Кызыл май с облепихой № 10 суппозитории

Сипаттама

Дәрілік затты медициналық қолдану

жөніндегі нұсқаулық

Қызыл май шырғанақ майы қосылған

Саудалық атауы

Қызыл май шырғанақ майы қосылған

Халықаралық патенттелмеген атауы

Жоқ

Дәрілік түрі

Суппозиторийлер

Құрамы

1 суппозиторийдің құрамында

белсенді заттар:шырғанақ майы 0,05 г

Қызыл май полифитті майы 0,2 г

қосымша заттар: какао майы, сары балауыз

Сипаттамасы

Қызғылт сарыдан қоңырлау-қызғылт сары түске дейінгі суппозиторийлер. Тоңазытқышта сақтау кезінде, бөлме температурасында жоқ болып кететін балауыздың кристалдары пайда болуы мүмкін.

Фармакотерапиялық тобы

Басқа препараттар. Басқа емдік препараттар, барлығы. Басқа дәрілік препараттар.

V03AX

Фармакологиялық қасиеттері

Фармакокинетикасы

Фармакокинетикасы зерттелмеген.

Фармакодинамикасы

Препараттың құрамына құрамында бета-каротин, Е дәрумені, К тобы дәрумендері, С дәрумені, В_1, В_2,В _3, дәрумендері_, алма,шарап қышқылы, қант, иіткіш заттар, флавоноид кверцетин бар шырғанақ майы кіреді. Шырғанақ майы қабынуға қарсы, ауыруды басатын, жараны жазатын, микробтарға қарсы қасиетке ие,зақымданған тіндердің қалпына келу процестерін көтермелейді, май алмасуын реттейді. Суппозиторий құрамына кіретін Қызыл май полифитті майы мен шырғанақ майы кешені қабынуға қарсы, репаративті, ауыруды басатын, жараны жазатын әсерге ие.

Қолданылуы

Кешенді ем кезінде:

- кольпитте, цервицитте, жатыр мойнының эрозиясында

- циститте, простатитте

- проктитте, колитте, геморройда, сәулелік зақымдануда, тік ішек сызатында, ойық жараларында.

Қолдану тәсілі және дозалары

1 суппозиторийден күніне 1-2 рет ректальді (немесе қынапішіне). Емдеу курсы 10-15 күн.

Жағымсыз әсері

- қышыну, бөртпе

Қолдануға болмайтын жағдайлар

- препарат компоненттеріне жекелей жоғарғы сезімталдық

Дәрілермен өзара әрекеттесуі

Анықталмаған

Айрықша нұсқаулар

Педиатрияда қолдануы

Препаратты балалар практикасында қолдану тәжірбиесі жоқ.

Жүктілік және лактация кезеңі

Препаратты жүктілік және лактация кезеңінде қолданады.

Дәрілік препараттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Препаратты қолдану көлік құралдарын немесе қауіптілігі зор механизмдерді басқару қабілетіне ықпал етпейді.

Артық дозалануы

Анықталмаған

Шығарылу түрі мен қаптамасы

5 суппозиторийден поливинилхлоридті үлбірден жасалған пішінді ұяшықты қаптамада.

Екі пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге қораптық картоннан жасалған қорапшаға салынады. Медициналық қолдану жөніндегі нұсқаулық мәтінін тікелей қорапшаға жазуға жол беріледі.

Сақтау шарттары

10°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

«Фирма «ҚЫЗЫЛМАЙ» ӨК, Қазақстан

Алматы қ., Ипподромная к-сі, 6

Тіркеу куәлігінің ұстаушысы

«Фирма «ҚЫЗЫЛМАЙ» ӨК, Қазақстан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фирма «ҚЫЗЫЛМАЙ» ӨК, Қазақстан

Алматы қ., Ипподромная к-сі, 6

тел. 382-20-27, факс382-19-20

Е – mail: reception@kyzylmay.com

Дәріханалар

Қалалар