Тауарлардың көрінісі фотосуретте көрсетілгеннен өзгеше болуы мүмкін

Полиоксидоний 12 мг № 10 табл

6495
Қолжетімділігі
Сатылымда бар
Үлгі
4607035392566
Елі
Россия
Өндіруші
Петровакс Фарм НПО ООО
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Полиоксидоний®

Халықаралық патенттелмеген атауы

Азоксимер бромиді

Дәрілік түрі, дозалануы

Таблеткалар, 12 мг

Фармакотерапиялық тобы

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.

АТХ коды L03АХ

Қолданылуы

Жедел және созылмалы респираторлық ауруларды емдеу және олардың профилактикасы үшін ересектер мен 3 айдан бастап балаларға асқыну және ремиссия сатысында қолданылады.

Емдеу үшін (кешенді емде):

- ауыз жұтқыншақ, мұрын маңы қойнаулары, жоғарғы және төменгі тыныс алу жолдары, ішкі және ортаңғы құлақтың жедел және созылмалы қайталанатын инфекциялық-қабыну ауруларын асқынуы

- қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі).

Профилактика үшін (монотерапия):

- назальді және лабиальді аумақтағы қайталанатын герпестік инфекциялар

- ауыз жұтқыншақ, мұрын маңы қойнаулары, жоғарғы және төменгі тыныс алу жолдары, ішкі және ортаңғы құлақ инфекцияларының созылмалы ошақтарының асқынуы

- қартаю немесе жағымсыз факторлардың ықпалы салдарынан туындайтын салдарлы иммунитет тапшылығы жағдайлары.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне жеке жоғары сезімталдық

- жүктілік, емшек емізу кезеңі

- 3 жасқа дейінгі балалар

- жедел бүйрек жеткіліксіздігі

- сирек тұқым қуалайтын лактоза жақпаушылығы, лактаза тапшылығы, глюкоза-галактоза мальабсорбциясы синдромы.

Сақтықпен

Егер Сізде осы бөлімде көрсетілген аурулар болса дәрілік препаратты қабылдауды бастар алдында дәрігерге қаралыңыз:

- созылмалы бүйрек жеткіліксіздігі (аптасына 2 реттен артық қолданбайды).

Қолдану кезінде қажетті сақтық шаралары

Егер сізде белгілер болса немесе бүйрек ауруы диагностикаланған болса, емдеуді бастамас бұрын дәрігермен кеңесіңіз. Егер сіз басқа дәрілік препараттарды қабылдасаңыз, емдеуді бастар алдында дәрігермен кеңесіп, дәрігерге сіз қабылдап жүрген барлық дәрілік препараттар туралы хабарлау ұсынылады.

Басқа дәрілікпрепараттармен өзара әрекеттесуі

Азоксимер бромиді CYP1A2, CYP2С9, CYP2С19, CYP2D6 изоферменттерін, Р-450 цитохромын тежемейді, сондықтан препарат антибиотиктермен, вирусқа қарсы, зеңге қарсы және антигистаминдік препараттермен, глюкокортикостероидтармен және цитостатиктермен үйлесімді.

Арнайы ескертулер

Бұл препаратты қолдануды бастар алдында осы нұсқаулықты мұқият оқып шығыңыз, өйткені мұнда Сіз үшін маңызды ақпарат бар.

Нұсқаулықты сақтап қойыңыз, ол тағы да керек болуы мүмкін.

Егер сізде сұрақтар туындаса дәрігерге жүгініңіз.

Бұл дәрі рецептісіз босатылады. Тиімді нәтижелерге қол жеткізу үшін нұсқаулықта баяндалған барлық ұсыныстарды қатаң түрде орындай отырып, пайдалану керек.

Сіз емделіп отырған дәрілік зат жеке Өзіңізге арналған және оны басқа адамдарға беруге болмайды, өйткені онда, тіпті Сіздегідей симптомдар болғанда да оларға зиян келтіруі мүмкін.

Аллергиялық реакция дамығанда Полиоксидоний® препаратын қолдануды тоқтату және дәрігерге қаралу керек.

Полиоксидоний® препаратын қолдануды тоқтату қажеттілігінде бірден, дозаны біртіндеп азайтпастан тоқтатуға болады.

Препараттың кезекті дозасын енгізуді жіберіп алғанда оның келесі қолданылуын осы нұсқаулықта көрсетілгендей немесе дәрігер ұсынғандай әдеттегі режимде жүргізу керек. Пациент жіберіп алған дозалардың орнын толтыру мақсатында екі еселенген дозаны енгізбеуі тиіс.

Оның сыртқы белгілерінде жарамсыздық (қаптама ақауы, таблетка түсінің өзгеруі) табылса препаратты пайдаланбаңыз.

Полиоксидоний® таблеткаларының құрамында қосымша зат ретінде лактозаға моногидраты бар, сондықтан оларды қабылдау сирек тұқым қуалайтын лактоза жақпаушылығы, лактаза тапшылығы, глюкоза-галактоза мальабсорбция синдромы бар адамдарға қарсы көрсетілген.

Педиатрияда қолданылуы

Полиоксидоний® 3 жастан асқан балаларда пайдалануға болады. Полиоксидоний®, 12 мг таблеткасы 3 жасқа дейінгі балаларда пайдаланылмауы тиіс.

Жүктілік немесе лактация кезінде

Полиоксидоний® препаратын жүкті және емшек емізіп жүрген әйелдерге қолдануға болмайды (қолданудың клиникалық тәжірибесі жоқ).

Полиоксидоний® препаратын қолданар алдында егер Сіз жүкті болсаңыз немесе Сіз жүкті болуыңыз мүмкін деп болжамдасаңыз немесе жүктілікті жоспарлап жүрсеңіз дәрігермен кеңесу қажет.

Емшек емізу кезеңінде Полиоксидоний® препаратын қолданар алдында дәрігермен кеңесу қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Полиоксидоний® препаратын қолдану аса зейін қоюды және психомоторлық реакциялардың жылдамдығын талап ететін қызметтің аса қауіпті түрлерін (оның ішінде көлік құралдарын басқару, қозғалмалы механизмдермен жұмыс істеу) орындау қабілетіне ықпал етпейді.

Қолдану жөніндегі нұсқаулар

Дозалану режимі

Препаратты нұсқаулықта көрсетілген көрсетілімдерге, қолдану тәсіліне және дозаларға сәйкес қолданыңыз. Қажет болса 3-4 айдан кейін қайталама емдеу курстарын өткізуге болады. Препаратты қайта тағайындағанда оның тиімділігі төмендемейді

Ұсынылған емдеу сызбасы:

Сублингвальді

Ересектерді емдеу үшін:

- тұмау және жедел респираторлық инфекцияларды – 7 күн күніне 2 рет 1 таблеткадан;

- ауыз жұтқыншақтың қабыну үдерістерін – 10 күн бойы күніне 2 рет 1 таблеткадан;

- жоғарғы тыныс алу жолдары, мұрын маңы қойнауларының созылмалы ауруларының асқынуы, созылмалы отиттер – 10 күн бойы күніне 2 рет 1 таблеткадан;

- қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі) –10 күн бойы күніне 2 рет 1 таблеткадан.

3 жастан 10 жасқа дейінгі балаларды емдеу үшін:

- тұмау және жедел респираторлық инфекцияларды – 7 күн күніне 2 рет ½ таблеткадан;

- ауыз жұтқыншақтың қабыну үдерістерін – 7 күн бойы күніне 2 рет ½ таблеткадан;

- қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі) –7 күн бойы күніне 2 рет ½ таблеткадан.

10 жастан асқан балаларды емдеу үшін:

- тұмау және жедел респираторлық инфекцияларды – 7 күн күніне 2 рет 1 таблеткадан;

- ауыз жұтқыншақтың қабыну үдерістерін – 7 күн бойы күніне 2 рет 1 таблеткадан;

- жоғарғы тыныс алу жолдары, мұрын маңы қойнауларының созылмалы ауруларының асқынуы, созылмалы отиттер – 7 күн бойы күніне 2 рет 1 таблеткадан;

- қайталанатын бактериялық, зеңдік және вирустық инфекциядан асқынған аллергиялық аурулар (оның ішінде поллиноз, бронх демікпесі) – 7 күн күніне 2 рет 1 таблеткадан.

Ересектерге профилактика үшін:

- тұмау және жедел респираторлық инфекциялардың эпидемия алдындағы кезеңінде – 10 күн бойы күніне 1 таблеткадан;

- назальді және лабиальді аумақтағы қайталанатын герпестік инфекцияда– 10 күн бойы күніне 2 рет 1 таблеткадан;

- ауыз жұтқыншақ, мұрын маңы қойнаулары, жоғарғы тыныс алу жолдары, ішкі және ортаңғы құлақ инфекцияларының созылмалы ошақтарының асқынуында – 10 күн бойы күніне 1 таблеткадан;

- қартаю немесе жағымсыз факторлардың ықпалы салдарынан туындайтын салдарлы иммунитет тапшылығы жағдайларында – 10 күн бойы күніне 1 рет 1 таблеткадан.

3 жастан 10 жасқа дейінгі балаларға профилактика үшін:

- тұмау және жедел респираторлық инфекциялардың эпидемия алдындағы кезеңінде – 7 күн бойы күніне ½ таблеткадан;

- назальді және лабиальді аумақтағы қайталанатын герпестік инфекцияда– 7 күн бойы күніне 2 рет ½ таблеткадан;

- ауыз жұтқыншақ, мұрын маңы қойнаулары, жоғарғы тыныс алу жолдары, ішкі және ортаңғы құлақ инфекцияларының созылмалы ошақтарының асқынуында – 10 күн бойы күніне ½ таблеткадан.

10 жастан асқан балаларға профилактика үшін:

- тұмау және жедел респираторлық инфекциялардың эпидемия алдындағы кезеңінде – 7 күн бойы күніне 1 таблеткадан;

- назальді және лабиальді аумақтағы қайталанатын герпестік инфекцияда– 7 күн бойы күніне 2 рет 1 таблеткадан;

- ауыз жұтқыншақ, мұрын маңы қойнаулары, жоғарғы тыныс алу жолдары, ішкі және ортаңғы құлақ инфекцияларының созылмалы ошақтарының асқынуында – 10 күн бойы күніне 1 таблеткадан.

Пероральді

Ересектерді емдеу үшін:

- жоғарғы және төменгі тыныс алу жолдары аурулары – 2 рет 1 таблеткадан, 10 күн.

10 жастан асқан балаларды емдеу үшін:

- жоғарғы және төменгі тыныс алу жолдары аурулары – 2 рет 1 таблеткадан, 10 күн.

Артық дозалану жағдайында қабылдау қажет болатын шаралар

Артық дозалану жағдайлары тіркелмеген. Ұсынылғаннан асатын дозаны абайсызда қабылдаған жағдайда дәрігерге қаралу керек.

Дәрілік препараттың бір немесе бірнеше дозасын жіберіп алғанда қажетті шаралар

Препараттың кезекті дозасын енгізуді жіберіп алған жағдайда оны кейіннен қолдануды осы нұсқаулықта көрсетілгендей немесе дәрігер ұсынған әдеттегі режимде жүргізу керек. Жіберіп алған дозалардың орнын толтыру мақсатында пациент қосарлы дозаны енгізбеуі тиіс.

Егер сізде дәрілік препаратты қолдану тәсілі бойынша сұрақтар туындаса, дәрігерге жүгініңіз.

Тоқтату симптомдарының болу қаупіне нұсқау

Препаратпен емді тоқтату қажет болса, тоқтатуды бірден жүргізуге болады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Емдеуді бастамас бұрын дәрігермен кеңесіп, дәрігерге сіз қабылдап жүрген барлық дәрілік препараттар туралы хабарлау ұсынылады.

Оңтайлы нәтижеге қол жеткізу үшін нұсқаулықта көрсетілген және дәрігер берген барлық ұсыныстарды қатаң сақтау керек.

Көрсетілген дозалар мен емдеу курсының ұзақтығын емдеуші дәрігермен кеңесусіз арттырмау керек. Егер емнен кейін жақсару басталмаса немесе симптомдар шиеленісіп кетсе немесе жаңа симптомдар пайда болса дәрігермен кеңесу қажет.

Аллергиялық реакция дамыған кезде Полиоксидоний® препаратын қолдануды тоқтатып, дәрігерге қаралу керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз әсерлер тіркелмеген.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және

фармацевтикалықбақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – азоксимер бромиді 12 мг,

қосымша заттар: маннитол, повидон, лактоза моногидраты, картоп крахмалы, стеарин қышқылы.

Сыртқы түрінің, иісінің, дәмінің сипаттамасы

Ақ немесе сарғыштау реңкті ақ түсті, бір жағында, сызығы, ойығы және екінші жағында «ПО» бедері бар жайпақ цилиндр тәрізді дөңгелек таблеткалар.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынады.

Пішінді ұяшықты бір немесе екі қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл.

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«НПО Петровакс Фарм» ЖШҚ, Ресей Федерациясы.

Заңды мекенжайы: Ресей Федерациясы, 142143, Мәскеу облысы, Подольск қаласы, Покров ауылы, Сосновая к-сі, 1 үй.

Тел./факс: +7 (495) 926-21-07

www. petrovax.ru

Тіркеу куәлігінің ұстаушысы

«НПО Петровакс Фарм» ЖШҚ, Ресей Федерациясы.

Заңды мекенжайы: Ресей Федерациясы, 142143, Мәскеу облысы, Подольск қаласы, Покров ауылы, Сосновая к-сі, 1 үй.

Телефон: +7 (495) 926-21-07; +7 (495) 730-75-45

Факс: +7 (495) 926-21-07

Электронды пошта: info@petrovax.ru

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КФК Медсервис Плюс» ЖШС, Қазақстан Республикасы

Алматы қ-сы, Мәметова к-сі, 54

Телефон:+7 (727) 279-86-02

Факс: +7 (727) 279-98-21

Дәріханалар

Тауар артығымен бар
Тауар аз қалды
Аптека №76 Семей
г.Семей, ул.Иртышская д 11, нп 4
08:00-20:00