозиторийді қынапқа абайлап және терең енгізіңіз, дұрысы жатқан қалыпта, ол жылдам еруге ықпал етеді.

Қынаптық суппозиторийді ұйықтар алдында қолдану керек.

1 суппозиторийден күніне бір рет кем дегенде 5 немесе 10 күн аралығында.

Айрықша нұсқаулар

Сыртқы жыныстық мүшелердің күтімі қынаптық суппозиторийлердің тиімділігі мен көтере алуына әсер етпейді.

Жүктілік және лактация

Жүктілік кезінде және лактация кезеңінде дәрігердің тағайындауы бойынша.

Жағымсыз әсерлері (әсері, жекелей көтере алмаушылық)

Өте сирек

- аллергиялық реакциялар, дәріні тоқтатқаннан кейін кететін қышыну.

Қолдануға болмайтын жағдайлар

- компоненттерге жоғары сезімталдық.

- қыздарға алғаш етеккір келгенге дейін.

Сақтық (қауіпсіздік) шаралары

Тек қынаптық қолдануға арналған. Жұтуға болмайды. Қандайда бір компонентке жоғары сезімталдықта немесе өнімнің қандай да бір компонентін көтере алмаған жағдайда қолдануға болмайды.

Жүктілік кезінде немесе жүктілік болжанғанда, емшек емізу кезінде, сондай-ақ жергілікті дәрілік емді қолданған жағдайда қынаптық суппозиторийлерді тек дәрігердің ұсынысы бойынша ғана пайдалану керек.

Педиатрияда қолдануға арналмаған. Ұзақ уақыт қолдану сенсибилизацияға әкелуі мүмкін. Бұл жағдайда емді тоқтатып және дәрігерге қаралу қажет.

Егер қаптама зақымдалған немесе ашылған болса пайдаланбаңыз.

Көздің шырышты қабығына тиген жағдайда оларды сумен жылдам және мұқият шаю керек.

Дұрыспайдаланбағанда немесе жағымсыз әсерлері кезінде алғашқы көмек көрсету шаралары.

Тоқтату.

Сақтау шарттары

Салқын, құрғақ жерде, жылу көзінен қашықта, 25°С-ден төмен температурада сақтау керек.

Балалардың қолы жетпейтін жерде сақтау керек!

Жарамдылық мерзімі

3 жыл.

Жарамдылық мерзімі өткеннен кейін қолдануға болмайды.

Өндіруші ұйым

Өндіруші ұйымның немесе оның өкілдігінің атауы, елі, сондай-ақ заңды мекенжайы

Pharmaluce S.r.l., Strada delle Seriole 45, 47894, Chiesanuova, Сан-Марино Республикасы.

Тіркеу куәлігінің иесі

Perrery Farmaceutici S.r.l., Corso San Lorenzo, 1, 37026 Pescantina, Verona (VR), Италия.

Қазақстан Республикасы аумағында тұтынушылардан медициналық мақсаттағы бұйымдардың сапасына қатысты шағымдарды (ұсыныстарды) қабылдайтын ұйымның атауы жәнемекен-жайы:

«EL company (ЕЛ компани)» ЖШС, Алматы қ., Масанчи к-сі 98А, 41 кеңсе,

Тел.: 8 (727) 2922630, 2922665

Факс: 8 (727) 2922637

info@elcompany.kz

Қалалар