Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Доксициклин – ТК
Халықаралық патенттелмеген атауы
Доксициклин
Дәрілік түрі, дозасы
Капсулалар, 100 мг
Фармакотерапиялық тобы
Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Тетрациклиндер. Доксициклин.
АТХ коды J01AA02
Қодданылуы
Доксициклин грамоң және грамтеріс бактериялар мен кейбір басқа да микроорганизмдердің сезімтал штаммдары туындатқан әртүрлі инфекцияларды емдеу үшін қолданылады.
- тыныс алу жолдарының инфекциялары: пневмония және Streptococcus pneumoniae, Haemophilus influenzae, Klebsiella pneumoniae және басқа организмдердің сезімтал штаммдары туындатқан төменгі тыныс алу жолдарының басқа инфекциялары, микоплазмалық пневмония, созылмалы бронхит, синусит.
- Несеп-жыныс жүйесінің инфекциялары: Klebsiella species, Enterobacter species. Escherichia coli, Streptococcus faecalis түрлері және басқа микроорганизмдердің сезімтал штаммдары туындатқан инфекциялар;
- Жыныс жолымен берілетін инфекциялар: асқынбаған уретральді, эндоцервикальді немесе ректальді инфекцияларды қоса, Chlamydia trachomatis туындатқан инфекциялар, Ureaplasma urealyticum (Т-микоплазмалық) туындатқан гонококты емес уретрит, жұмсақ шанкр, шаптық гранулёма және венерологиялық лимфогранулема.
Доксициклин соз және мерезді емдеуде баламалы препарат болып табылады.
Доксициклин тетрациклиндік қатардағы антибиотиктерге жататындықтан, басқа тетрациклиндердің еміне жауап беретін келесі инфекцияларда тағайындауға болады, мысалы:
Көру ағзаларының инфекциялары:Гонококк, стафилококк және Haemophilusinfluenzae сезімтал штаммдары туындатқан инфекциялар.Трахома, алайда қоздырғыш элиминациясына үнемі қол жете бермейді, бұл туралы иммунофлуоресцентті зерттеу нәтижелері растайды. Конъюнктивит қосылыстармен, доксициклинді монотерапия түрінде немесе жергілікті дәрілермен біріктірілімде ішке қолдануға болады.
Риккетсиоздық инфекциялар: таулы қыраттың теңбіл қызбасы, бөртпелісүзек және сүзектің басқа түрлері, Ку-қызба, Ку-қызбатуындатқан эндокардит, және кене қызбасы.
Басқа инфекциялар: Пситтакоз, бруцеллез (стрептомицинмен біріктірілімде), холера, бубон обасы. Эпидемиялық қайтымды сүзек және қайтымды кене сүзегі, туляремия, сап, мелиоидоз, хлорохинге төзімді тропикалықсүзекжәнежедел ішек амебиазы (амебицидті дәрілерге қосымша).
Доксициклин лептоспирозды, газ гангренасын және сіреспені емдеуге арналған альтернативті препарат ретінде тағайындалады.
Профилактикалық дәрі ретінде доксициклин келесі жағдайларда қолданылады: кене шағудан болатын тропикалық бөртпе сүзек (цуцугамуши қызбасы), саяхатшылары диареясы (Escherichiacoliтуындатқан энтеротоксигендік инфекция), лептоспироз жәнебезгек. Антибиотиктерге төзімділік негізгі проблемалардың бірі болып табылатындықтанбезгек профилактикасын қолданыстағы ұсыныстарға сәйкес жүргізу керек.
Қолданудың басталуына дейін қажетті мәліметтер тізбесі
Қолдануға болмайтын жағдайлар
Қолдану кезіндегі қажетті сақтандыру шаралары
Дәрінің шайылуы және өңештің тітіркену немесе ойық жаралану қаупін төмендету үшін жеткілікті су мөлшерімен іше отырып, тұрған немесе отырған қалыпта қабылдау (дозадан кейін кемінде 30 минут тік тұрған күйде қалу) керек. Асқазан тітіркенуі білінсе, Доксициклин-ТК тамақпен немесе сүтпен қабылдау ұсынылады. Тамақ немесе сүт ішу Доксициклиннің сіңуіне қандай да бір елеулі әсерін көрсетпейді.
Ұсынылған дозадан асыру жағымсыз әсерлерінің даму қаупінің артуына әкелуі мүмкін.
Симптомдар жоғалып, қызба басылған соң тағы, кем дегенде, 24-48 сағат бойы емдеу жалғасуы тиіс.
Стрептококкты инфекцияны емдеу кезінде ревматизм қызбасы немесе гломерулонефрит сияқты асқынуларды болдырмау үшін препаратты қолдану ұзақтығы 10 күннен кем болмауы тиіс.
Басқа дәрілік препараттармен өзара әрекеттесуі
Доксициклиннің асқазан-ішек жолынан сіңуі құрамында алюминий, кальций, магний бар антацидтерді және құрамына осы катиондар кіретін басқа препараттарды; ішке қабылданатын мырыш препараттарын, темір тұздарын немесе висмут препараттарын бір мезгілде қолдану кезінде бұзылуы мүмкін. Доксициклинді аталған препараттармен қолданулар барынша ұзақ уақыт аралығымен бөлінуі тиіс.
Бактериостатикалық препараттар пенициллиннің бактерицидтік әсерін төмендетуі мүмкін, сондықтан доксициклин мен пенициллинді бір мезгілде қолданбау керек.
Доксициклин мен варфаринді бір мезгілде қолданғанда протромбин уақытының ұзаруы туралы хабарламалар бар. Тетрациклиндер қан плазмасында протромбин белсенділігін төмендетеді, сондықтан бір мезгілде қолданылатын антикоагулянттар дозаларын азайту қажет болуы мүмкін.
Доксициклиннің жартылай шығарылу кезеңі барбитураттарды, карбамазепин немесе фенитоинді бір мезгілде қолданғанда қысқаруы мүмкін, осыған орай, доксициклиннің тәуліктік дозасын арттыру мүмкіндігін қарау керек.
Алкоголь доксициклиннің жартылай шығарылу кезеңінің қысқаруына әкелуі мүмкін.
Тетрациклиндер мен пероральді қабылданатын контрацептивтерді бір мезгілде қолдану кезінде жоспардан тыс жүкті болып қалу және құйылған қан кету жағдайлары хабарланды.
Доксициклин қан плазмасында циклоспорин концентрациясын арттыруы мүмкін. Аталған препараттарды бір мезгілде қолданғанда тиісті мониторинг өткізу қажет.
Доксициклин метоксифлуранмен бір мезгілде қолданудың өліммен аяқталатын бүйрек жеткіліксіздігіне әкелетіні туралы хабарламалар бар.
Доксициклин сияқты, изотретиноин бассүйекішілік қысым көтерілуін (жалған ми туморын) туындату мүмкіндігі белгілі болғандықтан, изотретиноин мен басқа ретиноидтар және доксициклин бір мезгілде қолданылмау керек.
Зертханалық тестілер өткізу кезіндегі өзара әрекеттесулері. Доксициклинмен емдеу кезінде несептегі катехоламиндер деңгейін флуоресценттік әдіспен анықтағанда жалған оң нәтижелер туындауы мүмкін.
Арнайы сақтандырулар
Бауыр функциясының бұзылулары бар пациенттерде қолдану. Доксициклин бауыр жеткіліксіздігі бар пациенттерде немесе гепатоуыттылығы зор дәрілік заттар қабылдап жүрген тұлғаларда сақтықпен қолданылу керек.
Доксициклинді қоса, тетрациклиндерді пероральді немесе парентеральді қолданумен байланысты бауыр функциясының бұзылулары туралы сирек хабарламалар бар.
Бүйрек функциясының бұзылулары бар пациенттерде қолдану. Бүйрек функциясы қалыпты тұлғаларда доксициклиннің бүйрек арқылы шығарылуы 72 сағат ішінде қабылданған дозаның 40% шамасын құрайды. Бүйректің ауыр жеткіліксіздігі бар (креатинин клиренсі 10 мл/мин төмен) тұлғаларда бүйрек арқылы шығарылуы 72 сағат ішінде 1-5% едәуір азаюы мүмкін. Зерттеулерде бүйрек функциясы қалыпты және бұзылған тұлғаларда доксициклиннің қан плазмасынан жартылай шығарылу кезеңінің елеулі айырмашылығы анықталмады. Гемодиализ препараттың қан сарысуынан жартылай шығарылу кезеңіне әсер етпейді. Тетрациклиндердің анаболикаға қарсы әсері қандағы мочевина деңгейінің көбеюіне әкелуі мүмкін. Зерттеулерде доксициклин бүйрек функциясының бұзылулары бар пациенттерде қолданылғанда анаболикаға қарсы әсері көрініс бермеді.
Күрделі тері реакциялары. Доксициклин қабылдаған пациенттерде уытты эпидермалық некролиз, Стивенс-Джонсон синдромы, көп пішінді эритема, эксфолиативтік дерматит және эозинофилиямен әрі жүйелі көріністерімен бірге дәрілік бөртпе (DRESS-синдром) сияқты күрделі тері реакцияларының дамуы туралы хабарламалар бар. Күрделі тері реакциясы дамыған жағдайда доксициклинді тоқтату және тиісті ем тағайындау керек.
Фотосенсибилизация. Доксициклинді қоса, тетрациклиндер қабылдаған кейбір тұлғаларда күнге шалынған күйіктері айқын көрініс беретін фотосенсибилизация реакциялары болды. Доксициклинмен емделу кезінде пациенттер, фотоуытты реакциялардың туындау қаупіне орай, ашықаспан астында 4-5 күнге қыздырынудан немесе ультракүлгін сәулелерден сақтану керек. Тері эритемасы пайда болғанда доксициклинмен емдеу дереу тоқтатылуы тиіс.
Бактериялардың шектен тыс көбеюі. Антибиотиктер қолдану кейде сезімтал емес микроорганизмдердің, оның ішінде Candida тектес зеңдердің шектен тыс көбеюіне әкелуі мүмкін. Төзімді микроорганизмдер пайда болғанда антибиотикті тоқтату және тиісті ем тағайындау қажет.
Жалған жарғақшалы колит. Доксициклинді қоса, барлық дерлік бактерияға қарсы заттарды қолданғанда жалған жарғақшалы колиттің дамуы туралы хабарламалар келіп түсті. Асқыну ауырлығы жеңілден өмірге қауіп төндіретінге дейін ауытқыды. Доксициклинмен емді тоқтатуға қатысты шешім қабылдау, ал қажет болса тиісті ем (спецификалық антибиотиктер және химиотерапиялық дәрілер қабылдау) жүргізу керек.
Бактерияға қарсы препараттармен емдеу жуан ішектің қалыпты флорасын өзгертеді, бұл Clostridium difficile қоса, сезімтал емес микроорганизмдердің шамадан тыс өсіміне әкеледі. Барлық дерлік бактерияға қарсы препараттарды қолданғанда Clostridium difficile туындатқан диарея жағдайлары тіркелген. Бактерияға қарсы препараттармен емделіп жүрген пациенттер емдеу курсы аяқталғаннан кейін екі ай бойы Clostridium difficile туындатқан диареяның даму қаупімен байланысты мұқият қадағалануы тиіс.
Эзофагит. Доксициклинді қоса, тетрациклиндерді капсула және таблетка түрлерінде қабылдаған пациенттерде эзофагит және өңештің ойық жараларының жағдайлары сипатталды. Осы пациенттердің көпшілігі препаратты тура ұйықтар алдында немесе сұйықтықтың жеткіліксіз мөлшерімен қабылдаған.
Қатерсіз бассүйекішілік гипертензия. Тетрациклиндерді қолданғанда сәбилердің еңбегі дүмпиіп кеткен жағдайлар болды. Қатерсіз бассүйекішілік гипертензия (pseudotumor cerebri), доксициклинді қоса, тетрациклиндер қолданумен астасады. Қатерсіз бассүйекішілік гипертензия, әдетте, өтпелі сипатта болады, алайда, доксициклинді қоса, тетрациклиндер қолдану кезінде қатерсіз бассүйекішілік гипертензия (pseudotumor cerebri) салдарынан болатын тұрақты көрмей қалу жағдайлары хабарланды. Препаратты қабылдау аясында көру бұзылулары пайда болғанда шұғыл офтальмологиялық тексеру өткізу қажет. Бассүйекішілік қысым препаратты тоқтатудан кейін бірнеше апта бойы жоғары күйде қалуы мүмкін екендіктен, пациентті осы жағдайы толық қалыпқа түскенше мұқият қадағалау керек.Изотретиноиннің де бассүйекішілік қысымның көтерілуін (pseudotumor cerebri) туындатуы мүмкін екендіктен, изотретиноин мен басқа ретиноидтарды және доксициклинді бір мезгілде қолданбау керек.
Порфирия. Тетрациклиндер қабылдаған пациенттерде порфирия жағдайлары жөнінде сирек хабарламалар бар.
Венериялық аурулар. Қатарлас мерез күмән тудыратын венерологиялық ауруларды емдеу кезінде, қараңғы өрістегі микроскопияны қоса, тиісті диагностикалық шаралар және басқа талдаулар пайдаланылуы тиіс. Осындай жағдайларда кемінде төрт ай бойы ай сайын серологиялық тестілер өткізілуі тиіс.
Бета-гемолиздік стрептококк туғызған инфекциялар. А тобына жататын β-гемолиздік стрептококк туғызған инфекцияларды емдеу кемінде 10 күн жалғасуы тиіс.
Гравис миастениясы. Тетрациклиндер әлсіз нейробұлшықет блокадасын туындатуы мүмкін, сондықтан гравис миастениясы бар пациенттерде доксициклинді сақтықпен қолдану қажет.
Жүйелі қызыл жегі. Тетрациклиндер жүйелі қызыл жегінің өршуін туғызуы мүмкін.
Метоксифлуран. Доксициклинді метоксифлуранмен бір мезгілде қолдану өліммен аяқталатын бүйрек жеткіліксіздігіне әкелетіні туралы хабарламалар бар болғандықтан, тетрациклиндер мен метоксифлуранды абайлап қолдану керек.
Яриш-Герксгеймер реакциясы. Патогенді спирохеттерден туындаған инфекциялық аурулары бар кейбір пациенттерде доксициклинді қолданудан кейін тез арада Яриш-Герксгеймер реакциясы дамуы мүмкін. Осы реакцияның туындауы атап көрсетілген инфекциялық ауруларды антибиотикпен емдеу салдарынан болады, әрі бұл реакция көріністері, әдетте, өздігінен жоғалады.
Педиатрияда қолдану
12 жасқа дейінгі балаларға қарсы көрсетілімді (тіс жарып шығу фазасының аяқталуына дейін, кальций ортофосфат кешендерінің түзілуі салдарынан, тістер түсінің қайтымсыз өзгеруі және тіс эмалі ақауларының білінуі, сондай-ақ сүйектер өсуінің баяулауы болуы мүмкін).
Жүктілік немесе лактация кезеңі
Жарияланған деректерге қарағанда, доксициклин емшек сүтіне бөлінеді. Емшек сүтіндегі доксициклин деңгейлері, емшек сүтімен емізілетін нәрестеге әсері немесе сүт өндірісіне әсері туралы мәліметтер жоқ. Жағымсыз реакциялардың ықтималдығы бар болғандықтан, мысалы тістің түсінің өзгеруіне және сүйектің өсуіне әсерлері, емделушілерге емшек емізуі препаратымен емдеу кезінде және соңғы дозадан кейін 5 күн ішінде қарсы көрсетілімді.
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Пациенттің препаратқа жеке реакциясы анықталғанша доксициклинмен емдеу кезіндегі көрмей қалуды, анық көрмеуді, бас айналуын ескере отырып, автокөлікті немесе басқа механизмдерді басқарудан бас тарту керек.
Қолдану жөніндегі нұсқаулар
Дозалау режимі
Ересектер
Ересектердегі жедел инфекцияларды емдеу кезінде әдеттегі Доксициклин дозасы 1-ші күні 200 мг (тәулігіне бір рет немесе екі қабылдауға), келесікүндері тәулігіне 100 мг құрайды.
Ауырлау инфекцияларда бүкіл емдеу курсы бойына күнделікті 200 мгтағайындалады.
12 жастан асқан балалар
Дене салмағы 45 кг төмен, ауыр немесе өміріне қауіп төндіретін инфекциялары бар (мысалы, таулы қыраттың теңбіл қызбасы) балаларға доксициклин 12 сағат сайын 2.2 мг/кг дозада тағайындалады. Дене салмағы 45 кг артық балаларда доксициклин ересектер үшін әдеттегі дозада қолданылады. Ауырлығы төмен инфекцияларда (дене салмағы 45 кг төмен) ұсынылған доза алғашқы тәуліктер ішінде 4.4 мг/кг құрайды (екі қабылдаумен), сосын демеуші доза 2.2 мг/кг (бір рет немесе екі қабылдаумен). Дене салмағы 45 кг артық балаларда доксициклин ересектер үшін әдеттегі дозада қолданылады.
Кейбір инфекцияларда арнайы дозалау жөніндегі нұсқаулар
Жыныстық жолмен берілетін аурулар: келесі инфекцияларды емдеуде 7 күн бойы күніне екі рет 100 мг: асқынбаған гонококктық инфекциялар (ерлердегі аноректальді инфекцияларды қоспағанда); Chlamydia trachomatis туғызған асқынбаған уретралық, эндоцервикальді немесе ректальді инфекция; Ureaplasma urealyticum туғызған гонококктық емес уретрит.
Chlamydia trachomatis немесе Neisseria gonorrhea туғызған жедел орхоэпидидимит – 10 күн бойы тәулігіне екі рет 100 мг.
Алғашқы және салдарлы мерез: пенициллинге аллергиядан зардап шегіп жүрген пациенттерде (жүкті әйелдерді қоспағанда) екі апта бойы тәулігіне екі рет ішу арқылы 200 мг доксициклинмен емдеу пенициллинмен емнің баламасы бола алады.
Эпидемиялық қайтымды сүзекте және қайтымды кене сүзегінде:аурудың ауырлық дәрежесіне қарай бір рет 100 мг немесе 200 мг.
Хлорохинге төзімді P. falciparum штаммдары туғызған безгек: кем дегенде 7 күн бойы тәулігіне 200 мг. Инфекцияның ауыр болу ықтималдығын ескеріп, ұсынылатын дозалары түрлі аймақтарда ерекшеленетін жылдам әсер ететін шизонтоцидтік дәрілік зат, мысалы, хинин тағайындалу керек.
Безгек профилактикасы: ересектер мен 18 жастан асқан балалар үшін тәулігіне 100 мг. Профилактиканы безгек жайлаған аудандарға жол жүрерден 1-2 күн бұрын бастауға болады. Препаратты безгек жайлаған аудандарда болған бүкіл уақыт бойына және аталған аймақтарға барып келген соң 4 апта бойы күнделікті қабылдау керек. Аймаққа байланысты төзімділігі және қажетті химиялық профилактика туралы ақпарат қолданыстағы нұсқауларда немесе Безгекті зерттеу жөніндегі анықтамалық зертхана мәліметтерінде мазмұндалады, олар туралы деректерді Британ ұлттық формулярынан (БҰФ) табуға болады.
Кене шағудан болатын тропикалық бөртпе сүзек (цуцугамуши қызбасы) профилактикасы: бір рет 200 мг ішке қабылдау.
Ересектердегі саяхатшылар диареясының алдын алу: сапардың бірінші күні 200 мг (бір рет немесе әр 12 сағат сайын 100 мг), одан кейін осы ауданда болған бүкіл уақыт бойы күнделікті тәулігіне 100 мг. Дәрілік затты 21 күннен артық профилактикалық қолдану деректері жоқ.
Лептоспироз профилактикасы: тиісті ауданда болған бүкіл уақыт бойы аптасына бір рет 200 мг және сапар аяқталған соң 200 мг. Дәрілік затты 21 күннен артық профилактикалық қолдану деректері жоқ.
Балаларда қолдану
Доксициклин 12 жасқа дейінгі балаларда қолдануға қарсы көрсетілімді. Басқа тетрациклиндермен болған жағдайдағы сияқты, доксициклин кез келген сүйік тінінде тұрақты кальций кешендерін түзеді. Тетрациклиндерді әр 6 сағат сайын 25 мг/кг дозада пероральді алған шала туған нәрестелерде кіші жіліншік сүйегінің баяу өсуі байқалды. Осы реакция препаратты тоқтатудан кейін қайтымды болды.
Бауыр функциясының бұзылулары бар пациенттерде қолдану
Бауыр функциясының бұзылулары бар пациенттерде абайлап қолдану керек.
Бүйрек жеткіліксіздігі бар пациенттерде қолдану
Доксициклинді әдетте ұсынылған дозаларда қолданудың бүйрек жеткіліксіздігі бар пациенттер организмінде антибиотиктің жинақталуына әкелмейтінін айғақтайтын деректер бар.
Енгізу әдісі және жолы
Пероральді, ішке қабылдау
Артық дозалану жағдайында қабылдау қажет болатын шаралар
Доксициклин хиклатымен артық дозалануға қатысты клиникалық симптомдар жүрек айну, анорексия және диарея болып табылады.
Асқазан-ішек жолының деконтаминациясынан кейін мониторинг өткізу қажет, ал гипотензия жағдайында су теңгерімін сақтау қажет болуы мүмкін. Артық дозалану жағдайында диализ ұсынылмайды, себебі ол сарысулық жартылай шығарылу кезеңін өзгертпейді.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Қажет болған жағдайда медициналық қызметкерге кеңес алуға болады.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жағымсыз реакциялар жиілігін белгілеу пациенттерде келесі критерийлерге сәйкес жүргізіледі: өте жиі (≥1/10); жиі (≥1/100 - <1/10); жиі емес (≥1/1000 - <1/100); сирек (≥1/10000 - <1/1000); өте сирек (<1/10000), белгісіз (қолда бар деректер бойынша анықтау мүмкін болмайды).
Жиі
Жиі емес
Сирек
Белгісіз
тетрациклиндер, әдетте, ұзақ уақыт қолданудан кейін тістердің түс өзгерісін және эмаль гипоплазиясын туғызуы мүмкін
Жағымсыз дәрілік реакциялар туындағанда медициналық қызметкерге,фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалықбақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препарат құрамы
Бір капсуланың құрамында
белсенді зат - доксициклин, (доксициклин хиклаты түрінде)- 100 мг
қосымша заттар: лактоза моногидраты, магний стеараты
Капсуланың құрамы: қақпағы – қан қызыл (Е 124), титанның қостотығы (Е 171), желатин; корпусы - қан қызыл (Е 124), титанның қостотығы(Е 171), желатин.
Сыртқы түрінің, иісінің, дәмінің сипаттамасы
Цилиндр пішінді, №3 өлшемді, корпусы және қақпағы қызғылт түсті қатты желатинді капсулалар. Капсуланың ішіндегісі – сары түсті ұнтақ.
Шығарылу түрі және қаптамасы
10 капсуладан поливинилхлоридті үлбірінен және баспалы лакталған алюминий фольгадан жасалған пішінді ұяшықты қаптамада.
1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге тұтынушылар ыдысына арналған картон қорапшаға салынған.
Тұтынушының келісімімен пішінді ұяшықты қаптамаларды медициналық қолдану жөніндегі мемлекеттік және орыс тіліндегі нұсқаулықтардың тиісті санымен қорапшаға салмай топтық ыдысқа қаптауға жол беріледі.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«ТК Фарм Ақтөбе» ЖШС
ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467.
тел.: 8 (7132) 21-72-15
Тіркеу куәлігінің ұстаушысы
«ТК Фарм Ақтөбе» ЖШС
ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467.
тел.: 8 (7132) 21-72-15
Электронды поштасы:dir-tkpharm@mail.ru
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ТК Фарм Ақтөбе» ЖШС
ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467,
тел.: 8 (7132) 21 72 15
Электронды поштасы: dir-tkpharm@mail.ru
