Урсозим 250 мг №120 капс.

Сипаттама

Дәрілік затты медициналық қолдану

жөніндегі нұсқаулық

Урсозим^®

Саудалық атауы

Урсозим^®

Халықаралық патенттелмеген атауы

Урсодезоксихолийқышқылы

Дәрілік түрі

250 мг капсулалар

Құрамы

Бір капсуланың құрамында

белсенді зат – 250 мг урсодезоксихолий қышқылы,

қосымша заттар: картоп крахмалы, магний немесе кальций стеараты, сусыз коллоидты кремнийдің қостотығы,

капсуланың құрамы: желатин, титанның қостотығы (Е171), пропиленгликоль, метилпарагидроксибензоат, пропилпарагидроксибензоат, натрий лаурилсульфаты, сірке қышқылы, сусыз коллоидты кремнийдің қостотығы.

Сипаттамасы

Ақ түсті қатты желатинді капсулалар.Капсуланың ішіндегісі – ақ түсті немесе ақ түсті дерлік ұнтақ немесе түйіршіктер.

Фармакотерапиялық тобы

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Өт шығару жолдары ауруларын емдеуге арналған препараттар. Өт қышқылдары және туындылары. Урсодезоксихолий қышқылы

АТХ коды А05АА02

Фармакологиялық қасиеттері

Фармакокинетикасы

Ішке қабылдағаннан кейін урсодезоксихолий қышқылы аш ішекте және мықын ішектің бас жағында пассивті тасымалдану арқылы және мықын ішектің аяқталған жерінде белсенді тасымалдану арқылы жылдам сіңеді. Сіңірілу жылдамдығы, әдетте, 60-80% құрайды. Сіңірілгеннен кейін өт қышқылы бауырда таурин және глицин амин қышқылдарымен конъюгацияға толық дерлік ұшырайды, содан соң өт арқылы шығарылады. Бауыр арқылы бірінші клиренсі 60%-ға жетеді.

Тәуліктік дозаға және бауырдың жай-күйіне немесе бұзылыстарының бар болуына байланысты өтте өте мол гидрофильді урсодезоксихолий қышқылы жиналады. Сонымен қатар, басқа да, көптеген липофильді өт қышқылдары мөлшерінің біршама азайғаны байқалады.

Ішек бактерияларының әсерімен препарат 7-кето-литохолий қышқылы мен литохолий қышқылына ішінара ыдырайды. Литохолий қышқылы гепатоуытты және жануарлардың кейбір түрлерінде бауырдың паренхиматозды зақымдануын туындатуы мүмкін. Адамдарда өте аз мөлшерде сіңеді, ол бауырда сульфатталады және, осылайша, өтпен немесе ақыр соңында нәжіспен экскрецияланар алдында уытсызданады.

Урсодезоксихолий қышқылының биологиялық жартылай шығарылу кезеңі 3.5-5.8 күнді құрайды.

Фармакодинамикасы

Урсозим^® - гепатопротектор өт айдайтын әсер береді. Бауырдағы холестерин синтезін, оның ішекте сіңуі мен өттегі концентрациясын азайтады, холестериннің өт шығару жүйесіндегі ерігіштігін арттырады, өттің түзілуі мен шығарылуын стимуляциялайды. Жоғары полярлық қасиеттерге ие бола отырып, УДХҚаполярлық (уытты) өт қышқылдары бар аралас уытсыз мицеллалар түзеді, бұл асқазан рефлюктатының билиарлық рефлюкс-гастрит және рефлюкс-эзофагит кезіндегі жасуша жарғақшаларын зақымдау қабілетін төмендетеді. Бұдан өзге, УДХҚ жасуша жарғақшаларының құрамына енуге, оларды тұрақтандыруға және цитоуытты мицеллалардың әсеріне сезімтал емес етуге қабілетті қосарлы молекулалар түзеді. Өттің холестеринмен қанығуын оның ішекте сіңірілуін бәсеңдету, бауырдағы синтезін басу және өттегі секрециясын төмендету есебінен азайтады; өттегі холестериннің ерігіштігін, олармен сұйық кристалдар түзе отырып арттырады; өттің литогендік индексін азайтады. Нәтижесі холестериндік өт тастарын ерітуі және жаңа конкременттерінің түзілуіне жол бермеу болып табылады. Иммуномодуляциялаушы әсері гепатоциттер мен холангиоциттер жарғақшаларындағы HLA-антигендер экспрессиясын бәсеңдетуіне және лимфоциттердің және т.б. табиғи киллерлік белсенділігін қалыптандыруына негізделген. Бастапқы билиарлық циррозы, муковисцидозы және алкогольдік стеатогепатиті бар науқастарда фиброздың үдеуін сенімді түрде кідіртеді, өңеш көктамырларының варикозды кеңею қаупін азайтады.

Жасушалардың (гепатоциттердің, холангиоциттердің)мезгілінен бұрын тозужәнеқырылу үдерістерінбаяулатады.

Қолданылуы

Ересектер

• өт қалтасы өз функциясын атқарып тұрған науқастарда рентгенмен көрінетін өт тастарынеріту үшін және бастапқы билиарлық циррозды (ББЦ) емдеуде

Балалар

6-дан 18 жасқа дейінгі балаларда кистоздық фиброзбен байланысты гепатобилиарлық бұзылуларда

Қолдану тәсілі және дозалары

Бауырдың бастапқы билиарлық циррозын емдеу және өт тастарын еріту үшін 250 мг дозадағы Урсозим^® капсулаларын қолдануға жас шамасына байланысты шектеулер жоқ. Әртүрлі қолданылу көрсетілімдері үшін төмендегідей күнделікті дозалау режимдері ұсынылған:

Бастапқы билиарлық циррозды емдеу үшін

Тәуліктік доза дене салмағына байланысты және күніне 3-тен 7 капсулаға дейін ауытқып отырады (дене салмағының әр кг шаққанда 14±2 мг УДХҚ). Емдеудің бастапқы 3 айында УДХҚ тәуліктік дозасын бірнешеге бөліп қабылдаған жөн. Бауыр көрсеткіштері жақсарған кезде тәуліктік дозаны кешке бір рет қабылдауға болады.

Капсулаларды сумен ішіп, бүтіндей қабылдаған жөн. Қабылдау аралығын мұқият орындау қажет. ББЦ емдеуді белгілі бір мерзімсіз жалғастыруға болады.

Өт тастарын еріту

Ересектер

Әдеттегі тәуліктік дозасы күн сайын кешке қабылданатын күніне 8-12 мг/кг мысалы, 750 мг құрайды. Өт тастарын еріту үшін қажет етілетін уақыт тастардың өлшемі мен олардың құрамына байланысты 6-дан 24 айға дейін құрайды. Емдеудің тиімділігін бақылау зерттеудің ультрадыбыстық әдісімен немесе рентгендік зерттеулер жәрдемімен әрбір 6 ай сайын сайын жүзеге асырылады. Емдеуді тастардың жоқтығын көрсететін 2 холецистограммадан және/немесе УДЗ-зерттеулерден оң нәтижелер алынғанға дейін 4-12 апта аралықпен жалғастырған жөн. Осы әдістерді қолдану диаметрі 2 мм-ден азырақ тастарды көру мүмкіндігінің шектелуіне негізделген. Өт қышқылдарымен ерігеннен кейін тастардың қайталану ықтималдылығы 5 жыл ішінде 50%-ға дейінді құрайды. Рентгенконтрасттылық немесе ішінара рентгенконтрасттылық тастарды емдеуде урсодезоксихолий қышқылының тиімділігіне зерттеулер жүргізілген жоқ, алайда олар рентгенмен көрінетін тастарға қарағанда аз дәрежеде ериді деп болжам жасауға болады. Холестеринді емес тастар рентгенмен көрінетін тастардың 10-15%-ын құрайды және өт қышқылдарының әсерінен ерімеуі мүмкін.

Егде жастағылар

Ересектерде дозаны түзету әдеттегідей қажет емес, алайда белгілі бір сақтық танытқан жөн.

Педиатриялық популяция

Бастапқы билиарлық цирроздың дамуы және холестеринмен қаныққан өт тастарының түзілуі балаларда сирек құбылыс болып табылады, және дозаны дене салмағына сәйкес таңдаған жөн. Пациенттердің осы категорияларында тиімділігі және қауіпсіздігі бейіні бойынша деректер жоқ.

Кистоздық фиброзбен байланысты ггепатобилиарлы бұзылыстар

Балалар

Кистоздық фиброзы бар 6-дан 18 жасқа дейінгі балаларда: күніне 2-3 қабылданатын 20 мг/кг, әрі қарай қажеттілік болғанда күніне 30 мг/кг дейін жоғарылатылады.

Жағымсыз әсерлері

Жағымсыз әсерлерінің жиілігі былайша жіктеледі:өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000), белгісіз (қолда бар деректермен жиілігін бағалау мүмкін емес).

Гепатобилиарлық бұзылулар: урсодезоксихолий қышқылымен емдеу кезінде сирек жағдайларда өт тастарының кальцийленуі дамыды. Өте сирек жағдайларда бауыр циррозының декомпенсациясы байқалды, ол емдеуді аяқтағаннан кейін ішінара регрессияға ұшырайды.

Асқазан-ішек жолы тарапынан: клиникалық зерттеулерде паста тәрізді нәжіс немесе диарея жағдайлары жөнінде мәлімделді.

Өте сирек: бастапқы билиарлық циррозды емдегенде оң жақ абдоминальді аймақтың күшті ауыруы.

Тері жабындары тарапынан: өте сирек жағдайларда есекжем дамыды.

Қолдануға болмайтын жағдайлар

Урсозим^® 250 мг капсулаларын, егер пациенттерде мыналар бар болса, қолданбаған жөн:

- өт қалтасының немесе өт жүретін түтіктің жедел қабыну аурулары

- өт жүретін түтіктің бітелуі (жалпы өт түтігінің немесе өт қалтасы түтіктерінің)

- бауыр шаншуының жиі көріністері

- рентгеноң (кальций мөлшері жоғары) өт тастары

- өт қалтасы жиырылғыштығының бұзылулары

- препарат компоненттеріне немесе өт қышқылдарына аса жоғары сезімталдық

6-дан 18 жасқа дейінгі балаларда кистоздық фиброзбен байланысты гепатобилиарлық бұзылуларда қолданғанда:

- сәтсіз портоэнтеростомия немесе билиарлық атрезиясы бар балаларда өттің қалыпты ағыны қалпына келмеген жағдайда.

Дәрілермен өзара әрекеттесуі

Құрамында алюминий гидроксиді немесе смектит (алюминий оксиді) бар холестирамин, холестипол және антацидтер ішекте урсодезоксихолий қышқылының сіңірілуін төмендетеді және осылайша оның сіңірілуі мен тиімділігін азайтады. Егер құрамында осы заттардың ең болмағанда біреуі бар препараттарды пайдалану бәрібір қажет деп табылса, Урсозим^® препаратын қабылдаудан кемінде 2 сағат бұрын немесе қабылдағаннан кейін 2 сағаттан соң қабылдау керек.

Урсодезоксихолий қышқылы циклоспориннің ішектен сіңірілуіне әсер етуі мүмкін. Сондықтан, циклоспорин қабылдап жүрген науқастарда дәрігер қандағы циклоспорин концентрациясын тексеруі және қажет болған жағдайда циклоспориннің дозасын түзетуі тиіс.

Урсодезоксихолий қышқылы циклоспориннің ішектен сіңуіне ықпалын тигізуі мүмкін. Сондықтан циклоспоринді қабылдап жүрген науқастарда дәрігер қандағы циклоспориннің концентрациясын тексеруі және қажет болғанда циклоспориннің дозасын түзетуі тиіс.

Клиникалық зерттеулерде дені сау еріктілерде урсодезоксихолий қышқылы (күніне 500 мг) мен розувастатинді (күніне 20 мг) бір мезгілде қолдану плазмадағы розувастатин деңгейінің сәл жоғарлауына әкелген. Басқа статиндермен мұндай өзара әрекеттесудің клиникалық маңызы белгісіз.

Жекелеген жағдайларда Урсозим^® ципрофлоксациннің сіңуін төмендетуі мүмкін.

Урсодезоксихолий қышқылының дені сау еріктілерде нитрендипиннің ең жоғары шектегі плазмалық концентрациясын (Смах) және фармакокинетикалық қисық - «концентрация-уақыт» қисығы астындағы ауданды (AUC), кальций антагонисін азайтатындығы дәлелденген. Нитрендипин мен урсодезоксихолий қышқылын бір мезгілде пайдалану нәтижелеріне мұқият мониторинг ұсынылады. Нитрендипин дозасын ұлғайту қажет болуы мүмкін. Бұдан басқа, дапсонның емдік әсерін бәсеңдететіні мәлімделді.

Ұсынылған деректер, сондай-ақ in vitro зерттеулерінің нәтижелері негізінде урсодезоксихолий қышқылы Р450 цитохромы 3А энзимдерін индукциялайды деп болжам жасауға болады; дегенмен, дәрілік өзара әрекеттесулерді талапқа сай клиникалық зерттеу деректері бойынша, урсодезоксихолий қышқылы Р450 цитохромы 3А субстраттарына жататын будесонидтің айқын индукциясын туындатпайды.

Эстрогендік гормондар және қанда холестерин деңгейін төмендететін клофибрат сияқты агенттер холестериннің бауырлық секрециясын ұлғайтады, демек, өт тастары түзілуін стимуляциялауы мүмкін, ал бұл өт қалтасында тастарды еріту үшін пайдаланылатын урсодезоксихолий қышқылына қарсы әсері болып табылады.

Айрықша нұсқаулар

Урсозим^® капсулаларын медициналық бақылаумен қабылдаған жөн.

Емдеудің алғашқы үш айы ішінде бауырдың функциялық АСТ (СГОТ), АЛТ (СГПТ) және гамма-ГТ көрсеткіштерін әрбір4 апта сайын, содан соң әрбір 3 ай сайын бақылап отырған жөн. Көрсетілген параметрлерге мониторинг бауыр функциясы бұзылуларын ерте сатыда, атап айтқанда – бастапқы билиарлық цирроздың кеш сатыларындағы пациенттерде; бұдан басқа, осылайша бастапқы билиарлық циррозы бар пациенттің жүргізілетін емге орай қандай әрекет көрсететінін жылдам анықтауға болатынынайқындауға мүмкіндік береді.

Бастапқы билиарлық цирроздың ауқымды сатыларын емдегенде

Өте сирек жағдайларда бауыр циррозының декомпенсациясы байқалды, ол емдеуді аяқтағаннан кейін ішінара кері дамыды.

Бастапқы билиарлық циррозы бар пациенттерде сирек жағдайларда клиникалық симптомдар емнің бас кезінде нашарлауы мүмкін, мысалы, қышыну пайда болуы мүмкін. Мұндай жағдайда доза тәулігіне 250 мг-ге дейін азайтылып, жоғарыда сипатталғандай ұсынылған дозаға дейін біртіндеп арттырылуы тиіс.

Диарея дамыған жағдайда дозаны азайтқан жөн, ұзаққа созылған диарея жағдайында емдеуді тоқтату керек.

Холестериндік өт тастарын еріту үшін қолданғанда:

Тастың өлшеміне байланысты тастардың кальцинозы белгілерін емдеу және дер кезінде айқындаудың ілгері дамуына баға беру үшін емді бастағаннан кейін 6-10 айдан соң өт қалтасының түрегеліп тұрғанда және шалқасынан жатқанда көрінетін қарайған жерлерін (ультрадыбыстық зерттеу) тексеріп, көзбен көру (пероральді холецистография) керек.

Егер рентген түсірілімдерінен өт қалтасын көзбен көру мүмкін болмаса немесе тастардың кальцинозы, өт қалтасы жиырылғыштығының әлсіздігі немесе шаншудың жиі ұстамалары жағдайларында Урсозим^® 250 мг капсулаларын қолданбаған жөн.

Урсозим^® 250 мг капсулаларын холестеринді өт тастарын еріту үшін пайдаланғанда, әйелдер гормондық емес тиімді контрацепция әдісін пайдалануы тиіс, өйткені гормондық контрацептивтер өт тастарының түзілуін арттыруы мүмкін.

Пациенттерді бастапқы билиарлық цирроздың кеш сатыларында емдегенде

Емдеуді тоқтатқаннан кейін ішінара регресиямен бауыр циррозының декомпенсация жағдайлары өте сирек байқалған.

Бастапқы билиарлық циррозы бар пациенттерде сирек жағдайларда клиникалық симптомдар емдеудің бас кезінде нашарлауы мүмкін, мысалы, қышыну ұлғаюы мүмкін. Мұндай жағдайларда Урсозим^® 250 мгкапсулаларының дозасы күніне Урсозим^® 250 мг бір капсуласына дейін азайтылуы, ал содан соң біртіндеп қайтадан арттырылуы тиіс.

Диарея жағдайында доза азайтылуы, персистирлеуші диарея жағдайында емдеу тоқтатылуы тиіс.

Жүктілік және лактация кезеңі

Фертильділік

Жануарларға жүргізілген зерттеулер фертильділікке урсодезоксихолий қышқылының ықпалын көрсеткен жоқ. Адамда фертильділікке урсодезоксихолий қышқылының тигізетін ықпалы жөнінде деректер жоқ.

Жүктілік

Урсодезоксихолий қышқылын жүкті әйелдерге қолдану жөніндегі деректер шектеулі. Жануарларға жүргізілген зерттеулер гестацияның ерте кезеңдеріндегі репродукциялық уыттылықты көрсетті. Урсозим® препаратын жүктілік кезінде нақты қажеттілік туындамайынша қолданбаған жөн.

Ұрпақ өрбіту жасындағы әйелдер

Ұрпақ өрбіту жасындағы әйелдер урсодезоксихолий қышқылымен емді контрацепцияның сенімді әдістерін пайдаланған кезде ғана қабылдауы мүмкін: гормондық емес әдістерді немесе құрамында эстроген мөлшері төмен контрацептивтерді қолдану ұсынылады. Алайда урсодезоксихолий қышқылын қабылдап жүрген пациенттер контрацепцияның гормондық емес дәрілерін пайдалануы тиіс, өйткені ішілетін гормондық контрацептивтер билиарлық литиаздың даму қаупін арттыруы мүмкін. Емдеуді бастамас бұрын жүктіліктің бар-жоқтығын анықтап алған жөн.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Урсодезоксихолий қышқылы механизмдерді жүргізу және басқару қабілетіне теріс ықпалын тигізбейді.

Артық дозалануы

Симптомдары: Артық дозаланған кезде диарея дамуы мүмкін. Артық дозаланудың басқа симптомдарының болуы екіталай, өйткені урсодезоксихолий қышқылының сіңуі дозаның артуымен азаяды және, демек, нәжіспен бірге көбірек бөлініп шығады.

Емі: сұйықтық көлемі мен электролиттік теңгерімді қалпына келтіре отырып, диареяны симптомдық емдеу.

Урсодезоксихолий қышқылының жоғары дозаларымен (күніне 28-30 мг/кг) ұзақ емдеу бастапқы склероздаушы холангиті бар пациенттерде (тікелей тағайындау бойынша емес) күрделі жағымсыз әсерлердің өте жоғары көрсеткіштерімен жүреді.

Шығарылу түрі және қаптамасы

Поливинилхлоридті үлбірден және лакталған баспалы алюминий фольгадан жасалған пішінді ұяшықты қаптамада 10 капсуладан. 3, 5, 6 немесе 12 пішінді ұяшықты қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25⁰С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауд., Өндірістік аймақ 282

тел.: +7 (727) 356-11-00, 8-800-070-11-00

Тіркеу куәлігінің ұстаушысы

«Абди Ибрахим Глобал Фарм» ЖШС

Қазақстан Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Абди Ибрахим Глобал Фарм» ЖШС,Қазақстан Республикасы, Алматы обл., Іле ауд., Өндірістік аймақ 282, тел.: +7 (727) 356-11-00, 8-800-070-11-00, электронды пошта: info@aigp.kz

Дәріханалар

Қалалар