Сипаттама
Дәрілік затты медициналық қолдану жөніндегі нұсқаулық
Ренни® апельсин дәмімен
Саудалық атауы
Ренни® апельсин дәмімен
Халықаралық патенттелмеген атауы
Жоқ
Дәрілік түрі
Шайнайтын таблеткалар
Құрамы
Бір таблетканың құрамында
белсенді заттар: 680 мг кальций карбонаты, 80 мг негізгі магний карбонаты;
қосымша заттар: сахароза, желатинделген жүгері крахмалы, картоп крахмалы, тальк, магний стеараты, жеңіл сұйық парафин, апельсинді қоспа, натрий сахарині.
Сипаттамасы
Апельсин иісі, екі жағында «RENNIE» таңбаласы бар, беткейлері ойық крем реңдес квадрат пішінді ақ таблеткалар.
Фармакотерапиялық тобы
Қышқылдығы бұзылуымен байланысты ауруларды емдеуге арналған препараттар. Антацидтер. Басқа препараттармен біріктірілген антацидтер.
АТХ коды А02AX
Фармакологиялық қасиеттері
Фармакокинетикасы
Ренни препаратының асқазан сөлімен өзара әрекеттесуі нәтижесінде асқазанда кальций мен магнийдің еритін тұздары түзіледі. Кальций және магний осы еритін тұздардан сіңуі мүмкін. Дегенмен, кальций мен магнийдің сіңірілу деңгейі препараттың дозасына байланысты. Кальцийдің ең жоғары сіңірілу деңгейі шамамен10 % және магнийдікі 15 - 20% жуық. Дені сау адамдарда кальций мен магнийдің аз мөлшері, әдеттегідей, сіңіріледі және организмнен бүйрек арқылы жылдам шығарылады. Бүйрек функциясы бұзылуы кезінде плазмадағы кальций мен магний концентрациясының деңгейі өсуі мүмкін. Ішекте еритін тұздардан нәжіспеншығарылатын ерімейтін қосылыстар түзіледі.
Фармакодинамикасы
Антацидтік заттар – кальций карбонаты және магний карбонатыасқазан сөлінің артық тұз қышқылын жылдам бейтараптандырады. Жергілікті әсер ету қағидасы бойынша, әсер етуші заттардың қан ағымына түсуіне байланысты емес. Кальций карбонатының бейтараптандырушы әсерімагний карбонаты қосылуымен күшейеді.
Қолданылуы
Қыжылда және асқазан сөлінің жоғары қышқылдығында
Қолдану тәсілі және дозалары
Ересектер мен 15 жастан үлкен балаларға
24 сағат ішіндегі әдеттегі дозасы:1-2 таблеткадан шайнау керек (немесе толық ерігенге дейін ауызда ұстау керек).
- Қатты ауырғанда дозаны қысқа мерзімге күніне 11 таблеткаға дейін арттыруға болады. Ең жоғары тәуліктікдоза - 11 таблетка.
Дәрілік затты қабылдау ұзақтығы 10 күннен аспауы тиіс.
Жағымсыз әсерлері
Иммун жүйесі тарапынан: өте сирек аллергиялық реакциялар – бөртпе, есекжем, Квинке ісінуі және анафилаксиялық шок.
АІЖ тарапынан: жүрек айнуы, құсу, асқазан бұзылысы және іштің өтуі.
Бүйрек және несеп шығару жолдары тарапынан: бүйрек функциясының бұзылуы бар пациенттерде препаратты қолдану гипермагниемия, гиперкальциемия, нефролитиаздың даму қаупі, бүйрек жеткіліксіздігі және алкалозға әкелуі мүмкін, бұл АІЖ тарапынан симптомдардың (жүрек айнуы, құсу, іштің қатуы немесе іш өту) және бұлшықеттің әлсізденуі туындауына түрткі болуы ықтимал.
Сүйек-бұлшықет жүйесі тарапынан: бұлшықет әлсіздігі.
Жүйке жүйесі тарапынан: дәм сезбеу, бас ауыруы.
Сүтті-сілтілік синдроммен байланысты жағымсыз реакциялар: астения және кальциноз.
Қолдануға болмайтын жағдайлар
– препарат компоненттеріне жеке жоғары сезімталдық
– бүйрек функциясының айқын бұзылулары
– гиперкальциемия
– гиперкальциурия
– 15 жасқа дейінгі балаларға
- тұқым қуалайтын фруктоза жақпаушылығы, Lapp – лактаза ферменті тапшылығы, глюкоза - галактоза мальабсорциясы бар адамдар.
Дәрілермен өзара әрекеттесуі
Бір мезгілде қабылдағанда ішке қабылданатын басқа дәрілік заттардың асқазан-ішек жолында сіңуі төмендейді. Сақтану шарасы ретінде антацидтерді басқа дәрілік заттардан бөлек қабылдаған дұрыс. Ренни дәрілік затын мына дәрілік заттарды қабылдауға дейін 2 сағат бұрын немесе одан кейін қабылдау ұсынылады: гистаминге қарсы препараттар, атенолол, метопролол, пропранолол, бисфосфонаттар, хлорохин, циклиндер, дифлунизал, жүрек гликозидтері, этамбутол, темір (тұздар), фексофенадин, фтор, фторхинолондар, глюкокортикоидтар, индометацин, изониазид, кетоконазол, лансопрозол, линкозамидтер, левотироксин, фенотиазин қатары нейролептиктері, пеницилламин, фосфаттар, тироксин.
Несеп сілтіленуі есебінен салицилаттардың бүйрек экскрециясы ұзарады.
Тиазидті диуретиктермен үйлестіргенде немесе сүт не сүт өнімдерін көп мөлшерде қабылдайтын пациенттерде, әсіресе ұзақ емделген кезде жағымсыз әсерлері байқалған.
Тиазид диуретиктерімен бір мезгілде қолданғанда (кальций экскрециясын төмендетеді) кальций мөлшерін үнемі бақылап отыру керек.
Айрықша нұсқаулар
Ұзақ қолдануға болмайды. Ренниді ем үшін 10 күннен артық пайдалануға болмайды.
Пациенттер мынадай симптомдар болғанда дәрігерге қаралғандары дұрыс: салмақ жоғалту, жұтудың қиындауы немесе асқазан аймағындағы тұрақты жайсыздық, ас қорытудың бұзылуы.
Бүйрек функциясының бұзылуы бар науқастарға препаратты тағайындаған кезде қан сарысуындағы магний және кальций концентарциясын тұрақты бақылау керек.
Құрамында сахарозаның (1 таблеткада 475 мг сахароза) болуына байланысты фруктозаны көтере алмаушылықта,глюкоза мен галактоза сіңуінің бұзылуы кезінде Ренни препаратын қолданбаған дұрыс.
Жүктілік және лактация.
Кальций карбонатын жоғарыдозада тағайындағанда және ұзақ енгізгенде оссификация түріндегі аномалиялар дамуы айқындалған. Ұсынылған дозада тағайындағанда даму ақаулары немесе эмбриоуытты әсерлерінің туындауы туралы деректер анықталмаған. Дегенмен, дәрілік затты жүкті әйелдердің қабылдау жағдайлары туралы деректер ықтимал қаупін жоққа шығаруға жеткіліксіз. Сондықтан препаратты жүктілік кезінде тағайындау тек абсолютті қажеттілік жағдайында ғана қарастырылуы мүмкін.
Препаратты жүкті әйелге тағайындағанда магний тұздарының диарея дамуын туындатуы мүмкін екендігін ескерген жөн, кальций тұздарын ұзақ уақыт бойы жоғары дозада қабылдағанда ішкі ағзалардың, оның ішінде бүйректің кальциноз болатын гиперкальциемиясы қаупі бар.
Препаратты қолдану жөніндегі ұсынымдар сақталатын жағдайда лактация кезеңінде қабылдауға болады.
Көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Көбіне бүйрек функциясы бұзылған пациенттерде препараттың үлкен дозасын қабылдау бүйрек жеткіліксіздігі, гипермагниемия, гиперкальциемия және алкалозға әкелуі мүмкін, бұл асқазан-ішек жолы тарапынан симптомдардың (жүрек айнуы, құсу, нәжістің бұзылуы) және бұлшықеттің әлсізденуі туындауына түрткі болуы мүмкін.
Емі: препарат қабылдауды тоқтатып, жеткілікті мөлшерде сұйықтық ішу. Емі симптоматикалық.
Шығарылу түрі және қаптамасы
Поливинилхлоридті үлбірденжәне алюминий фольгадан жасалған пішінді ұяшықты қаптамада 12 таблеткадан.
1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші/қаптаушы ұйымның атауы және елі
Делфарм Гайярд, 33 Рю Де Л’Индустрие, 74240 Гайярд, Франция
Тіркеу куәлігі ұстаушысының атауы мен елі
Байер Консьюмер Кэр АГ, Швейцария
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail: kz.claims@bayer.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел: +7 701 715 78 46 (тәулік бойы)
тел:+7 727 258 80 40, ішкі 106(жұмыс уақытында)
факс: +7 727 258 80 39
e-mail: pv.centralasia@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
