Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
АНТИТУС
Саудалық атауы
АНТИТУС
Халықаралық патенттелмеген атауы
Бутамират
Дәрілік түрі
Шәрбат 7,5мг/5мл
Құрамы
5 мл шәрбаттың құрамында:
белсенді зат – 7.50 мг бутамират цитраты,
қосымша заттар: натрий сахарині, бензой қышқылы, натрий кроскармеллозаcы (Натрий карбоксиметилцеллюлозасы 7 HOF), глицерин, сорбитол 70%, өрік хош иістендіргіші, тазартылған су
Сипаттамасы
Өріктің иісі бар мөлдір түссіз шәрбат.
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретін препараттармен біріктірілімді қоспағанда. Жөтелге қарсы басқа да препараттар. Бутамират
АТХ кодыR05DB13
Фармакологиялық қасиеттері
Фармакокинетикасы
Бутамират — 2-(2-диэтиламиноэтокси) этил-2-фенил бутират — ішке қабылдаған кезде жылдам және толық сіңеді. Шәрбат түрінде 15.0 мг қабылдағаннан кейін плазмаданегізгі метаболит (2-фенилмай қышқылы) ең жоғары концентрацияға шамамен 1.5 сағаттан кейін жетеді және 6.4 мкг/мл құрайды. Жартылай шығарылу кезеңі 6 сағатты құрайды.Препаратты қайталап тағайындаған кезде оның қандағы концентрациясы дозаға тәуелді күйінде қалады және жиналып қалуы байқалмайды.
Бутамираттың бастапқы 2-фенилмай қышқылына және диэтиламиноэтоксиэтанолға дейін гидролизі қанда басталады. Бұл метаболиттердің жөтелге қарсы белсенділігі де бар. Метаболиттер бутамират тәрізді, плазма ақуыздарыменең жоғары дерлік байланысу дәрежесінеие(95%-ға жуық), бұл олардың плазмадан жартылай шығарылуы кезеңінің ұзақ болуына түрткі болады. 2-фенилмай қышқылы қосарлы орналасқанда гидроксилдену арқылы ішінара метаболизденеді. Үш метаболиттің бәрі де, негізінен, несеппен бірге шығарылады, сонымен қатар қышқыл реакциясы бар метаболиттер глюкурон қышқылымен айтарлықтай дәрежеде байланысқан.
Фармакодинамикасы
АНТИТУС химиялық жағынан да, фармакологиялық жағынан да апиын алкалоидтарына жатпайтын, жөтелге қарсы орталық әсері бар дәрі болып табылады. АНТИТУС жөтел орталығының қозғыштығын (орталықтық әсерді), шырышты қабықтардың тітіркенуін төмендетеді, бронхты орташа кеңейтеді, қақырықты түсіреді және қабынуға қарсы әсер етеді.
Қолданылуы
- этиологиясы әртүрлі жөтелді симптоматикалық емдеу
Қолдану тәсілі және дозалары
Өлшеуіш қасықты немесе өлшеуіш стақанды пайдаланыңыз (қоса берілген).
Шәрбатты тамақтанудың алдында қолдану керек.
3-тен 6 жасқа дейінгі балаларға: 5 мл препараттан (1 өлшеуіш қасық немесе 1/4 өлшеуіш стақан – 7,5 мг бутамират) күніне 3 рет.
6-дан 12 жасқа дейінгі балаларға: 10 мл препараттан (2 өлшеуіш қасық немесе 1/2 өлшеуіш стақан – 15 мг бутамират) күніне 3 рет.
12 жастан асқан балаларға және ересектерге: 15 мл препараттан (3 өлшеуіш қасық немесе 3/4 өлшеуіш стақан – 22,5 мг бутамират) күніне 3 рет.
Емдеу курсы 4 – 5 күн.
Әр пайдаланудан кейін өлшеуіш қасықты немесе өлшеуіш стақанды жуып және кептірген жөн.
Жағымсыз әсерлері
Сирек: тері бөртпесі, қышыну, есекжем, жүректің айнуы, құсу, диарея, бастың айналуы, ұйқышылдық
Қолдануға болмайтын жағдайлар
- препараттың белсенді затына немесе кез келген басқа компонентіне жоғары сезімталдық
- жүктіліктің 1 триместрі
- лактация кезеңі
- 3 жасқа дейінгі балалар
Дәрілермен өзара әрекеттесуі
Сипатталмаған
Айрықша нұсқаулар
Бутамираттың жөтелді басуына байланысты бронх түйілуі мен тыныс жолдары инфекцияларының пайда болу қаупі болатын тыныс алу жолдарында қақырықтың жиналып қалуына жол бермес үшін қақырық түсіретін дәрілермен бір мезгілде қолдануға болмайды.
Бүйрек жеткіліксіздігі бар науқастарға абайлап тағайындайды. Егер пациентАНТИТУС препаратын өз бетінше қабылдай бастаса және 3–4 күн емдегеннен кейін жөтел тоқтамаса, дәрігерге қаралуы қажет. Емделу кезеңінде алкогольді ішімдіктерді және ОЖЖ басатын дәрілік заттарды (ұйықтататын дәрілер, нейролептиктер, транквилизаторлар және т.б.) қолдануға болмайды.
Қант диабеті бар науқастар. Препараттың құрамында қант жоқ, сондықтан оны қант диабеті бар пациенттерге тағайындауға болады.
Жүктілік және лактация. ІІ және ІІІ триместрлерде тікелей көрсетілімдері болғанкезде дәрігердің кеңесімен ғана қолданылуы мүмкін.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препаратты қабылдағаннан кейін автокөлікті басқарғанда және зейін қоюды қажет ететін жұмыстарды орындағанда (мысалы, қауіпті механизмдермен жұмыс істегенде)абай болу керек.
Артық дозалануы
Симптомдары: ұйқышылдық, жүректің айнуы, құсу, диарея, тепе-теңдік сезімін жоғалту және гипотензия.
Емі: белсендірілген көмір, тұзды іш жүргізгіштер, сондай-ақ жүрек-қантамыр және тыныс алу жүйесінің функциясын демеу шаралары
Шығарылу түрі және қаптамасы
150 мл препарат алғашқы ашылуы бақыланатын, бұралатын қақпағы бар қүңгірт шыны құтыға құйылған.
Құтыға өздігінен желімденетін заттаңба жапсырылады.
1 құты өлшеуіш қасықпен немесе өлшеуіш стақанымен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
Құрғақ, жарықтан қорғалған жерде, 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Құтыны алғаш ашқаннан кейін сақтау мерзімі – 6 ай
Жарамдылық мерзімі өткеннен кейін қолдануға болмайды
Дәріханадан босатылу шарттары
Рецептісіз
Өндіруші/Тіркеу куәлігінің ұстаушысы
«Нобел Алматы Фармацевтикалық Фабрикасы» АҚ
Қазақстан Республикасы
Алматы қ., Шевченко к-сі, 162 Е.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Нобел Алматы Фармацевтикалық Фабрикасы» АҚ
050008, Қазақстан Республикасы, Алматы қ., Шевченко к-сі, 162 Е
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды поштасы: nobel@nobel.kz
