Солодкого корня 100 мл сироп

Сипаттама

Дәрілік затты медициналық қолдану жөніндегі нұсқаулық

Мия тамырының шәрбаты

Саудалық атауы

Мия тамырының шәрбаты

Халықаралық патенттелмеген атауы

Жоқ

Дәрілік түрі

Шәрбат 125 г

Құрамы

100 г шәрбаттың құрамында

белсенді зат - мия тамырларының қою экстрактісі 4.0 г

қосымша заттар: қант шәрбаты, 90 % этанол

Сипаттамасы

Өзіндік иісі, тәтті дәмі бар, қоюлау қоңыр түсті сұйықтық.

Ескертпе. Сақтау кезінде шөгінді отыруы мүмкін.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар.

АТХ коды R05CA

Фармакологиялық қасиеттері

Фармакокинетикасы

Құрамында әртүрлі биологиялық белсенді заттар болғандықтан, препараттың фармакокинетикасына зерттеу жүргізілмеген.

Фармакодинамикасы

Мия тамырының шәрбаты - өсімдік тектес препарат. Қақырық түсіретін, спазмолитикалық әсері бар, бұл негізінен құрамында глицирризин, глицирризин қышқылының калий және кальций тұздарының қоспасы, сондай-ақ флавон гликозидтерінің (ликвиритин, ликвиритигенин және ликвиритозид) болуына байланысты.

Мияның қақырық түсіретін қасиеті құрамында трахея мен бронхтардағы кірпікшелі эпителий белсенділігін көтермелейтін глицирризиннің болуына байланысты, сондай-ақ жоғары тыныс жолдары шырышты қабықтарының сөлініс функциясын күшейтеді. Тегіс бұлшықеттерге спазмолитикалық әсері бар (флавоноидты қосылыстардың болуы есебінен). Глицирризин қышқылы организмде метаболизмдік өзгерістерге ұшырай отырып, кортикостероид тәрізді әсер береді.

Қолданылуы

Кешенді ем құрамында

- жеделбронхитте

- созылмалыбронхитте

- трахеитте

- көкжөтелде

Қолдану тәсілі және дозалары

Ішуге арналған.

Қолданар алдында шайқау керек.

Шәрбатты күніне 3 рет ішке қабылдайды.

Ересектерге 1/2 стақан суға 1 десерт қасықтан қабылдайды.

Балалар.

12 жастан асқан – 1/4 стақан суға 1 шай қасықтан қабылдайды. 2-ден 12 жасқа дейін – 1/4 стақан суға 1/2 шай қасықтан қабылдайды.

Емдеу курсы 5-7 күн.

Жағымсыз әсерлері

- жүрек айну, құсу, қыжыл

- гипертония

- шеткері ісінулер

- тері бөртпесі

Қолдануға болмайтын жағдайлар

- асқазанның және 12 елі ішектің ойық жара ауруы

- гастрит

- препарат компонеттерін жеке көтере алмаушылық

Дәрілермен өзара әрекеттесуі

Анықталмаған

Айрықша нұсқаулар

Қант диабеті бар науқастарға, жүкті әйелдерге және лактация кезеңінде, алкоголизммен зардап шегетін, бауыр ауруы бар пациенттерге абайлап және тек қана дәрігердің тағайындауымен қолдану керек.

Дәрілік заттардың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көлікті немесе қауіптілігі зор механизмдерді басқару қабілетіне препараттың әсері жоқ.

Артық дозалануы

Анықталмаған.

Шығарылу түрі және қаптамасы

125 г препараттан полиэтилен немесе пластмасса әмбебап (алюминий) қақпақпен тығындалған бұрандалы мойны бар шыны массадан жасалған құтыда және тығыздығы жоғары полиэтиленнен жасалған бұрандалы қақпақпен тығындалған, сыйымдылығы 100 мл бұрандалы мойны бар полиэтилентерефталаттан, күңгірт-қоңыр мөлдір емес поливинилхлоридтен жасалған құтыда немесе бұрандалы қақпақпен тығындалған, сыйымдылығы 125 мл бұрандалы мойны бар полиэтилентерефталаттан, күңгірт-қызғылт мөлдір емес поливинилхлоридтен жасалған құтыда.

Құтылар медициналық қолдану жөніндегі мемлекеттік және орыс тілдеріндегі нұсқаулықтармен бірге картон қорапқа салынады.

Құтылар екінші қаптамасыз медициналық қолдану жөніндегі мемлекеттік және орыс тілдеріндегі нұсқаулықтарпен бірге санына сәйкес орайтын қағаз бумаға немесе қораптық картоннан жасалған қорапқа немесе жылуұстағыш полиэтилен үлбірге немесе гофрланған картон жәшікке салады.

Сақтау шарттары

Жарықтан қорғалған жерде, 25⁰С-ден аспайтын температурадасақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Босатылу шарттары

Рецептісіз

Өндіруші ұйым

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467

Тіркеу куәлігінің ұстаушысы

«ТК Фарм Ақтөбе» ЖШС Қазақстан Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15

Электронды поштасы: dir-tkpharm@mail.ru

Дәріханалар

Қалалар