Ацетилсалициловая кислота 0,5 г, №10, табл.

Сипаттама

Дәрілік затты медициналық қолдану

жөніндегі нұсқаулық

АЦЕТИЛСАЛИЦИЛ ҚЫШҚЫЛЫ

Саудалық атауы

Ацетилсалицил қышқылы

Халықаралық патенттелмеген атауы

Ацетилсалицил қышқылы

Дәрілік түрі

Таблеткалар 500 мг

Құрамы

Бір таблетканың құрамында

белсенді зат: 500 мг ацетилсалицил қышқылы

қосымша заттар: картоп крахмалы, повидон (төмен молекулалық поли-винилпирролидон, пласдон К-17), кальций стеараты, лимон қышқылы моногидраты, тальк.

Сипаттамасы

Жалпақ цилиндрлі, сәл мәрмәрланған, сызығы мен ойығы бар, иіссіз немесе өзіне тән әлсіз иісті, ақ түсті таблеткалар.

Фармакотерапиялық тобы

Анальгетиктер. Басқа да анальгетик-антипиретиктер. Салицил қышқылы мен оның туындылары. Ацетилсалицил қышқылы.

АТХ кодыN02BA01

Фармакологиялық қасиеттері

Фармакокинетикасы

Ішке қабылдағаннан кейін негізінен жіңішке ішектің проксимальді бөлімінен және аз дәрежеде асқазаннан жылдам сіңіріледі.

Асқазанда тағамның болуы ацетилсалицил қышқылының сіңуін едәуір өзгертеді. Ацетилсалицил қышқылы организмнің көптеген тіндері мен сұйық ортасына таралады. Гематоэнцефалдық бөгет арқылы өтеді.

Салицил қышқылын түзе отырып, кейіннен глицин немесе глюкуронидпен конъюгациясымен бауырда гидролиз жолымен метаболизденеді. Салицил қышқылының 80% жуығы қан плазмасы ақуыздарымен байланысады.

Ацетилсалицил қышқылының жартылай шығарылу кезеңі (T _1/2) шамамен 15 минутты, салицил қышқылы – 3 сағатқа жуық уақытты құрайды. Негізінен салицил қышқылы түрінде бүйрекпен шығарылады.

Фармакодинамикасы

Қабынуға қарсы стероидты емес дәрі. Ацетилсалицил қышқылы қабынуға қарсы және ыстық түсіретін әсер көрсетеді, сондай-ақ тромбоциттер агрегациясын бәсеңдетеді. Әсер ету механизмі қабыну, ауыру және қызба патогенезінде басты рөл атқаратын простагландиндердің ізашары болып табылатын арахидон қышқылы метаболизмінің негізгі ферменті -циклооксигеназаның (ЦОГ) белсенділігін бәсеңдетумен байланысты. Ацетилсалицил қышқылының айқын ауыруды басатын ықпалы екі: шеткері (простагландиндер синтезін бәсеңдету) және орталық (орталық және шеткергі жүйке жүйесіндегі простагландиндер синтезін тежеу) механизммен шартталған. Простагландиндер өндірудің кемуі салдарынан олардың жылуды реттеу орталықтарына әсер етуі де азаяды. Жоғары дозаларда қолданылғанда бауырдағы протромбиндер синтезінің тежелуі және протромбиндік уақыттың артуы ықтимал.

Қолданылуы

- этиологиясы әртүрлі әлсіз және орташа қарқындылықтағы ауыру синдромында (оның ішінде бастың ауыруы - бас сақинасы, тістің ауыруы, невралгия, миалгия, буынның ауыруы, кеуделік түбіршектік синдром, люмбаго)

- тұмау, суық тию (ЖРВИ) және басқа да инфекциялық-қабыну ауруларындағы жоғары температурада (қызба)

Қолданар алдында дәрігермен кеңесу керек!

Қолдану тәсілі және дозалары

Ацетилсалицил қышқылын тамақтанудан кейін сұйықтықтың көп мөлшерімен ішіп қабылдайды.

Дене салмағы 50 кг және одан асатын ересектер мен балаларға қызба және ауыру синдромында тәулігіне 3-6 рет 0,25 - 0,5 г (1/2-1 таб) қабылдау ұсынылады. Қабылдаулар арасындағы аралық 4 сағаттан кем болмауы тиіс. Ең жоғары бір реттік доза 1 г. Ең жоғары тәуліктік доза 3,0 г құрайды.

Егер ацетилсалицил қышқылы препаратын 5 күн бойы қабылдағанда ауыру синдромы немесе 3 күн бойына жоғары температура сақталса, емделуді тоқтатып, дәрігерге қаралу қажет.

Жағымсыз әсерлері

- іштің ауыруы, қыжыл, жүрек айну, анық құсу (қан аралас құсу, қарамай тәріздес нәжіс) немесе темір тапшылығы анемиясына алып келуі мүмкін асқазан-ішек жолы қан кетулерінің жасырын белгілері

- асқазан-ішек жолының эрозиялық-ойық жаралы зақымданулары (оның ішінде тесілуі)

- Рейе/Рей синдромы (үдемелі энцефалопатия: жүрек айну және тоқтайтын құсу, тыныс алудың бұзылуы, ұйқышылдық, құрысулар; бауырдың майлы инфильтрациясы, гипераммониемия, АСТ, АЛТ деңгейінің жоғарылауы);

- бас айналуы, құлақтың шуылдауы (әдетте артық дозаланудың белгілері болып табылады)

- қан кету қатерінің артуы

- тері бөртпесі, анафилаксиялық реакциялар

- бронх түйілуі, Квинке ісінуі

Ұзақ уақыт қолданғанда:

- интерстициальді нефрит, қандағы креатининнің көбеюі мен гиперкальциемиясы бар преренальді азотемия, жедел бүйрек жеткіліксіздігі, нефроздық синдром

- папиллярлық некроз

- қан аурулары (анемия, агранулоцитоз, тромбоцитопениялық пурпура);

- асептикалық менингит

- іркілісті жүрек жеткіліксіздігі симптомдарының күшеюі, ісінулер

- қандағы амин трансферазалары деңгейінің ұлғаюы

Осыған ұқсас симптомдар білінгенде препаратты қабылдауды тоқтатып, емдеуші дәрігерге шұғыл қаралу қажет!

Қолдануға болмайтын жағдайлар

- ацетилсалицил қышқылына және басқа ҚҚСП немесе препараттың басқа құрамдас бөліктеріне жоғары сезімталдық

- асқазан-ішек жолының эрозиялық-ойық жаралы зақымданулары

(асқыну кезеңіндегі)

- геморрагиялық диатездер, геморрагияларға бейімділік, қанағыштық артуы, қан ұюының бұзылуы (гемофилия, Виллебранд ауруы, телеангиоэктазиялар, К витаминінің тапшылығы, тромбоцитопения, тромбоздық тромбоцитопениялық пурпура, гипопротромбинемия)

- бауыр мен бүйрек функциясының ауыр бұзылулары

- 15 мг дозадағы метотрексаттыңапталық және одан артық біріктіріп қолданылуы

- бронх демікпесінің, мұрын мен мұрын маңындағы қуыстардың қайталамалы полипозының қосылуы

- жүктілік және лактация кезеңі

- 15 жасқа дейінгі балалық кезең

Дәрілермен өзара әрекеттесуі

Ацетилсалицил қышқылын вальпрой қышқылы препараттарымен, цефалоспориндермен немесе антикоагулянттармен бірге қолданғанда қан кетудің өршу қаупі ұлғаяды. Препарат мен ҚҚСП бір мезгілде қолданғанда соңғыларының негізгі және жағымсыз құбылыстары күшейеді.

Препаратпен емделу аясында метотрексаттың жағымсыз әсері ушыға түседі (соңғысын аптасына 15 мг қабылдағанда – ацетилсалицил қышқылын қолдануға болмайды).

Ішу арқылы қабылданатын гипогликемиялық препараттар - сульфонилмочевина туындыларымен бір мезгілде қолданғандагипогликемиялық әсердің күшеюі болады.

Глюкокортикостероидтармен бір мезгілде қолданғанда, алкоголь қабылдауда асқазан-ішектен қан кету қаупі артады.

Препарат несеп қышқылының шығарылуына ықпал ететін спиронолактонның, фуросемидтің, гипотензиялық және подаграға қарсы дәрілік заттардың әсерін әлсіретеді.

Препаратпен емделу аясында антацидтік дәрілік заттардың тағайындалуы (әсіресе ересектер үшін 3,0 г асатын және балалар үшін 1,5 г асатын дозаларда) қандағы салицилаттың тұрақтанған жоғары деңгейінің төмендеуін туғызуы ықтимал.

Айрықша нұсқаулар

Ацетилсалицил қышқылы бронх түйілуін, бронх демікпесінің ұстамасын немесе жоғары сезімталдықтың басқа реакцияларын туғызуы мүмкін. Бронх демікпесінің, мұрын полиптерінің, қызбаның, созылмалы бронх-өкпе ауруларының, анамнездегі аллергиялық жағдайлардың (аллергиялық риниттер, терідегі бөртулер) болуы қатерлі факторлар болып табылады.

Ацетилсалицил қышқылы қансырауға бейімділікті арттыруы мүмкін, бұл оның тромбоциттер агрегациясын тежейтін әсеріне байланысты. Мұныхирургиялық араласулар, тіпті тіс жұлу сияқты шағын араласулар қажеттілігі туындағанда есепке алған дұрыс. Хирургиялық араласудың алдында операция барысындағы және операциядан кейінгі кезеңдегі қансырауды кеміту үшін препаратты қабылдауды 5-7 күн бұрын тоқтатып, бұл жөнінде дәрігерге ескерткен жөн.

Қан тамырлары ауруларын емдегенде ацетилсалицил қышқылының тәуліктік дозасы 75-тен 300 мг дейінді құрайды. Несеп қышқылы тұздарының бөлінуі кемитіндіктен, бұл ауруларға бейім пациенттерде подаграның асқынуы (ұстама) ықтимал.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Емделу кезеңінде автокөлікті жүргізгенде және басқа қауіптілігі зор қызмет түрлерімен айналысқанда сақтық шараларын қадағалау қажет.

Артық дозалануы

Симптомдары: бас айналуы, көру мен естудің бұзылуы, жүрек айну, құсу, тыныс алудың күшеюі. Кейінірек тіпті комаға түсуге дейінгі сананың бәсеңдеуі, тыныс алу жеткіліксіздігі, қышқылды-сілтілік тепе-теңдіктің бұзылуы (респираторлық алкалоз, сонан соң метаболизмдік ацидоз), жедел бүйрек жеткіліксіздігі (ЖБЖ), шок басталады. 200-ден 500 мг/кг дейінгі дозаны қабылдағанда өлім қауіп-қатері бар улануы ықтимал.

Емі: құстырту немесе асқазанды шаю, белсендірілген көмір, іш жүргізетін дәрілер тағайындау. Емдеуді арнайы бөлімдер жағдайында жүргізген жөн.

Шығарылу түрі және қаптамасы

500 мг таблеткалар.

10 таблеткадан пішінді ұяшықсыз немесе пішінді ұяшықты қаптамада.

1 немесе 2 пішінді ұяшықты қаптама медициналық қолдану жөніндегі мемлекеттік және орыс тіліндегі нұсқаулықтармен бірге картон қорапшаға салынған.

Пішінді ұяшықты немесе пішінді ұяшықсыз қаптама медициналық қолдану жөніндегімемлекеттік және орыс тіліндегі нұсқаулықтардың бірдей санымен тікелей топтық қаптамаға салынады.

Сақтау шарттары

25^оС-ден аспайтынтемпературада сақтау қажет.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

"Татхимфармпрепараты" АҚ

Ресей, 420091, Қазан қ., Беломорская к-сі, 260

Тел.: (843) 571-85-58; факс: (843) 571-85-38

Е-mail: marketing@tatpharm.ru

Тіркеу куәлігінің иесі

"Татхимфармпрепараты" АҚ, Ресей

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«МегаФармПлюс» ЖШС

Қазақстан Республикасы, ОҚО, 160019, Шымкент қ., Абай ауданы, Қызыл жар ықшамауданы, Қарасу к-сі, № 30

Тел.: 8 (7252) 45-31-23; факс: 8 (7252) 45-31-56

Е-mail: megafarmplus@yandex.kz

Дәріханалар

Қалалар