Синекод 200 мл сироп

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Синекод

Халықаралық патенттелмеген атауы

Бутамират

Дәрілік түрі, дозасы

Шәрбат

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар қақырық түсіретін препараттармен біріктірілімді қоспағанда. Жөтелге қарсы басқа да препараттар. Бутамират.

АТХ коды R05DB13

Қолданылуы

Этиологиясы әртүрлі жөтелді симптоматикалық емдеуде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- бутамират цитратына немесе препараттың кез келген басқа да ингредиентіне жоғары сезімталдық

- тұқым қуалайтын фруктоза жақпаушылығы

Қолдану кезінде қажетті сақтық шаралары

Бутамират жөтел рефлексін басатындықтан, қақырық түсіретін дәрілермен бір мезгілде қолдану тыныс алу жолдарындағы шырыштың іркілуіне әкелуі мүмкін, бұл бронх түйілуінің даму қаупін мен тыныс алу жолдарының инфекциясын жоғарылатады.

Егер препаратты қабылдағаннан кейін 7 күн ішінде жақсару болмаса немесе симптомдар нашарласа және/немесе дене қызуының көтерілуі, бөртпе немесе үнемі бас ауыруы болса, аурудың негізгі себептерін білу үшін дәрігермен кеңесу керек.

Сорбитол (E420)

Құрамында әр мл-де 284 мг сорбитол бар. Сорбитол фруктозаның көзі болып табылады. Сирек тұқым қуалайтын фруктозаға жақпаушылықтан зардап шегетін пациенттер бұл дәріні қабылдамауы керек.

Сорбитол эпигастрий аймағында ыңғайсыздық тудыруы мүмкін және аздап іш өткізгіш әсер береді.

Этанол

Құрамында аз мөлшерде этанол бар (11,73 мг / 5 мл).

Натрий

Құрамында дозада 1 ммоль натрий (23 мг) бар, яғни дерлік «құрамында натрий жоқ».

Басқа дәрілік препараттармен өзара әрекеттесуі

Қақырық түсіретін немесе муколитикалық заттармен бір мезгілде қолданудан аулақ болу керек.

Орталыққа әсер ететін препараттың болжамды жөтелге әсерін ескере отырып, алкогольді қоса, ОЖЖ бәсеңдететін дәрілермен бір мезгілде қабылдау кезінде әсердің жоғарылау мүмкіндігін жоққа шығаруға болмайды.

Арнайы ескертулер

Жүктілік немесе лактация кезінде

Бутамираттың жануарлардың репродуктивті функциясына әсер етуіне жүргізілген зерттеу шарана үшін қауіпті анықтаған жоқ. Алайда жүкті әйелдерде спецификалық зерттеулер жүргізілген жоқ. Жүктілік кезінде бұл өнімді тек дәрігердің нұсқауы бойынша қолдану керек. Егер ананың күтілетін пайдасы ұрық үшін мүмкін болатын қауіптен жоғары болса, ең аз тиімді дозаны және емдеудің ең қысқа мерзімін ескеру қажет.

Емшек сүтімен бутамираттың бөліну туралы ақпарат жоқ болғандықтан, емізу кезінде бұл өнімді тек дәрігердің ұсынысы бойынша ғана қолдану керек. Егер ананың күтілетін пайдасы сәби үшін ықтимал қауіптен жоғары болса, ең аз тиімді дозаны және емдеудің ең қысқа мерзімін ескеру қажет.

Препаратты көлік құралын немесе қауіптілігі зор механизмдерді басқару қабілетіне әсер ету ерекшеліктері

Синекод ұйқышылдық пен шаршауды тудыруы мүмкін. Егер мұндай симптомдар пайда болса, көлік жүргізуден немесе қауіпті механизмдерден аулақ болу керек.

Қолдану жөніндегі нұсқаулар

Дозалау режимі

Ішуге арналған.

Балалар

- 3 жастан 6 жасқа дейін; тәулігіне 5 мл-ден (7,5 мг) 3 рет. Ең жоғарғы тәуліктік доза 15 мл (22,5 мг)

- 6-дан 2 жасқа дейін; тәулігіне 10 (15 мг) мл-ден 3 рет. Ең жоғарғы тәуліктік доза 30 мл (45 мг)

- 12 жастан 18 жасқа дейін; тәулігіне 15 (22,5 мг) мл-ден 3 рет. Ең жоғарғы тәуліктік доза 45 мл (67,5 мг)

Ересектер; тәулігіне 15 мл-ден (22,5 мг) 4 рет. Ең жоғары тәуліктік доза 60 мл (90 мг)

Градуирленген қалпақшаны пайдаланыңыз. Өлшеуіш қалпақшаны әр қолданыстантан кейін және әр түрлі қолданушылар қолданған кезде жуып, кептіру керек.

Шәрбатты тамақтанар алдында қабылдау керек.

Сахарин мен сорбитол шәрбатта тәттілендіргіш ретінде болады, сондықтан бұл препараттарды қант диабеті бар науқастар қабылдауға болады.

Ұсынылған дозадан асырмау керек. Әсерге жету үшін қажет препараттың ең аз дозасын емдеудің ең қысқа кезеңінде қолдану керек.

Медициналық кеңестерсіз қолданудың ең ұзақ мерзімі: 7 күн

Артық дозаланған жағдайда қолдану қажет шаралар

Симптомдары: ұйқышылдық, жүрек айну, құсу, диарея, бас айналуы және гипотензия.

Емі: симптоматикалық. Шұғыл шаралар ретінде белсендірілген көмірді, тұзды іш жібіткіштерді қолдануға болады. Жүрек-қантамыр және тыныс алу жүйелерінің функциясын демеу.

Спецификалық антидот белгісіз.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Сирек (<1/1 000):

бөртпе, есекжем

Жиі емес (≥1/1000 бірақ <1/100):

- бас айналуы, ұйқышылдық

- жүрек айнуы, диарея.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл шәрбат құрамында

белсенді зат – бутамират цитраты 0,15 г.

қосымша заттар: 70 % сорбитол ерітіндісі глицерин, натрий сахарині, бензой қышқылы, ванилин, 96 % этанол,30 %натрий гидроксиді ерітіндісі, тазартылған су.

Сыртқы түрінің, иісінің, дәмінің сипаттамасы

Түссізден қоңыр - сары түске дейінгі мөлдір түссіз ерітінді.

Шығарылу түрі және қаптамасы

200 мл препараттан балалардың ашып алуынан қорғайтын полиэтилен қақпағы мен өлшеуіш қалпақшасы бар қызғылт сары шыны құтыда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

Сақтау мерзімі

3 жыл.

Жарамдылық мерзімі өткеннен кейін пайдалануға болмайды.

Сақтау шарттары

30^о С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

GSK Consumer Healthсare S.A., Швейцария

Route de l’Etraz 1260 Nyon

+41 22 567 20 00, +41 22 362 17 44

dario.2.donatti@gsk.com

Тіркеу куәлігінің ұстаушысы

GSK Consumer Healthсare S.A., Швейцария

Route de l’Etraz 1260 Nyon

+41 22 567 20 00, +41 22 362 17 44

dario.2.donatti@gsk.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ГСК КХ ҚАЗАҚСТАН» ЖШС

Алматы қ., Манас к-сі 32А.

тел. +7 (727) 2446999,

факс +7 (727) 2446997

EAEU.PV4customers@gsk.com (жағымсыз құбылыстар туралы хабарлау үшін)

UA-CIS.LOC-PQC@gsk.com (препараттың сапасына қатысты шағымдар туралы хабарлау үшін)

Дәріханалар

Қалалар