Арпефлю 100 мг №30 табл

Сипаттама

Дәрілік затты медициналық қолдану жөніндегі нұсқаулық

Арпефлю

Саудалық атауы

Арпефлю

Халықаралық патенттелмеген атауы

Умифеновир

Дәрілік түрі

Үлбірлі қабықпен қапталған таблеткалар, 50 мг және 100 мг.

Құрамы

Бір таблетканың құрамында

белсенді зат - умифеновир гидрохлориді 50 мг немесе 100 мг,

қосымша заттар: повидон (К 17), микрокристалды целлюлоза, модификацияланған жүгері крахмалы (Starch 1500), сусыз коллоидты кремнийдің қостотығы, магний стеараты, лактоза моногидраты, опадрай IIақ (поливинил спирті, титанның қостотығы (Е171), полиэтиленгликоль, тальк).

Сипаттамасы

Екі беті дөңес, қабықпен қапталған ақ түсті таблеткалар.

Фармакотерапиялық тобы

Жүйелік пайдалануға арналған инфекцияға қарсы препараттар.

Жүйелік қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа да препараттар. Умифеновир.

АТХ коды J05AX13

Фармакологиялық қасиеттері

Фармакокинетикасы

Умифеновир гидрохлориді ағзалар мен тіндерге тез сіңіріледі және таралады. Қан плазмасындағы ең жоғарғы концентрациясына 50 мг дозада қабылдағанда 1.2 сағаттан соң, 100 мг дозада – 1.5 сағаттан соң жетеді. Бауырда метаболизденеді. Жартылай шығарылу кезеңі 17-21 сағатқа тең. 40 %-ға жуығы өзгеріссіз күйде, негізінен өтпен (38.9%) және болымсыз мөлшерде бүйрекпен (0.12%) шығарылады. Бастапқы тәуліктер ішінде енгізілген дозасының 90 %-ы шығарылады.

Фармакодинамикасы

Умифеновир гидрохлориді – вирусқа қарсы дәрі, сондай-ақ орташа иммуномодуляциялаушы әсер береді. А және В типті тұмау вирустарын, сондай-ақ басқа вирустар – ауыр жедел респираторлық синдроммен (АЖРС) астасқан жедел респираторлықвирустық инфекциялар (ЖРВИ) қоздырғыштарын (коронавирус (Сoronavirus)), риновирус (Rhinovirus), аденовирус (Adenovirus), респираторлық-синцитиальді вирус (Pneumovirus) және парагрипп (Paramyxovirus) вирусын спецификалы бәсеңдетеді. Вирусқа қарсы әсер ету механизмі бойынша бірігу тежегіштеріне (фузия) жатады, вирус гемагглютининімен өзара әрекеттеседі және вирустың липидті қабығы мен жасуша жарғақшаларының бірігуіне кедергі болады. Интерферониндукциялаушы белсенділігі бар, иммунитеттің гуморальді және жасушалық реакцияларын, макрофагтардың фагоцитарлық функциясын көтермелейді, организмнің вирустық инфекцияларға төзімділігін арттырады. Вирустық инфекциямен байланысты асқынулардың даму жиілігін, сондай-ақ созылмалыбактериялық аурулардың өршуін төмендетеді.

Вирустық инфекциялар кезіндегі емдік тиімділігі жалпы уыттану мен клиникалық көріністер айқындығын төмендеуінен, ауру ұзақтығының қысқаруынан білінеді.

Уыттылығы аз препараттарға жатады. Ұсынылған дозаларда пероральді қолданғанда адам организміне қандай-да бір теріс әсер бермейді.

Қолданылуы

- А және В тұмауы, жедел респираторлы-вирустық инфекциялар (ЖРВИ)

- созылмалы бронхитті, пневмония мен қайталанатын герпес инфекциясын кешенді емдеу құрамында

- эпидемиялық маусымда тұмау және ЖРВИ профилактикасы

- операциядан кейінгі инфекциялық асқынулардың профилактикасы

- 6 жастан асқан балаларда этиологиясы ротавирустық жедел ішек инфекцияларын кешенді емдеу құрамында.

Қолдану тәсілі және дозалары

Ішке, ас ішкенге дейін 30 минут бұрын немесе ас ішкеннен кейін 2 сағаттан соң. Бір реттік дозасы: 6 жастан 12 жасқа дейінгі балаларға - 100 мг, 12 жастан асқан балалар мен ересектерге - 200 мг (100 мг-ден 2 таблетка немесе 50 мг-ден 4 таблетка).

Спецификалық емес профилактика үшін

Тұмаумен және басқа жедел респираторлы-вирустық инфекциялармен ауырған науқаспен тікелей байланыста болғанда:

- 6 жастан 12 жасқа дейінгі балаларға – күніне бір рет 100 мг, 12 жастан асқан балалар мен ересектерге –10-14 күн бойы күніне бір рет 200 мг.

Тұмау және басқа жедел респираторлы-вирустық инфекциялар эпидемиясы кезеңінде:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге –3 апта бойы аптасына екі реттен 200 мг.

Емдеу үшін

Асқынуларсыз тұмау, басқа жедел респираторлы-вирустық инфекциялар:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге – 5 күн бойы тәулігіне 4 рет (әр 6 сағат сайын) 200 мг.

Созылмалы бронхитті, пневмонияны, герпестік инфекцияны кешенді емдеуде:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге – 5-7 күн бойы тәулігіне 4 рет (әр 6 сағат сайын) 200 мг, сосын 4 апта бойы аптасына 2 рет бір реттік дозасын.

6 жастан асқан балалардағы этиологиясы ротавирустық жедел ішек инфекцияларын кешенді емдеу:

- 6 жастан 12 жасқа дейінгі балаларға – 100 мг-ден, 12 жастан асқандарға 5 күн бойы тәулігіне 4 рет (әр 6 сағат сайын) 200 мг-ден.

Операциядан кейінгі инфекциялық асқынулардың профилактикасы:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге – операцияға 2 күн қалғанда бір рет 200 мг, сосын операциядан кейін 2-нші және 5-інші күні дәл сол дозада бір рет .

Жағымсыз әсерлері

Сирек

- аллергиялық реакциялар (бөртпе, анафилаксиялық реакция)

- қыжыл, жүректің айнуы, құсу, диарея

Қолдануға болмайтын жағдайлар

- препараттың кез-келген компонентіне жоғары сезімталдық

- 6 жасқа дейінгі балалар

- жүктілік және лактация кезеңі

- тұқым қуалайтын лактоза жақпаушылығы, лактоза жеткіліксіздігі, глюкоза, галактоза мальабсорбциясы.

Дәрілермен өзара әрекеттесуі

Басқа дәрілік заттармен тағайындағанда теріс әсерлері білінген жоқ.

Айрықша нұсқаулар

Нұсқаулықта ұсынылған сызбаны және препаратты қабылдау ұзақтығын сақтау қажет. Препараттың бір дозасын өткізіп алған жағдайда ол дозаны мүмкіндігінше ертерек қабылдап, препаратты қабылдау курсын бастаған сызба бойынша жалғастыру керек.

Жүктілік және лактация кезеңі

Жүктілік кезінде қабылдаудың қажетті клиникалық тәжірибесі жоқ болғандықтан, Арпефлюпрепаратын ана үшін болуы мүмкін пайдасы шарана үшін ықтимал қауіптен асатын жағдайлардан басқа жағдайларда қабылдау ұсынылмайды. Қажетті клиникалық тәжірибе жоқ болғандықтан, Арпефлю препаратын бала емізу кезінде қабылдау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Орталықтық нейротропты белсенділігі жоқ және мамандықтары әр түрлі, соның ішінде назар аудару мен қимыл-қозғалыс үйлесімін қажет ететін тұлғаларға (көлік жүргізушілері, операторлар және т.б.) қолданылады.

Артық дозалануы

Байқалмаған.

Шығарылу түрі мен қаптамасы

10 немесе 20 таблеткадан поливинилхлоридті үлбір мен алюминий фольгадан жасалған пішінді ұяшықты қаптамада.

10 таблеткасы бар бір, екі немесе үш пішінді ұяшықты қаптаманы мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салады.

50 мг дозадағы 20 таблеткасы бар бір пішінді ұяшықты қаптаманы мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салады.

Сақтау шарттары

25 ºС-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Лекфарм» ЖШБҚ,

Беларусь Республикасы, 223141, Логойск қ., Минская к-сі, 2а үй, 301 бөлме.

Тел./факс: (01774)-53801, e-mail: office@lekpharm.by

Тіркеу куәлігінің ұстаушысы

«Лекфарм» ЖШБҚ,

Беларусь Республикасы, 223141, Логойск қ., Минская к-сі, 2а үй, 301 бөлме.

Тел./факс: (01774)-53801, e-mail: office@lekpharm.by

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта)

«Лекфарм» ЖШБҚ Қазақстан Республикасындағы өкілдігі,

050000, Алматы қ., Бостандық ауданы, Әл-Фараби даңғылы 7,

"Нұрлы Тау" БО, 4а корпусы, 55 кеңсе,

тел. 8(727)-3110454, факс 8(727)-3110455,

электронды пошта: amangul-62@mail.ru

Дәріханалар

Қалалар