Сипаттама
Медициналық бұйымды медицинада қолдану
жөніндегі нұсқаулық
Медициналық бұйымның атауы: Систейн Ультра, көз тамшы дәрісі - любрикант, құтыда 10 мл.
Медициналық бұйымның құрамы мен сипаттамасы: Систейн Ультра, көз тамшы дәрісі – любрикант – бұл құрамында 400 полиэтиленгликоль, пропиленгликоль, гидроксипропилгуар, бор қышқылы, калий хлориді, натрий хлориді, сорбитол, аминометилпропанол, 0.001% ПОЛИКВАД (полидроний хлориді), хлорсутек қышқылы немесе натрий гидроксиді (рН-ты реттеу үшін) және тазартылған су бар стерильді ерітінді.
Пайдаланушы көрсетілген медициналық бұйымның қолданылу саласы және тағайындалуы: Систейн Ультра, көз тамшы дәрісі – любрикант – бұл көз беткейін ылғалдандыратын және құрғақ көз сезімінен, тітіркену, күйдіру және шаншып ауыру, бөгде затты сезіну және көптеген қолайсыз факторлардың әсерін жылдам әрі ұзақ уақытқа кетіруді қамтамасыз ететін зат. Систейн Ультра, көз тамшы дәрісі – любрикант қажеттілігіне қарай күні бойы жанаспалы линзаның үстіне тамызу арқылы силикон-гидрогелді және жұмсақ (гидрофильді) жанаспалы линзаны ылғалдандыру мен майлау үшін де қолдануға болады. Систейн Ультра, көз тамшы дәрісі – любрикант, сондай-ақ көз беткейінен көздің тітіркенуін және/немесе жайсыздығын тудыратын қатты бөлшектерді алып тастауға да ықпал етеді.
Қолдану тәсілі:
Қолданар алдында құтыны жақсылап сілку керек!
Систейн Ультра, көз тамшы дәрісі – любрикантты қажеттілігіне қарай күні бойы пайдалануға болады. Ерітіндіні көзіңізге тамызып, көзіңізді бірнеше рет ашып жұмыңыз. Жанаспалы линзаны тағып жүрген кезде, орташа тітіркену, жайсыздық немесе бұлдырау пайда болған жағдайда, 1-2 тамшысын тамызып, 2-3 рет көзіңізді ашып, жұмыңыз. Систейн Ультра, көз тамшы дәрісі – любрикантты жанаспалы линзаны тағар алдында және тағып жүру кезінде де пайдалануға болады.
Медициналық бұйымды пайдалану кезінде сақтық (қауіпсіздік) шаралары және шектеулер бойынша ақпарат
Ескерту:
Өзіңіздің емдеуші дәрігеріңіздің және қоса берілген нұсқаулықтың нұсқауларын дәлме-дәл сақтай отырып, препаратты тағайындалуы бойынша пайдаланыңыз. Егер препаратты қолданғанда, көзіңізде тұрақты жайсыздықты, көру қабілетінің өзгеруін, шамадан тыс жас ағуын және көздің қызаруын сезінсеңіз, міндетті түрде өзіңіздің емдеуші дәрігеріңізге көрініңіз. Систейн Ультра, көз тамшы дәрісі – любрикант өнімін жанаспалы линзаны сулау және дезинфекциялау үшін пайдаланбаңыз.
Сақтандырулар:
Ерітіндіні ластап алмау үшін, тамызғы ұшын ешбір беткейге тигізбеңіз.
Пайдаланып болған соң, қалпақшасын кигізіңіз. Құтыны нығыздап жабылған күйінде сақтау керек. Егер қаптама ашылған немесе зақымдалған болса, ерітіндіні пайдаланбаңыз.
Қолдануға болмайтын жағдайлар:
Препараттың кез келген компонентіне аллергиялық реакциялар.
Стерильді.
Сақтау шарттары: бөлме температурасында.
Балалардың қолы жетпейтін жерде сақтау керек.
Құтыны алғаш ашқаннан кейін ерітіндіні 6 айдан артық пайдалануға болмайды.
Жарамдылық мерзімі өткеннен кейін қолдануға болмайды.
Сақтау мерзімі: 24 ай.
Медициналық бұйымды өндіруші және оның уәкілетті өкілі туралы мәліметтер:
Өндіруші: «Alcon Pharmaceuticals Ltd.», Rue Louis d’Affry 6, Case Postale, 1701 Fribourg, Швейцария
Өндірістік алаң:
«Alcon Singapore Manufacturing Pte. Ltd.», 19 Tuas South Avenue 14, Сингапур 637313
Қазақстан Республикасы аумағында тұтынушылардан медициналық бұйым жөніндегі шағымдарды (ұсыныстарды) қабылдайтын ұйым
«Алкон Фармасьютикалc Лтд.» өкілдігі. Құрманғазы к-сі, 95.
Тел.: +7 (727) 258-24-47
Факс: +7 (727) 244-26-51
Электронды поштасы: QA.Complaints@alcon.com
Нормативтік құжат:
EN ISO 13212; EN ISO 14730; EN ISO 22442; ISO 10993
| Символы | Символдың белгіленуі / түсіндірме мәтін |
| | ... дейін пайдалану керек |
| | Асептикалық өңдеу әдістерін пайдаланып, стерилизациялау керек |
| | Қолдану жөніндегі нұсқаулыққа жүгініңіз |
